इब्रानी 9:11 - गढवली नयो नियम

¹¹ पर जब मसीह महायाजक हवे के ऐ, जु नई वाचा की सभि अच्छी-अच्छी चीजों तैं दींद, जु पैली बट्टी ही छै, त वेल और भि जादा महान अर मिलाप वला तम्बू मा प्रवेश कैरी; यु मनिख्युं द्वारा नि बणै गै अर ई दुनिया बट्टी जुड़ियूं नि च।

Garhwali

¹¹ हे मेरा भै-बैंणो, अब जब यीशु मसीह ईं दुनियां मा एक महा पुरोहित बणि के ऐ, त उ हम खुणि भली से भली आसीस लेके ऐ, जु कि आज हमतै मिलणी छिन। अर जख यीशु मसीह न सेवा कैरी उ बड़ु भलु च किलैकि उ पवित्र तम्बू मनखियों का हाथोंळ नि बणि अर ना ही उ ईं दुनियां को च।

इब्रानी 9:11 ပူးပေါင်းရင်းမြစ်များ

मत्ती 11:3

“क्य तु ही उ मसीह छै, जै तैं भिजणो को वादा परमेश्वर कु करयूँ छो य हम कै दूसरो कु इन्तेजार कैरा।”

मत्ती 2:6

“कि हे यहूदिया प्रान्त का, बैतलहम शहर का लुखुं तु जु यहूदिया प्रान्त का प्रदेश मा छै तु कनके भि यहूदा का अधिकारियों मा सबसे छुटो नि छै किलैकि त्वे मा बट्टी एक आदिम आलो जु अधिपति बणालो जु मेरी प्रजा इस्राएल का लुखुं कि रखवली करलो।”

मरकुस 14:58

“हम ल यु तैं इन बुल्द सूंणि, मि लुखुं का हथ का बणायां यु मन्दिर तैं डोल दयुलु अर तीन दिनों मा हैंको बणै दयुलु, जु लुखुं का हथ ल नि बण्यूं होलो।”

यूहन्ना 1:14

अर वचन देहधारी हवे अर दया अर सचै बट्टी पूरो हवे के हमारा बीच मा डेरो कैरी और वेकी महिमा इन छै जन बुबा (परमेश्वर) कि तरपां बट्टी अयां एकलौता नौंना की महिमा।

यूहन्ना 4:25

वीं जनन ल वे बट्टी बोलि, मि जंणदु छौं कि मसीह जु ख्रिस्त कहलांद औंण वलो च जब उ आलो त हम तैं सब बात बतै दयालो।

खास चेलों 7:48

पर परमप्रधान परमेश्वर हथ का बंणया मन्दिर मा नि रौंदु, जन कि यशायाह की किताब मा परमेश्वर का तरपां बट्टी बुल्ण वला ल लिखीं,

2 कुरिन्थि 4:18

अर हम त दिखीं चीजों तैं न पर अणदिखीं चीजों तैं दिखदी रौंदयां, किलैकि दिखीं चीज त थोड़ा ही दिनों की छिनी, पर अणदिखीं चीज सदनी बंणि रौंदींनि।

2 कुरिन्थि 5:1

किलैकि हम जंणदा छा, कि जु धरती पर कु हमारो यु अस्थायी देह नाश हवे जौं त हम तैं पिता परमेश्वर का तरपां बट्टी स्वर्ग मा एक इन देह मिललि, जु मनिख्युं का हथों बट्टी बंणि देह न पर चिरस्थाई च।

कुलुसी 2:11

जब तुम ल मसीह पर विश्वास कैरी, त तुम्हरो खतना मनिख्युं द्वारा नि किये गै जन यहूदी करदींनि पर उ खतना हवे जु मसीह का द्वारा किये गै, जु कि तुम्हरो पापमय स्वभाव तैं काटि कै दूर करद।

इब्रानी 10:1

मूसा की व्यवस्था की पुरणी रीति भविष्य मा आंण वला चीजों की भस एक तस्वीर छै, न कि ऊं अच्छी चीजों की हकीकत जु मसीह ल हम कु कैरी; पुरणी रीति का अधीन चढै जांणवला बलिदान साल हर साल बार-बार चढै जांदा छा, पर उ, ऊं लुखुं तैं पूरी रीति से शुद्धता प्रदान कना का लैक नि छो, जु परमेश्वर की आराधना कनु कु वेका नजदीक औंदींनि।

इब्रानी 12:27

अर यु वाक्य एक बार फिर ईं बात तैं दिखांद कि पिता परमेश्वर द्वारा बणईं चीज हिलये जाली अर हटै दे जाली; कि जु चीज हिलये नि जाली, उ हमेशा कु बंणि रौ।

इब्रानी 13:14

किलैकि ईं दुनिया मा हमारो कुई स्थायी घौर नि च, पर हम वे स्वर्गीय घौर का खोज मा छा, जु हमेशा कु च।

इब्रानी 2:17

इलै ही वे तैं हर ढंग से अपड़ा विश्वासी भयों का जन बनण पोड़ी; इन कै ही प्रभु यीशु पिता परमेश्वर कु उच्च महायाजक बंणि जु कि मयलदु अर विश्वासयोग्य च; अर इलै कि वे बलि का द्वारा जु पिता परमेश्वर कु लांद, कि लुखुं तैं ऊंका पापों बट्टी माफी मिल साको।

इब्रानी 3:1

इलै हे विश्वासी भयों, जु पिता परमेश्वर बट्टी जुड़यांं प्रेरित छा, तुम जु स्वर्ग मा पिता परमेश्वर का दगड़ी कठ्ठा हूंणु कु बुलै ग्यां, मसीह यीशु पर ध्यान द्या, जु हम कु पिता परमेश्वर कु शुभ संदेश कु दूत अर महायाजक च।

इब्रानी 4:15

किलैकि यु महायाजक, जु यीशु मसीह च, हमारी हर एक कमजोरी तैं समझदु; पर शैतान ल हमारी हर बात मा अजमैश कैरी; फिर भि प्रभु यीशु बगैर कै पाप कु च।

इब्रानी 7:1

यु मलिकिसिदक शालेम शहर कु राजा अर सबसे बड़ा पिता परमेश्वर कु याजक छो; वेको नौं कु मतलब छो “न्याय का दगड़ी शासन कन वलो राजा” अर शालेम का राजा कु मतलब च “शान्ति कु राजा” जब अब्राहम चार राजाओं तैं मारि के लौटि छो, तब मलिकिसिदक याजक वे तैं मिली अर वे तैं आशीष द्ये, अब्राहम ल मलिकिसिदक याजक तैं युद्ध मा जितण का बाद जु कुछ भि मिली छो, वेल वीं सभि चीजों कु दसवां हिस्सा (दशमांश) द्ये छो। जैको न त बुबा, न ब्वे, न वंशावली च, जै की न त दिनों की शुरुआत अर न जीवन कु अन्त च; पर पिता परमेश्वर का नौंनो का स्वरूप ठैरी कै उ हमेशा कु याजक बणयुं रै।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।

2 यूहन्ना 1:7

मि यु इलै बुल्णु छो, किलैकि भौत सैरा लोग जु झूठी शिक्षा दींदिनि उ ईं दुनिया मा ऐ गैनी। जु कुई यु नि मणद की यीशु मसीह एक मनिख का रूप मा ईं दुनिया मा ऐ गै, त उ आदिम मसीह को बैरी च जु लुखुं तैं सदनी धोखा दींद।