यूहन्ना 10:25 - गढवली नयो नियम

²⁵ यीशु ल ऊं तैं जवाब दींनि मिल तुम बट्टी बोलि छों अर तुम विश्वास नि करदां जु काम मि अपड़ा बुबा का अधिकार बट्टी करदु छों व ही मेरी उ ही मेरा गव्है च

Garhwali

²⁵ यीशु न ऊंकू बोलि, “मिन तुम मा बोलियालि छौ, पर तुम बिस्वास नि करद्‍यां। अर जौं कामों तैं मि अपणा पिता का दियां अधिकार से करदु छौं, उई मेरा गवा छिन।

यूहन्ना 10:25 ပူးပေါင်းရင်းမြစ်များ

यूहन्ना 10:32

ईं बात पर यीशु ल बोलि, मिल तुम तैं पिता परमेश्वर कि तरपां बट्टी भौत सी भला काम दिखेनि ऊंमा बट्टी कै कामों कु तुम मि पर ढुंग्यो करदां?

यूहन्ना 10:37

जु मि अपड़ा पिता परमेश्वर का कामों तैं नि करदु त, तुम मेरू विश्वास नि कैरा।

यूहन्ना 10:38

पर जु मि बुल्द छों, त चाहे मेरू विश्वास नि भि कैरा, पर ऊं कामों पर विश्वास कैरा, तब तुम तैं पता चलालो की पिता परमेश्वर मि मा रौंदु, अर मि पिता परमेश्वर मा रौंदु।

यूहन्ना 11:47

यां पर प्रधान याजक अर फरीसियों ल महासभा का लुखुं तैं कठ्ठा कैरी कै कि हम क्य करला? यु मनिख त भौत चमत्कार दिखांणु च।

यूहन्ना 12:37

अर वेल वेका संमणी इथग चमत्कार दिखैनी, तब भि ऊंल वे पर विश्वास नि कैरी।

यूहन्ना 14:11

मेरू ही विश्वास कैरा, कि मि बुबा मा छौं अर बुबा मि मा च जु चमत्कार मिल कैरी छा मेरू विश्वास कैरा।

यूहन्ना 20:30

यीशु ल और भि भौत सैरा चमत्कार चेलों का संमणी दिखैनी, जु ईं (चाम्रपत्र) किताब मा नि लिख्यां छिन।

यूहन्ना 3:2

वेल राती यीशु का संमणी ऐ के वेमा बोलि, हे गुरु हम जंणदा छा परमेश्वर ल त्वे तैं हम तैं सिखांण कु भिज्युं च किलैकि कुई भि यूं चमत्कार तैं जु तु दिखौंदि छै त जु परमेश्वर वे दगड़ी नि हो त नि दिखै सकदु।

यूहन्ना 7:31

तब भि भीड़ मा बट्टी भौत सी लुखुं ल वे पर विश्वास कैरी अर बुल्ण लगी गैनी कि मसीह जब आलो त क्य यांसे जादा चमत्कार दिखालो जु येल दिखेनि?

यूहन्ना 8:12

तब यीशु ल फिर लुखुं मा बोलि, “दुनिया कु उज्यला मि छौं जु मेरा पिछनै हवे जालो उ अंधेरा मा नि चललो पर उ उज्यला तैं पालो जु अनन्त जीवन दींद।”

यूहन्ना 8:24

इलै मिल तुम मा बोलि, कि तुम अपड़ा पापों का माफ हुयां बगैर ही मोरि जैला जु तुम मि पर विश्वास नि करिल्या कि मि वींई छौं, जु आंण वलो छों, जु मि बुल्दो छों, उ मि छों, त तुम अपड़ा पापों का कारण मोरि जैला अर तुमारा पाप माफ नि किये जाला।

यूहन्ना 8:56

तुमारा पूर्वज अब्राहम मेरू दिन दिखणा कि मनसा से भौत खुश छो अर वेल देखि अर खुशी मणै।

यूहन्ना 8:58

यीशु ल ऊंमा बोलि, मि तुम मा सच-सच बुल्ण छौं कि मि अब्राहम का पैदा हूंण से पैली बट्टी छौं।

खास चेलों 10:38

पिता परमेश्वर ल यीशु जु नासरत नगर को छो पवित्र आत्मा अर सामर्थ बट्टी अभिषिक्त कैरी अर उ हर जगह भलै करद अर उ सभियूं तैं जु शैतान का द्वारा परेशान छा, ऊं तैं खूब करदो छो, किलैकि पिता परमेश्वर वे दगड़ी छो।

खास चेलों 2:22

“हे इस्राएलियों यु बातों तैं कि नासरत वासी यीशु एक मनिख छो जु परमेश्वर की तरपां बट्टी हूंणु का प्रमाण ऊं सामर्थ का कामों अर चमत्कार का काम अर चिन्हों बट्टी प्रगट च, जु परमेश्वर ल तुमारा बीच वेका द्वारा कैरी के दिखै जै तैं तुम अफ ही जंणदा छा।

इब्रानी 2:3

इलै पक्का हम तैं भि दण्ड मिललो जु हम यु महान उद्धार कु विरोध करुला त, सबसे पैली प्रभु ल अफी यु उद्धार का बारा मा बतै, अर यु हम कु पिता परमेश्वर का द्वारा सच साबित हवे, जैल भि पिता परमेश्वर तैं सूंणि ऊंल हम तैं बतै कि यु सच च।