यूहन्ना 1:10 - गढवली नयो नियम

¹⁰ उ दुनिया मा छो अर दुनिया वेका द्वारा पैदा हवे अर जगत का लुखुं ल वे तैं नि पैछांणि।

Garhwali

¹⁰ अर उ दुनियां मा छौ अर दुनियां वेका द्‍वारा ही बणयै गै, पर दुनियां का लोगु न वेतैं नि पछ्याणी।

यूहन्ना 1:10 ပူးပေါင်းရင်းမြစ်များ

मत्ती 11:27

“मेरा बुबा ल मि तैं सब कुछ दियुं च अर बुबा का बगैर कुई नौंना तैं नि जंणदु अर न ही कुई बुबा तैं जंणदु च भस नौंनो ही बुबा तैं जंणदु च अर जौं लुखुं तैं नौंनो चुणदो च उ लोग ही बुबा तैं जंणदु च।”

यूहन्ना 1:11

उ अपड़ा लुखुं का संमणी ऐ अर वेका अपड़ा लुखुं ल वे तैं ठुकरै दींनि।

यूहन्ना 1:18

परमेश्वर तैं कैल कभि नि देखि, भस वेका एकलौता नौंना ल जु सच मा परमेश्वर च, अर बुबा का सबसे नजिक च, वेल परमेश्वर तैं हम तैं दिखै।

यूहन्ना 1:3

परमेश्वर ल सब कुछ वे बट्टी ही पैदा कैरी और जु सृजे गै छो वामा बट्टी कुई भि चीज वेका बगैर पैदा नि हवे।

यूहन्ना 1:5

उज्यलो अंधेरा मा चमकद अर अन्धकारा ल वे तैं नि बुझै साकी।

यूहन्ना 17:25

हे धर्मी बुबा, दुनिया ल त त्वे तैं नि जांणि, पर मि त्वे तैं जंणदु छों, अर यूं चेलों ल भि जांणि कि तिल मि तैं भेजि।

यूहन्ना 5:17

यां पर यीशु ल वेमा बोलि, मेरू पिता परमेश्वर हमेशा काम करदो अर मि तैं भि काम कन चयणु च।

खास चेलों 14:17

फिर भि उ भला काम कैरी के अपड़ा बारा मा गव्है दींदी रैनी; उ तुम कु स्वर्ग बट्टी पांणी बरसांद अर अपड़ा मौसम मा हर एक फसल तैं पैदा करद। उ तुम तैं अन्न दे के तुम्हरी भूख मिटोंदु अर तुम्हरा मनों तैं खुशी दींद।”

1 कुरिन्थि 1:21

मि इन इलै बुल्णु छों, किलैकि पिता परमेश्वर ल समझदारी का दगड़ी यु निर्णय लये कि ई दुनिया का लोग अपड़ी काबलियत ल वे तैं जनण मा सक्षम नि छिनी। इलै पिता परमेश्वर ल ऊं लुखुं तैं बचौणु कु जु हमारा द्वारा प्रचार किये गै शुभ संदेश तैं मणदींनि, अर जु लोग यु नि मणदींनि उ बुल्दींनि कि हमारा उपदेश कु कुई फैदा नि च।

1 कुरिन्थि 2:8

पिता परमेश्वर की योजना तैं ईं दुनिया का राज्यपालों ल भि नि समझी, किलैकि जु उ जंणदा त प्रतापमय प्रभु यीशु तैं सूली पर नि चड़ांदा।

कुलुसी 1:16

किलैकि यु उ ही मसीह च जैल सब कुछ बनौण बगत पिता परमेश्वर का दगड़ा काम कैरी, उ आसमान कि हूंनु या फिर धरती की हूंनु, देखि चीज हूंनु या फिर नि देखि चीज, क्य राजा, क्य प्रभुता, क्य प्रधानता, अर क्य अधिकार, सैरी चीज वेका ही द्वारा अर वेको ही रचे गैनी।

इब्रानी 11:3

विश्वास ही ल हम जणदां, कि सैरी दुनिया की रचना पिता परमेश्वर का वचन का द्वारा हवे; इलै हम जु भि दिखदा उ वीं चीजों बट्टी नि बणयूं जौं तैं दिखै नि जै सकद।

1 यूहन्ना 3:1

सोचा त सै कि, पिता परमेश्वर ल हम बट्टी भौत प्रेम कैरी, कि हम पिता परमेश्वर की संतान कहलौंदियां, हकीकत मा हम वेकी सन्तान छैं भि छा। ईं दुनिया का लोग यु नि जणदींनि कि हम पिता परमेश्वर की संतान छा, किलैकि दुनिया का लोग पिता परमेश्वर तैं नि जणदींनि।