यूहन्ना 11:11 - गढवली नयो नियम

¹¹ ऊंल यु बात बोलि, अर यांका बाद ऊंमा बुल्ण लगि गैनी “हमारो दगड़िया लाजर सियूं च पर मि वे तैं बिजलणु कु जांणु छौं।”

Garhwali

¹¹ इन बुलण का बाद यीशु न ऊंकू फिर से बोलि कि, “हमरु दगड़्या लाजर सै गै, इलै मि वेतैं उठौणु कू जाणु छौं।”

यूहन्ना 11:11 ပူးပေါင်းရင်းမြစ်များ

मत्ती 27:52

अर कब्र खुलि गैनी अर सियां पवित्र लोग का भौत मुरयां देह ज्यूंदा हवे गै छा।

मत्ती 9:24

तब यीशु ल बोलि, हटि जावा नौंनि मुरीं नीच पर सीणी च यु सूंणि के लोग वेको ठट्टा कन लगि गैनी।

मरकुस 5:39

तब यीशु ल कमरा का भितर जै के वेमा बोलि, तुम किलै हल्ला मचौंणा अर रूंणा छा? नौंनि मोरि नि च पर सींणी च।

यूहन्ना 11:10

पर जु कुई राती कु चलो, त ठोकर खान्दो, किलैकि वेमा उज्यला नि च।

यूहन्ना 11:12

तब चेलों ल ऊंकु बोलि, “हे प्रभु जु उ सियूं च त खूब हवे जालो”

यूहन्ना 11:13

यीशु ल त वेकी मौत का बारा मा बोलि छो पर ऊंल समझी कि वेका निंद मा सींण का बारा मा बोलि

यूहन्ना 11:3

इलै वेकी बैंण ऊंकु रैबार भेजि “हे प्रभु देखा जै बट्टी तु प्रेम रखदि छै उ बिमार च”

यूहन्ना 3:29

ब्योला ब्योली से ब्यो कैरी के वीं दगड़ी ही खड़ो हुंदू अर वे तैं सुंणदो च, ब्योला का शब्दो बट्टी भौत खुश हुंदू, अब मेरी या खुशी पूरी हवे गै अर मेरू मन आनन्द बट्टी भुरे गै।

खास चेलों 7:60

फिर घुंडा टेकि कै ऊंची आवाज मा बोलि, “हे प्रभु यूं तैं यु पाप को भंगारी नि ठैरो।” अर इन बोलि उ मोरि गै।

1 कुरिन्थि 15:18

पर मसीह मा जु विश्वासी मोरि गैनी, उ बचै नि गैनी, बल्कि उ हरची गैनी, मतलब यु कि उ हमेशा कु पिता परमेश्वर बट्टी अलग हवे गैनी।

1 कुरिन्थि 15:34

तुम तैं अपड़ी सुध-बुध मा ठिक ढंग से सुचण चयणु च, अर पाप कन बंद कैरी दींण चयणु च; किलैकि तुम मा बट्टी कुछ कु पिता परमेश्वर का दगड़ी सै रिश्ता नि च, मि तुम तैं शर्मिन्दा कनु कु यूं बुल्णु छो।

1 कुरिन्थि 15:51

सूंणा, मि तुम बट्टी भेद की बातों तैं बुल्दो, कि हम सभि विश्वासियों ल नि मुरण, पर हम सभियूं कु रूप बदली जालो।

इफिसुस 5:14

यु कारण लोग बुल्दींनि, “हे सींण वला बिजि जा अर मुर्दों मा बट्टी ज्यूँदो हवे जा; त मसीह अपड़ो उज्यलो तुम पर चमकालो।”

1 थिस्सलुनीकी 5:10

प्रभु यीशु हम कु इलै मोरि, कि हम चै ज्यून्दा रावा चै मोरि भि जावा, जब प्रभु यीशु ओ त हम सब मिली के वेका दगड़ा मा जीवन पां।

याकूब 2:23

अर यु परमेश्वर का वचन का अनुसार ही हवे, “अब्राहम ल पिता परमेश्वर पर विश्वास कैरी, अर वेका विश्वास का कारण पिता परमेश्वर ल वे तैं धर्मी मनिख का रुप मा स्वीकार कैरी” अर उ पिता परमेश्वर को दगड़िया बुलै।