इब्रानी 7:16 - गढवली नयो नियम

¹⁶ यीशु कै विशेष मनिख मतलब लेवी कु वंशज हूंणु कु या व्यवस्था अर विधियों का कारण याजक नि बंणि, पर उ अपड़ा जीवन का सामर्थ का कारण याजक बंणि गै जु कभी खत्म नि होला।

Garhwali

¹⁶ अर वेतैं वेका पितरों की वजै से नि ठैरैये गै, मगर इलै ठैरैये गै किलैकि उ पिता परमेस्वर की ताकत की वजै से सदनि तक ज्यून्द रौण वळु च।

इब्रानी 7:16 ပူးပေါင်းရင်းမြစ်များ

रोमियों 7:14

किलैकि हम जंणदा छा कि व्यवस्था त आत्मिक च, पर मि सांसारिक मनिख छौं अर पाप कु गुलाम छो।

गलातियों 4:3

उन ही हम भि, बच्चों का जन छा, त हम ऊं रीति-रिवाजों अर नियमों का गुलाम छा जु यु दुनिया मा छा।

गलातियों 4:9

पर जब तुम पिता परमेश्वर का दगड़ी जुड़ीं ग्यां, अर पिता परमेश्वर ल हम तैं अपड़ा नौंना का रूप मा स्वीकार कैरी, त फिर तुम कमजोर अर निर्बल आदि शिक्षाओं का दास बनण कु किलै लौटणा छा? क्य तुम तैं दुबरा ऊंको ही दास बनणै की लालसा च?

कुलुसी 2:14

यु इन छो जन पिता परमेश्वर ल हमारा पापों का दोषपत्र तैं मिटै येले, ज्यांमा हमारा खिलाफ भंगार लिख्यां छा, जब मसीह सूली पर चढ़ै गै तब वेल वे दोषपत्र तैं पूरो हटै दींनि।

कुलुसी 2:20

किलैकि तुम्हरो पापमय स्वभाव मसीह का दगड़ा मोरि गै, इलै अब तुम तैं ईं दुनिया का ज्ञान अर बेकार की बातों तैं मनणै की जरूरत नि च। त फिर तुम किलै अभि भि यूं शिक्षाओं कु पालन करदा, जन कि अभि भि दुनिया तुम तैं नियंत्रित कनी हो?

इब्रानी 10:1

मूसा की व्यवस्था की पुरणी रीति भविष्य मा आंण वला चीजों की भस एक तस्वीर छै, न कि ऊं अच्छी चीजों की हकीकत जु मसीह ल हम कु कैरी; पुरणी रीति का अधीन चढै जांणवला बलिदान साल हर साल बार-बार चढै जांदा छा, पर उ, ऊं लुखुं तैं पूरी रीति से शुद्धता प्रदान कना का लैक नि छो, जु परमेश्वर की आराधना कनु कु वेका नजदीक औंदींनि।

इब्रानी 7:15

जै बारा मा मि बात कनु छो व बात और भि जादा साफ हवे गै, कि मूसा की व्यवस्था अर याजकों तैं बदली गै, किलैकि हमारो महायाजक जु अब ऐ, उ मलिकिसिदक याजक का जन च।

इब्रानी 7:17

किलैकि वेका बारा मा परमेश्वर कु वचन गव्है दींद कि, “उ मलिकिसिदक याजक की रीति पर हमेशा कु महायाजक बंणि गयै।”

इब्रानी 7:21

किलैकि लेवी का वंशज त बगैर सौं लियां यहूदी याजक ठैरे गैनी पर यीशु सौं का दगड़ी पिता परमेश्वर की तरपां बट्टी चुणै गै ज्वा यीशु का बारा मा बुल्दी, “प्रभु परमेश्वर ल या नई प्रतिज्ञा लै, मि अपड़ा फैसला बट्टी नि पछतौलु, कि तु हमेशा कु मलिकिसिदक का समान एक याजक छै।”

इब्रानी 7:28

किलैकि मूसा की व्यवस्था त कमजोर लुखुं तैं महायाजक चुणदी; पर व नई प्रतिज्ञा जु मूसा की व्यवस्था का बाद ऐ वेल पिता परमेश्वर का नौंना हमारा यीशु मसीह तैं महायाजक का रूप मा चुणि ज्वा मूसा की व्यवस्था तैं बदली दींनि, अर यीशु तैं चुणदी जु हमेशा कु हम कु सिद्ध महायाजक बंणि गै।

इब्रानी 9:14

जरा सोचि के देखा, कि मसीह कु ल्वे हमारा दिलों तैं ऊं कामों बट्टी कथग शुद्ध करलो जु मौत का तरपां लिजांदी, कि हम जीवित पिता परमेश्वर की आराधना कैरी साका; किलैकि हमेशा की आत्मा की सामर्थ का द्वारा, मसीह ल हमारा पापों कु अपड़ा आप तैं एक सिद्ध बलिदान का रूप मा पिता परमेश्वर तैं भेंट का रूप मा चढ़ै।

दिब्य दरस 1:18

मि एक बार मोरि ग्यों। पर अब मि ज्यूँदो छो अर मि हमेशा ज्यूँदो रौलु; अर मि मा अधोलोक की चाबी च जु मि तैं वीं जगह तैं खुलणै की शक्ति दींद जख मुरयां लोग छिनी अर ऊं तैं दुबरा ज्यूँदो कने की शक्ति दींद।