यूहन्ना 1:3 - गढवली नयो नियम

³ परमेश्वर ल सब कुछ वे बट्टी ही पैदा कैरी और जु सृजे गै छो वामा बट्टी कुई भि चीज वेका बगैर पैदा नि हवे।

Garhwali

³ अर सब कुछ वेसे बणयै गै अर जु कुछ भि बणयै गै, उ सब कुछ वेका ही द्‍वारा बणयै गै।

यूहन्ना 1:3 ပူးပေါင်းရင်းမြစ်များ

यूहन्ना 1:10

उ दुनिया मा छो अर दुनिया वेका द्वारा पैदा हवे अर जगत का लुखुं ल वे तैं नि पैछांणि।

यूहन्ना 1:2

उ शब्द आदि मा परमेश्वर का दगड़ा मा छो।

इफिसुस 3:9

अर सभियूं मनिख्युं तैं समझै सकदु छों, कि वेल ऊं चीजों तैं कन पूरो कैरी जौं तैं वेल पैली बट्टी कनु कु फैसला कैरी छों। यु भौत बगत पैली प्रगट नि हवे छों किलैकि परमेश्वर हरेक चीज तैं बनांण वलो ल छिपयुं छों।

इब्रानी 11:3

विश्वास ही ल हम जणदां, कि सैरी दुनिया की रचना पिता परमेश्वर का वचन का द्वारा हवे; इलै हम जु भि दिखदा उ वीं चीजों बट्टी नि बणयूं जौं तैं दिखै नि जै सकद।

1 यूहन्ना 5:1

जै को यु विश्वास च, कि यीशु ही मसीह च, उ मनिख पिता परमेश्वर की सन्तान च अर जु कुई पिता परमेश्वर बट्टी प्रेम करदो, उ पिता परमेश्वर की सन्तान बट्टी भि प्रेम करद।

दिब्य दरस 3:14

लौदीकिया शहर की मण्डलि का दूत तैं लिख “मि आमीन कहलांद, किलैकि मि विश्वासयोग्य छो अर मि पिता परमेश्वर का बारा मा जु भि प्रमाणित करदु उ सच च। जु कुछ भि वेल बणै मि वे सब कुछ को स्रोत भि छो, मि त्वे बट्टी यु बुल्दो।

दिब्य दरस 4:11

हे हमारा प्रभु परमेश्वर, तिल सभि चीजों की रचना कैरी, तेरी ही इच्छा का अनुसार, उ बणये गैनी अर उ मौजूद छिनी, इलै ही तू महिमा अर आदर अर सामर्थ पांणा का योग्य छै।