याकूब 1:6 - गढवली नयो नियम

⁶ पर मंगण वलो विश्वास बट्टी पिता परमेश्वर बट्टी मांगो अर शक नि कैरो; पर जु शक करदो, उ अविश्वासी समुद्र की लहरों की तरौं च जु सदनी बदलणु रौंदो।

Garhwali

⁶ पर उ सक नि कैरो, बल्किन मा बिस्वास से मांगु। किलैकि जु कुई सक करदु, उ समुन्दर की लैर का जन च जु कि हवा का दगड़ि इनै-उनै जान्दी अर उठणी-बैठणी रौन्दी।

याकूब 1:6 ပူးပေါင်းရင်းမြစ်များ

मत्ती 14:28

पतरस ल ऊं तैं जवाब दींनि, कि “हे प्रभु जु तु छै त मि तैं अफ मा पांणी पर चलणै की आज्ञा दे।”

खास चेलों 10:20

भले ही उ अन्यजाति बट्टी च, उठि के मूड़ी जा, अर बगैर सुचयां वे दगड़ी चलि जा; मिल ही भेजि।”

इफिसुस 4:14

कि अब हम छुट्टा नौंनो जन नि हो, अर अब हम ऊं नावों का जन नि हो, जौं तैं लहर अगनैं पिछनै धकैल दे अर बथौं इना-उना घुमोंद। यांको मतलब च चालाक अर ठग लोग अब अपड़ी झूठी शिक्षा ल हम तैं धोखा नि दे सकदा।

1 तीमुथियुस 2:8

मि इन चांणु छौं कि हरेक जगह मा जु आदिम पवित्र जीवन जींणु च, जब भि तुम पिता परमेश्वर की आराधना कनु कु मिलद्यां, बगैर गुस्सा अर झगड़ा का अपड़ा हथ उठै कै प्रार्थना किया कैरा।

इब्रानी 10:23

अर अपड़ी आस का अंगीकार तैं मजबूती ल थामि के रखा; किलैकि पिता परमेश्वर विश्वासयोग्यता ल उ सब कुछ करलो जै तैं कनु कु वादा वेल हम दगड़ी कैरी।

इब्रानी 11:6

अर पिता परमेश्वर पर विश्वास कैरी के ही हम वे तैं खुश कैरी सकदा, किलैकि पिता परमेश्वर का संमणी आंण वला तैं वे पर विश्वास कन चयणु च, कि उ छै च; अर उ जु वे तैं सचै का दगड़ी खुजदींनि, उ, ऊं तैं ऊंको प्रतिफल दयालो।

इब्रानी 13:9

भौत किस्म का अर मथि बट्टी थूपियां उपदेशों बट्टी जु तुम तैं गलत रस्ता पर ली जंदींनि नि भरमै जावा, किलैकि तुम्हरा मनों कु यु ठिक च कि उ कृपा का द्वारा मजबूत बणा, खांण-पीण वली चीजों का नियमों कु पालन कन से कुछ फैदा नि हूंद।

याकूब 1:7

इन्दरा मनिख को मन सदनी बदलणु रौंदो, इन मनिख यु न समझो, कि मि तैं प्रभु बट्टी कुछ मिललो अर लोग वे पर निर्भर नि रै सकदींनि।

याकूब 5:15

अर विश्वास बट्टी कैरी प्रार्थना ल बिमार बचि जालो, अर प्रभु वे तैं ठिक करलो; जु वेका पाप भि करयां हो, तब भि पिता परमेश्वर वे तैं माफ कैरी दयालो।

2 पतरस 2:17

यु झूठा शिक्षक ऊं पांणी का स्रोतों का जन बेकार छिनी जु सूखी गैनी। उ निराशा दींणवला बादलों का जन च, जूं तैं तेज बथों उड़ै के लिजांदी, यां से पैली की बरखा हो। पिता परमेश्वर ल ऊंकु एक इन जगह तैयार कैरी जु पूरा ढंग से अंधेरी च।