यूहन्ना 1:34 - गढवली नयो नियम

³⁴ अर मिल देखि अर मि तुम मा सच बुल्णु छो कि “यु परमेश्वर कु नौंनो च।”

Garhwali

³⁴ अर मिन यू खुद देखि च अर इन गवै देन्दु छौं, कि यू ही परमेस्वर को पुत्र च।”

यूहन्ना 1:34 ပူးပေါင်းရင်းမြစ်များ

मत्ती 11:27

“मेरा बुबा ल मि तैं सब कुछ दियुं च अर बुबा का बगैर कुई नौंना तैं नि जंणदु अर न ही कुई बुबा तैं जंणदु च भस नौंनो ही बुबा तैं जंणदु च अर जौं लुखुं तैं नौंनो चुणदो च उ लोग ही बुबा तैं जंणदु च।”

मत्ती 16:16

शमौन पतरस ल जवाब दींनि “तु ज्यूँदो परमेश्वर कु नौंनो मसीह छै।”

मत्ती 17:5

उ जब बुल्णु ही छो कि एक चमक्यां बादल ल ऊं तैं घेरि कै ढकै दींनि अर उ ल बादल बट्टी परमेश्वर की आवाज सूंणि “यु मेरू प्रिय नौंनो च ये कि सूंणा।”

मत्ती 26:63

पर यीशु चुप रै तब महायाजक ल वेमा बोलि, “मि त्वे तैं ज्यून्दा परमेश्वर की सौं दींणु कि तु जु परमेश्वर कु नौंनो मसीह छै त हम तैं बतै दे।”

मत्ती 27:40

अर बुल्दिन उ मन्दिर तैं ढुलण वला अर तीन दिनों मा बनांण वला अफ तैं त बचौ तु परमेश्वर कु नौंनो छै त सूली पर बट्टी उतरी के अफ तैं बचौ।

मत्ती 27:43

येल परमेश्वर पर भरोसो रखि जु उ यु तैं चांदु च त अब यु तैं छुड़ैल्यो किलैकि येल बोलि छो कि मि परमेश्वर कु नौंनो छौं।

मत्ती 27:54

तब सुबदार अर जु वे दगड़ी यीशु को पहरा दींणा छा भ्युंडोल अर जु कुछ हवे छो वे देखि के भौत डैरी गैनी त बोलि, “सचमुच यु मनिख परमेश्वर कु नौंनो छो”

मत्ती 3:17

“अर परमेश्वर ल स्वर्ग बट्टी बोलि कि तु मेरू प्रिय नौंनो छै मि त्वे बट्टी भौत खुश छौं।”

मत्ती 4:3

तब शैतान ल वेका संमणी ऐ के बोलि, “जु तु परमेश्वर कु नौंनो छै त यूं ढुंगो कु बोल कि यु रुट्टि बंणि जौ अर साबित कैर कि तू ऊं तैं खै साको।”

मत्ती 4:6

अर शैतान ल यीशु कु बोलि, “जु तु परमेश्वर कु नौंनो छै त इख बट्टी मूड़ी कूदी के साबित कैर त्वे तैं चोट नि लगली किलैकि परमेश्वर का वचन मा लिख्युं च उ अपड़ा स्वर्गदूतों तैं आज्ञा दयाला अर उ त्वे तैं हथौं-हथ संभाली दयाला कखि इन नि हो कि तेरा खुट्टों मा ढुंगो से चोट नि लगालो।”

मत्ती 8:29

ऊंल चिल्लै कै बोलि, “हे परमेश्वर का नौंनो” मेरू तेरु कुई लिणु दींणु नि च क्य तु बगत से पैली हम तैं दुःख दींणु कु इख अईं छै?

मरकुस 1:1

परमेश्वर कु नौंनो यीशु मसीह क बारा मा शुभ सन्देश की शुरुवात इन कै हुंद

मरकुस 1:11

अर या आकाशवाणी हवे, “अर परमेश्वर ल स्वर्ग बट्टी बोलि कि तु मेरू प्रिय नौंनो छै मि त्वे बट्टी भौत खुश छौं।”

लूका 1:35

स्वर्गदूत ल वीं तैं जवाब दींनि कि पवित्र आत्मा त्वे पर उतरलो अर परमप्रधान परमेश्वर कि सामर्थ त्वे पर छाया कैरेली इलै जन्म लींण वलो नौंनो पवित्र होलो अर परमेश्वर कु नौंनो जंणेली।

लूका 3:22

अर पवित्र आत्मा तैं कबूतर का रूप मा अपड़ा मथि औंण देखि। अर या आकाशवाणी हवे, “अर परमेश्वर ल स्वर्ग बट्टी बोलि, कि तु मेरू प्रिय नौंनो छै मि त्वे बट्टी भौत खुश छौं।”

