यूहन्ना 10:12 - गढवली नयो नियम

¹² ढिबरों पर रख्युं नौकर भेड़िये तैं आंद दिखद त उ भागि जांदु उ ढिबरों तैं छोड़ी दींद किलैकि उ वेका चरवाहा नि छिन ढिबरा वेकी नि छिन इलै भेड़िया झुण्ड पर हमला करदो अर झुण्ड तैं तितर बितर कैरी दींद।

Garhwali

¹² पर मजदूर जु नऽ त चरवाह च, अर ना ही भेड़ों को मालिक, उ भेड़िया तैं औन्द देखि के भेड़ों तैं छोड़ि के भागी जान्दु। अर भेड़िया झपटी के ऊंतैं पकड़दु अर तितर-बितर कैरी देन्दु।

यूहन्ना 10:12 ပူးပေါင်းရင်းမြစ်များ

मत्ती 10:16

“देखा मि तुम तैं ढिबरों का जन भेड़ियों का बीच मा भिजद इलै गुरो जन बुद्धिमान अर कबूतर जन भोला बंणा।”

मत्ती 7:15

“झूठा लुखुं बट्टी जु अपड़ा आप तैं परमेश्वर का संदेश दींणवला बुल्दिन इन लुखुं बट्टी चौकस रावा जु भेडियों जन छिन जु को अफ तैं ढिबरों का खल्डा ल ढक्यूं लुखुं तैं यु विश्वास दिलांणु कु की उ ढिबरा छिन पर उ वास्तव मा भेड़िया छिन जु लुखुं पर हमला करदींनि।”

यूहन्ना 10:13

उ इलै भागि जांद किलैकि उ मजदूर च अर वे तैं ढिबरों कि चिन्ता नि च।

यूहन्ना 10:2

पर जु ढिबरो कु चरवाहा हूंद उ द्वार बट्टी आंदो।

यूहन्ना 10:3

वेकु द्वारपाल द्वार खोलि दींद अर ढिबरा वेका शब्द तैं पैछणदींनि, अर उ अपड़ी ढिबरों तैं नौं ले लेकर बुल्द अर भैर लिजांद।

खास चेलों 20:29

मि जंणदु छौं कि मेरा जांणा का बाद झूठा शिक्षक आला अर विश्वासियों तैं भौत दुःख पौंछांला उ वे फड़ण वला भेड़ियों का जन होला जु ढिबरों तैं मारि दींदिनि।

1 तीमुथियुस 3:3

उ एक शराबी आदिम नि हो जु हमेशा लड़ै कनु रौ; झगड़ा कन वलो आदिम नि हो, उ दयालु, धीरज रखण वलो अर शांत स्वभाव कु हो, अर धन कु लोभि नि हो।

1 तीमुथियुस 3:8

उन ही अध्यक्षों जन, मंडलि का सेवक लुखुं तैं भि गम्भीर अर इज्जतदार हूंण चयणु च, उ दुबंगला, दाखमधु पीण वला, अर ऊं तैं इन्दरो आदिम नि हूंण चयणु च जु रूपया पांणु कु कुछ भि कैरो।

2 तीमुथियुस 4:10

किलैकि देमास दुनिया कि मोह माया मा फंसिके मि तैं छोड़ी के थिस्सलुनीके शहर कु चलि गै। क्रेंसकेस भैय त गलातिया प्रदेश कु अर तीतुस भैय दलमतिया प्रदेश कु चलि गै।

तीतुस 1:7

किलैकि मण्डलि का अध्यक्ष तैं पिता परमेश्वर को भण्डारी हूंण का कारण निर्दोष हूंण चयणु च; न की जिद्दी, न गुस्सा-बाज, न पियक्कड़, न मार-पीट कन वलो, अर न गलत ढंग से कमयां धन कु लोभि हो।

1 पतरस 5:2

जन के चरवाहा अपड़ा ढिबरों की रखवली करद, उन ही तुम तैं भि हर एक की रखवली कन चयणी च जन पिता परमेश्वर ल तुम तैं देखभाल मा रखि। इन तुम अपड़ी इच्छा ल कैरा, किलैकि पिता परमेश्वर यु ही चांद कि तुम इन ही कैरा। इन भस इलै नि कैरा किलैकि तुम तैं इन कनु कु मजबूर किये गै। यु काम इलै नि कैरा किलैकि तुम धन कमौण चदयां पर पिता परमेश्वर अर लुखुं की सेवा कने की इच्छा का दगड़ी किया कैरा।

2 पतरस 2:3

यु शिक्षक लालची होला, अर उ बनि-बणै मिसाल सुणै के तुम तैं धोखा दीला कि पैसा कमै साका। पिता परमेश्वर ल भौत बगत पैली ही फैसला कैरेले छो की उ ऊं तैं दण्ड दयालो अर उ यूं कनु कु तैयार च। उ निश्चित रूप मा ऊं तैं नाश कैरी दयालो।