याकूब 5:16 - गढवली नयो नियम

¹⁶ इलै एक हैंका का संमणी अपड़ा-अपड़ा पापों तैं मंणिल्या; अर एक दुसरा कु प्रार्थना कैरा, ज्यां बट्टी बिमार ठिक हवे जौं; धर्मी जन की प्रार्थना मा भौत सामर्थी च अर वे बट्टी अद्भुत प्रणाम मिल्दा।

Garhwali

¹⁶ इलै तुम एक-दुसरा का समणि अपणा-अपणा पापों तैं मणिल्या, अर एक-दुसरा खुणि प्रार्थना कैरा, ताकि तुम बिमारियों मा बटि खूब ह्‍वे जा। किलैकि जु मनखि परमेस्वर की नजर मा धरमी च वेकी प्रार्थना का द्‍वारा भौत कुछ ह्‍वे सकदु च।

याकूब 5:16 ပူးပေါင်းရင်းမြစ်များ

मत्ती 21:22

“अर जु कुछ तुम पिता परमेश्वर बट्टी प्रार्थना विश्वास से मांगिल्या त उ तुम तैं मिललो।”

मत्ती 3:6

अर अपड़ा पापों तैं मांणी के यरदन गाड मा वे बट्टी बपतिस्मा लींनि।

मरकुस 1:5

अर भौत स लोग यहूदिया प्रान्त का अर यरूशलेम शहर का रौंण वला वेमा गैनी अर अपड़ा पाप तैं मांणी के यरदन गाड मा वे बट्टी बपतिस्मा लींनि।

लूका 9:6

अर उ निकली के गौं-गौं शुभ सन्देश प्रचार सुंणौदि अर हर कखि लुखुं तैं खूब करदी फिरदी रैनी।

यूहन्ना 9:31

हम जंणदा छा कि परमेश्वर पापी लुखुं कि नि सुंणदो पर जु कुई परमेश्वर कु भक्त हो अर वेकी मनसा पर चलदो च त उ वेकी सुणदु च।

खास चेलों 10:38

पिता परमेश्वर ल यीशु जु नासरत नगर को छो पवित्र आत्मा अर सामर्थ बट्टी अभिषिक्त कैरी अर उ हर जगह भलै करद अर उ सभियूं तैं जु शैतान का द्वारा परेशान छा, ऊं तैं खूब करदो छो, किलैकि पिता परमेश्वर वे दगड़ी छो।

खास चेलों 19:18

जौं ल विश्वास कैरी छो ऊंल ऊंमा बट्टी भौत लुखुं ल ऐ के खुलाआम अपड़ा बुरा कामों तैं मांणी लींनि।

खास चेलों 8:24

शमौन ल जवाब दींनि, “तुम, मि कु पिता परमेश्वर बट्टी प्रार्थना कैरा कि जु बात तुम ल बुलिनि, ऊंमा बट्टी कुई भि मि पर नि ओ।”

रोमियों 3:10

जन परमेश्वर का वचन मा लिख्युं च; परमेश्वर कि नजरों मा कुई भि धर्मी नि च, एक भि न।

रोमियों 5:19

किलैकि जन एक मनिख का आज्ञा नि मनणा का कारण भौत लोग पापी ठैरिनि, उन ही एक मनिख की आज्ञा मणनं से भौत लोग धर्मी ठैराये जाला।

कुलुसी 1:9

इलै जै दिन बट्टी हम ल यु सूंणि, त हम भि तुम कु प्रार्थना कना छा कि पिता परमेश्वर को आत्मा तुम तैं ज्ञान अर समझ द्यो कि तुम वेकी इच्छा तैं पूरा ढंग से समझी साका।

1 थिस्सलुनीकी 5:17

सदनी प्रार्थना कन मा लगयां रावा।

1 थिस्सलुनीकी 5:23

अर तुम्हरी आत्मा, प्राण, अर देह तैं अपड़ा प्रभु यीशु मसीह का फिर वापिस आंण का दिन तक पूरा ढंग से निर्दोष अर बचै के रखा; शान्ति दींण वलो पिता परमेश्वर अफी तुम तैं पूरा ढंग से पवित्र कैरो।

1 थिस्सलुनीकी 5:25

हे विश्वासी भयों, हम कु प्रार्थना कैरा।

इब्रानी 11:4

विश्वास ही का कारण आदम का नौंना हाबिल ल अपड़ा बड़ा भैय कैन से बढ़िया बलिदान पिता परमेश्वर कु चढै; अर वीं भेट का द्वारा पिता परमेश्वर ल हाबिल तैं एक धर्मी का रूप मा स्वीकार कैरी; पिता परमेश्वर वेका बलिदान बट्टी खुश छो, हाबिल अपड़ी मौत का बाद भि, हम तैं सिखै गै कि विश्वास कन हूंण चयणु च।

इब्रानी 11:7

विश्वास ही ल नूह नौं का आदिम ल जब वे तैं एक बाड़ का बारा मा पिता परमेश्वर ल चेतावनी द्ये जु वेल कभी नि देखि छै, त वेल पवित्र डौर का दगड़ी अपड़ा परिवार का बचाव अर उद्धार कु पांणी कु जहाज बणै, अर नूह का विश्वास से पैली, बकि दुनिया का लोग जु विश्वास नि करदा छा, ऊंल वेकी निंदा कैरी अर ऊं तैं भंगारी ठैरगे; किलैकि नूह ल पिता परमेश्वर पर भरोसा कैरी, इलै पिता परमेश्वर ल वे तैं धर्मी ठैरे।

इब्रानी 12:13

अर इख अर उख दिखणां का बजाय, तुम यीशु का संमणी पौंछण वली सीधी सड़क पर चलदी रावा, कि हमारा बीच मा जु लोग आत्मिक रूप मा कमजोर छिनी, उ भटकी नि जां, पर ऊंको विश्वास मजबूत बंणि जौं।

इब्रानी 13:18

हम कु प्रार्थना करदी रावा, किलैकि हम तैं भरोसा च कि हमारो विवेक शुद्ध च; अर हम जु भि काम करदा ऊं सभियूं मा पिता परमेश्वर कु सम्मान कन चांदा छा।

1 पतरस 2:24

जब मसीह मोरि, त हमारा पापों का कारण सूली पर वेकी देह तैं दण्ड़ित कैरी। वेल इन इलै कैरी की हम पाप कन बंद कैरा अर धार्मिकता ल जीवन जींण शुरू कैरी द्या, अर ऊं घावों का कारण जु मसीह ल सैनी, हम खूब हवे ग्यां

1 यूहन्ना 3:22

अर जु कुछ हम पिता परमेश्वर बट्टी मंगदा छा, उ हम तैं पिता परमेश्वर बट्टी मिल्दो; किलैकि हम वेकी आज्ञाओं तैं मणदां, अर जु वे तैं अच्छो लगदो हम उ ही करद्यां।