यूहन्ना 1:18

परमेश्वर तैं कैल कभि नि देखि, भस वेका एकलौता नौंना ल जु सच मा परमेश्वर च, अर बुबा का सबसे नजिक च, वेल परमेश्वर तैं हम तैं दिखै।

यूहन्ना 1:49

नतनएल ल वे तैं जवाब दींनि कि, हे गुरु तु परमेश्वर कु नौंनो छै तु इस्राएल का लुखुं का घराना को महाराजा छै।

यूहन्ना 10:30

मि अर पिता परमेश्वर एक ही छा।

यूहन्ना 10:36

त जब मि बुल्द, “मि परमेश्वर कु नौंनो छों त तुम मि तैं किलै बुल्दा छा, तु बुरै कनी छै।” मि उ छों पिता परमेश्वर बट्टी अलग करयुं अर वेल मि तैं जगत मा भेजि

यूहन्ना 11:27

वीं ल यीशु मा बोलि, “हे प्रभु हां मि विश्वास करदु छौं कि परमेश्वर कु नौंनो मसीह जु जगत मा आंण वला छो उ तु ही छै।”

यूहन्ना 19:7

यहूदियों का अगुवों ल वे तैं जवाब दे “हमारी भि व्यवस्था छिन अर ऊं व्यवस्था का अनुसार उ मरै जांण लैख च किलैकि वेल अफ तैं परमेश्वर को नौंनो बतै।”

यूहन्ना 20:28

यु सूंणि कै थोमा ल जवाब दींनि, “हे मेरा प्रभु, हे मेरा परमेश्वर।”

यूहन्ना 20:31

पर यु बात जु लिखीं छिनी उ इलै लिखीं छिनी कि तुम विश्वास कैरी सक्यां कि यीशु ही परमेश्वर कु नौंनो मसीह च अर वे पर विश्वास कैरी कै वेका नौं बट्टी अनन्त जीवन पावा।

यूहन्ना 6:69

अर हम ल विश्वास कैरी अर जांणि भि ग्यां कि तु एक पवित्र जन छै जै तैं पिता परमेश्वर ल भेजि।

रोमियों 1:4

अर पवित्र आत्मा का भाव बट्टी मुरयां मा बट्टी ज्यून्दा हूंण का कारण सामर्थ का दगड़ी पिता परमेश्वर कु नौंनो ठैरी, उ यीशु मसीह हमारो प्रभु च।

2 कुरिन्थि 1:19

किलैकि पिता परमेश्वर कु नौंनो यीशु मसीह जैको हमारा द्वारा मतलब कि मेरा अर सिलवानुस अर तीमुथियुस का द्वारा तुम्हरा बीच मा प्रचार हवे; जु एक बगत मा हाँ अर बाद मा न नि छै।

1 यूहन्ना 2:23

जु कुई नौंना प्रभु यीशु मसीह कु इन्कार करदो च वेमा पिता परमेश्वर भि नि च, जु नौंना प्रभु यीशु मसीह तैं मणदो च, वेमा पिता परमेश्वर भि च।

1 यूहन्ना 3:8

जु कुई सदनी पाप करदो, उ शैतान कि तरपां बट्टी च, किलैकि शैतान पैली ही बट्टी पाप करदी ऐ। पिता परमेश्वर को नौंनो इलै ऐ, कि शैतान का कामों तैं नष्ट कैरी द्यो।

1 यूहन्ना 4:9

जु प्रेम पिता परमेश्वर हम बट्टी करदु, उ यां बट्टी प्रकट हवे कि पिता परमेश्वर ल अपड़ा इकलौता नौंना यीशु मसीह तैं दुनिया मा भेजि कि हम वेका द्वारा अनन्त जीवन पां।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।

2 यूहन्ना 1:9

उ लोग जु सच्ची शिक्षा बट्टी भटकी जांद, अर मसीह की शिक्षा तैं नि मणदींनि, उ पिता परमेश्वर का दगड़ी संगति मा नि च। जु कुई मसीह की शिक्षा तैं मणदो उ पिता परमेश्वर का दगड़ी अर वेका नौंना यीशु मसीह का दगड़ी संगति मा च।

दिब्य दरस 2:18

वेल मि बट्टी यु भि बोलि, थुआतीरा शहर की मण्डलि का दूत तैं यु संदेश लिख; “पिता परमेश्वर का नौंना की तरपां यु संदेश च, वेका आँखा, उ आग का लपटों का जन छिनी, वेका खुटा पीतल का जन चमकणा छा जै तैं भट्टी मा तचये जांणु हो, उ यु भि बुल्द”