इब्रानी 8:10 - गढवली नयो नियम

¹⁰ फिर प्रभु बुल्द, कि जु नई प्रतिज्ञा आंण वला दिनों मा इस्राएल देश का लुखुं का दगड़ी मि करुलु, व या च, कि मि ऊं तैं मेरी व्यवस्था का बारा मा सुचण दयुलु, अर उ वे तैं अपड़ा मनों मा रखला, अर मि ऊंको पिता परमेश्वर बणलु उ मेरी आराधना करला, अर उ मेरा लोग होला।

Garhwali

¹⁰ मगर प्रभु इन भि बुल्दु कि, ऊं दिनों का बाद मि इस्राएल का घौर बटि जु करार करलु, उ यू च कि मि अपणा नियम-कानूनों तैं ऊंका जमीर मा डललु, अर ऊंका दिलों मा ऊंतैं लिखी द्‍यूलु, अर मि ऊंको परमेस्वर होलु अर ऊ मेरा लोग होला।

इब्रानी 8:10 ပူးပေါင်းရင်းမြစ်များ

मत्ती 22:32

कि मि अब्राहम कु परमेश्वर, इसहाक कु परमेश्वर, याकूब कु परमेश्वर छौं? परमेश्वर मुरयां मनिख्युं कु न बल्कि ज्यूंदों कु परमेश्वर च।”

रोमियों 11:27

अर ऊंका दगड़ी मेरी या नई प्रतिज्ञा हवेलि, जबकि मि ऊंका पापों तैं माफ करुलु।”

1 कुरिन्थि 6:16

क्य तुम नि जणदां, कि पिता परमेश्वर का वचन मा लिख्युं च “उ द्वी एक देह होला” त तुम तैं पता हूंण चयणु च कि जु कुई भि वेश्या का दगड़ी जुड़द, उ वीं वेश्या का दगड़ी एक देह हवे जांद।

2 कुरिन्थि 3:3

यु प्रगट च, कि तुम मसीह की तरपां बट्टी एक चिठ्ठी का जन छा अर य चिठ्ठी हमारी सेवकाई कु सबूत च; जु स्याही ल न, या ढुंगा की पटियों पर न, पर ज्यून्दा पिता परमेश्वर का आत्मा का द्वारा मनिख्युं का दिल की पटियों पर लिखै गै।

तीतुस 2:14

यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।

इब्रानी 11:16

पर उ एक बढ़िया मतलब स्वर्ग की जांणै की इच्छा च, इलै पिता परमेश्वर तैं ऊंको परमेश्वर कहलांण मा गर्व छो, किलैकि पिता परमेश्वर ल ऊंकु एक नगर तैयार कैरी।

याकूब 1:18

पिता परमेश्वर ल अपड़ी ही मनसा का अनुसार सच्चा वचन का द्वारा हम तैं नयो जन्म दींनि, कि हम वेका द्वारा बणईं हर एक चीज का सबसे जरूरी भाग हो, जन कि फसल कु पैलो हिस्सा सबसे जरूरी हिस्सा हूंद।

याकूब 1:21

इलै मनों को सैरो मैल अर बैर-भाव की बढ़ती तैं दूर कैरी कै, वे पिता परमेश्वर का वचन तैं नम्रता ल स्वीकार कैरी ल्या, जु तुमारा मन मा डलै गै, उ ही तुमारा आत्मा तैं बचै सकदो।

1 पतरस 1:23

(तुम तैं एक दुसरा बट्टी प्रेम कन चयणु च) किलैकि तुम तैं पिता परमेश्वर की तरपां बट्टी एक नयो जीवन मिल्युं च। तुम तैं यु जीवन कै इन चीज का द्वारा नि मिली, जु नाश हवे जाली पर हम तैं यु नयो जीवन पिता परमेश्वर का जीवित अर अनन्त वचन बट्टी मिली।

1 पतरस 2:9

पर तुम इन नि छा किलैकि तुम पिता परमेश्वर का चुणयां लोग छा, तुम पिता परमेश्वर का याजक छा, जु राजा च तुम पिता परमेश्वर से जुड़िया लोग छा वेल तुम तैं अंधेरा बट्टी अपड़ी अद्भुत उज्यला मा बुलै, कि तुम पिता परमेश्वर का अद्भुत कामों का बारा मा बतै साका।