इब्रानी 4:9 - गढवली नयो नियम

⁹ इलै पिता परमेश्वर का लुखुं कु यु सब भि हवे सकद कि उ उन के ही विश्राम कैर साका जन पिता परमेश्वर ल दुनिया की रचना शुरू कना का बाद सातवां दिन विश्राम कैरी छो।

Garhwali

⁹ इलै तुम या बात जाणि ल्या, कि पिता परमेस्वर का लोगु खुणि अभि भि आराम को दिन ठिक उन्‍नि ठैर्युं, अर यू ठिक उन्‍नि च जन वेन खुद सातवां दिन मा आराम कैरी।

इब्रानी 4:9 ပူးပေါင်းရင်းမြစ်များ

मत्ती 1:21

व नौंना तैं जन्म दयाली अर तू वे नौंना कु नौं यीशु रखि, “किलैकि उ नौंनो अपड़ा लुखुं तैं ऊंका पापों बट्टी बचालो।”

तीतुस 2:14

यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।

इब्रानी 11:25

यु इलै हवे कि मूसा ल जरा बगत कु पाप का सुख कु आनन्द लींणा का बजाय पिता परमेश्वर का लुखुं का दगड़ी दुख भुकतण अच्छो समझी।

इब्रानी 3:11

तब मिल गुस्सा मा ए के सौं खै, “उ मेरी वीं धरती मा जख मिल विश्राम दींण उ वीं जगह मा प्रवेश नि कैरी सकला।”

इब्रानी 4:1

पिता परमेश्वर ल हम बट्टी वादा कैरी कि हम विश्राम की जगह मा जौला, इलै विश्राम की जगह मा प्रवेश कनु कु वादा अब भि च। त हम तैं भौत चौकस रौंण चयणु च; अर तुम म बट्टी कै तैं भि वे विश्राम की जगह पर जांण कु मौका नि छुड़ण चयणु च।

इब्रानी 4:10

किलैकि जु कुई आदिम विश्राम की जगह पर जांद, त उ अपड़ो काम पूरो कना का बाद विश्राम करलो, जन पिता परमेश्वर ल अपड़ो काम पूरो कना का बाद विश्राम कैरी छो।

इब्रानी 4:3

अर इलै हम लोग जु वीं बातों पर विश्वास करदां जु पिता परमेश्वर ल बोलि, विश्राम की जगह मा प्रवेश करुला; अर दूसरों का बारा मा, पिता परमेश्वर ल बोलि, “मिल अपड़ा गुस्सा मा सौं खै, कि उ मेरा विश्राम की जगह मा प्रवेश नि कैरी सकला।” फिर भि हम जंणदा छा कि य विश्राम की जगह जु अब उख च, उ दुनिया की रचना का बगत बट्टी ही छो।

इब्रानी 4:8

हम यु भि जणदां कि पिता परमेश्वर ल जीं विश्राम की जगह कु वादा कैरी, उ कनान देश नि च, ज्यांमा जांणु कु यहोशू ल हमारा पुरणों की अगवै कैरी; किलैकि जु यु कनान देश हूंद त पिता परमेश्वर का बाद मा यु नि बुल्द कि यांको एक अलग ही बगत च।

1 पतरस 2:10

(पिता परमेश्वर का तरपां बट्टी बुल्ण वलो होशे ल जु लिख्युं च उ तुम्हरा बारा मा सच च।) एक बगत पैली तुम पिता परमेश्वर का लोग नि छा, पर अब तुम पिता परमेश्वर का लोग छा; पैली तुम पिता परमेश्वर की दया तैं नि जंणदा छा पर अब तुम यु तैं जंणदा छा किलैकि वेल पैली बट्टी ही तुम पर अपड़ी दया दिखै।

दिब्य दरस 14:13

दुबरा मिल स्वर्ग बट्टी कै तैं बुल्द सूंणि अर वेल मि बट्टी बोलि; यूं बातों तैं इख लिख अब बट्टी, उ लोग धन्य छिनी जु पिता परमेश्वर पर भरोसो कैरी के मोरि जंदींनि। तब पवित्र आत्मा यां बट्टी सहमत हवे, वेल बोलि, “यु सच च, उ धन्य छिनी किलैकि उ अपड़ा कठिन मेहनत बट्टी आराम पाला अर जु काम ऊंल करिनि ऊं तैं वांको प्रतिफल दिये जालो।”

दिब्य दरस 21:4

अर पिता परमेश्वर ऊंकी आँखों बट्टी सभि आँसूओं तैं फूंजी दयालो; अर कुई भि आदिम कभी भि दुःख महसूस नि करलो या रूलो न, किलैकि पुरणी दुनिया अब अस्तित्व मा नि च।”