याकूब 3:10 - गढवली नयो नियम

¹⁰ एक ही गिच्चा बट्टी स्तुति अर श्राप दुई निकलदींनि। हे विश्वासी भयों, इन नि हूंण चयणु च।

Garhwali

¹⁰ एक ही गिच्‍चा बटि तारीफ अर असगार निकळदु। हे मेरा भै-बैंणो, इन नि होण चयेणु।

याकूब 3:10 ပူးပေါင်းရင်းမြစ်များ

रोमियों 12:14

अपड़ा सतौंण वलो तैं आशीष द्यावा; आशीष द्यावा पर श्राप नि द्यावा।

1 कुरिन्थि 3:3

किलैकि तुम अब भि अपड़ा पापी स्वभाव का अनुसार ही अपड़ो जीवन जींणा छा; इलै जब तुम मा जलन अर लड़ै-झगड़ा हूंदींनि, त क्य यु साबित नि हूंद कि तुम अपड़ा पापी स्वभाव का कब्जा मा छा? क्य तुम ईं दुनिया का लुखुं का जन ही जीवन नि जींणा छा?

1 तीमुथियुस 5:13

अर यांका दगड़ी-दगड़ी उ घौर-घौर रीटिके अलकसी हवे जंदींनि, अर भस अलकसी ही न, पर दुसरा लुखुं का बारा मा चुगली करदी अर और का कामों मा दखल दींदिनि, अर इन बात बुल्दींनि जु बुल्ण लैख नि हूंदींनि।

याकूब 1:16

हे मेरा प्रिय विश्वासी भयों, अपड़ा जीवन मा धोखा नि खावा।

याकूब 1:19

हे मेरा विश्वासी भयों, ईं बात तैं तुम जणिल्या हर एक आदिम तैं पिता परमेश्वर का वचन सुनणु कु तैयार रौंण वलो अर बुल्ण मा धीरज रखण वलो अर जल्दी गुस्सा कन वलो नि हूंण चयणु च।

याकूब 3:1

हे विश्वासी भयों, तुम मा बट्टी भौतों तैं विश्वासियों की मण्डलि मा गुरु नि बनण चयणु च, किलैकि तुम जणदां छा, कि हम पिता परमेश्वर का वचन सिखौंण वलो को न्याय और भि कठोरता ल किये जालो।

याकूब 3:11

एक ही कुवां बट्टी मिठो अर नमकीन पांणी द्वी नि निकली सकदींनि।

याकूब 3:9

ईं जीभ ल ही हम प्रभु अर पिता परमेश्वर की स्तुति करदां। अर यां बट्टी ही मनिख्युं तैं जु पिता परमेश्वर का समानता मा बणयां छिनी ऊं तैं श्राप दींदयां।

1 पतरस 3:9

बुरै का बदला मा बुरै नि कैरा अर न गल्ली का बदला मा गल्ली द्या; पर यांका विपरीत आशीष ही द्या; पिता परमेश्वर ल तुम तैं बुलै कि तुम दूसरों तैं आशीष दे साका। जु तुम इन करदा त पिता परमेश्वर भि तुम तैं आशीष दयालो।