यूहन्ना 1:15 - गढवली नयो नियम

¹⁵ यूहन्ना ल वेका बारा मा गव्है दींनि और चिल्लै कै बोलि, “यु उ ही च जैकू मिल ब्यौरा कैरी छो कि जु मेरा बाद औणु च उ मि बट्टी बड़ी के च, किलैकि उ मि से पैली बट्टी छो।”

Garhwali

¹⁵ तब यूहन्‍ना बपतिस्मा देण वळन वेका बारा मा गवै दे, अर चिल्‍लै-चिल्‍लै के इन बोलि कि, “यू मनखि उई च, जैका बारा मा मिन बोलि छौ, उ जु मेरा बाद औण वळु च, उ मिसे भि महान च किलैकि उ मिसे भि पैलि बटि छौ।

यूहन्ना 1:15 ပူးပေါင်းရင်းမြစ်များ

मत्ती 3:11

मि त तुम तैं पापों बट्टी पछतावा कैरी के मन फिरावा इलै मि तुम तैं पांणी ल बपतिस्मा दींदो अर यु प्रचार करदु छो, “कि मेरा बाद उ औंण वलो च, जु मि से भि जादा महान अर शक्तिशाली च मि त ये लैख भि नि छौं कि वेको दास बंणि के झुकि के वेका जुतों का तंणखा खोलु, मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल अर आग ल बपतिस्मा दयालो।

मरकुस 1:7

अर यु प्रचार करदो छो, “कि मेरा बाद उ औंण वलो च, जु मि से भि जादा महान अर शक्तिशाली च मि त यु लैख भि नि छौं कि वेको दास बंणि के झुकि के वेका जुतों का तंणखा खोलु।

लूका 3:16

तब यूहन्ना ल ऊं सभियूं मा बोलि, “कि मेरा बाद उ औंण वलो च जु मि से भि जादा महान अर शक्तिशाली च मि त ये लैख भि नि छौं कि वेको दास बंणि के झुकि के वेका जुतों का तंणखा खोलु, मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल अर आग से बपतिस्मा दयालो।”

यूहन्ना 1:27

पर जु मेरा बाद आंण वलो च, जैका जुतों का तंणखा खुलणा का लैक भि मि नि छों।

यूहन्ना 17:5

अब हे पिता परमेश्वर तु अपड़ी उपस्थिति मा मेरी बड़ै कैर, उ बड़ै मेरी छै, जु दुनिया की सृष्टि से पैली तुम दगड़ी छै।

यूहन्ना 8:58

यीशु ल ऊंमा बोलि, मि तुम मा सच-सच बुल्ण छौं कि मि अब्राहम का पैदा हूंण से पैली बट्टी छौं।

कुलुसी 1:17

कुछ भि बनांण से पैली, मसीह पैली बट्टी ही मौजूद छो अर सब चीज वेमा ही एक दगड़ी अच्छा ढंग से काम करदी।

इब्रानी 13:8

यीशु मसीह ब्यालि अर आज अर हमेशा एक ही जन च, उ कभी नि बदलद।

दिब्य दरस 1:11

वेल मि बट्टी बोलि, “जु कुछ तू दिखणी छै, वे तैं एक किताब (चाम्रपत्र) मा लिख दे जा यु ऊं सात मण्डलियों तैं भेज जु यु शहरों मा छिनी, मतलब कि इफिसुस, स्मुरना, पिरगमुन, थुआतीरा, सरदीस, फिलदिलफिया अर लौदीकिया शहर तैं।”

दिब्य दरस 2:8

स्मुरना शहर की मण्डलि का दूत तैं यु संदेश लिख; जु पैलो अर आखिर च; मि एक बार मोरि गै छो पर अब मि ज्यूँदो छो अर हमेशा ज्यूँदो रौलु, मि त्वे बट्टी यु बुल्णु छो