यूहन्ना 1:48 - गढवली नयो नियम

⁴⁸ नतनएल ल वेमा बोलि, तु मि तैं कख बट्टी जंणदी छै? यीशु ल वे तैं जवाब दींनि यां बट्टी पैली कि फिलिप्पुस ल त्वे तैं बुलै जब तु बेडु का डाला तौला छै तब मिल त्वे तैं देखि छो।

Garhwali

⁴⁸ तब नतनएल न वे बटि पूछी, “तुम मितैं कनकै जणद्‍यां?” फिर यीशु न वेकू बोलि, “फिलिप्पुस न जब त्वेतै बुलै, वेसे पैलि मिन त्वेतै तिमला का डाळा तौळ देखियाली छौ।”

यूहन्ना 1:48 ပူးပေါင်းရင်းမြစ်များ

मत्ती 10:3

फिलिप्पुस अर बरतुल्मै, थोमा अर चुंगि लींण वलो मत्ती, हलफई को नौंनो याकूब अर तद्दी।

मत्ती 6:6

पर जब तु पिता परमेश्वर बट्टी प्रार्थना कैर त अपड़ी कोठरी मा जा अर द्वार बन्द कैर के अपड़ा परमेश्वर पिता बट्टी जु गुप्त म च जै तैं आज तक कैल नि देखि परमेश्वर बट्टी प्रार्थना कर और तब तेरु परमेश्वर पिता जु गुप्त मा बट्टी दिखद, त्वे तैं प्रतिफल दयालो।

यूहन्ना 1:44

फिलिप्पुस त अन्द्रियास अर पतरस बैतसैदा नगर कु रौंण वलो छो।

यूहन्ना 12:21

ऊं गलील जिला का बैतसैदा नगर का रांण वला फिलिप्पुस का संमणी ऐ के बिनती कैरी, “कि श्रीमान जि हम यीशु का दगड़ा भेंट कन चांणा छा।”

यूहन्ना 14:8

फिलिप्पुस ल वेमा बोलि, “हे प्रभु पिता परमेश्वर तैं हम तैं दिखै द्यावा यु हम संतुष्ट हवे जां।”

यूहन्ना 2:25

अर वे तैं जरूरत नि छै कि लुखुं का बारा मा बतौ किलैकि उ जंणदु छो कि लुखुं का दिलों या इरादों मा क्य च?

यूहन्ना 6:5

तब यीशु ल अपड़ा आंखा उठै के एक बड़ी भीड़ तैं अपड़ा संमणी औंण देखि त वेल फिलिप्पुस मा बोलि हम यूँका खांणु कु कख बट्टी रुट्टि मोल ल?

यूहन्ना 6:7

फिलिप्पुस ल यीशु तैं जवाब दे, तीन रुट्टियुं की कीमत द्वी सौ दिन की मजदूरी का बराबर होली, यु भि यूं कु पूरी नि होलि, पर ऊंमा बट्टी हरेक तैं जर जरा मिली जौ।

1 कुरिन्थि 14:25

पिता परमेश्वर का शुभ संदेश का कारण वे तैं अपड़ी बुरी, गुप्त सोच कु एहसास होलो। अर वे तैं इन एहसास होलो कि उ पापी च अर उ पश्चाताप करलो, अर फिर उ घुंडों पर ऐ के पिता परमेश्वर की आराधना करलो अर मांणी ल्यालो, कि सच मा पिता परमेश्वर तुम्हरा बीच मा च।

1 कुरिन्थि 4:5

इलै प्रभु का वापिस आंण तक कै तैं भि नि परखा, उ पूरा ढंग से ऊं सभि विचारों तैं बतालो जु लोग सुचदींनि, ज्यांका बार मा कुई भि नि जंणद, त अंधेरा मा छिपी बातों तैं उज्यला मा दिखालो, अर मांणा के उद्देश्यों तैं प्रगट करलो, तब पिता परमेश्वर का तरपां बट्टी हर एक की प्रशंसा होली।