इब्रानी 3:6 - गढवली नयो नियम

⁶ पर मसीह एक नौंना का जन अपड़ा परिवार मा विश्वासयोग्य च अर उ परिवार हम छा, जु हम अपड़ी आस पर गर्व रखा, त हम पिता परमेश्वर का लोग छा।

Garhwali

⁶ मगर यीशु मसीह पिता परमेस्वर को पुत्र होण का नाता भरोसा का लैख च। अर हम लोग जु कि यीशु मसीह पर बिस्वास करद्‍यां, अगर जु हम अपणी आस अर भरोसा वे पर बणै के रखद्‍यां, त हम पिता परमेस्वर का घौर का छां।

इब्रानी 3:6 ပူးပေါင်းရင်းမြစ်များ

मत्ती 10:22

मेरा नौं का वजह से सब लोग तुम बट्टी बैर रखला पर जु आखिर तक धीरज रखलो वेको ही उद्धार होलो।

मत्ती 16:18

अर मि भि त्वे मा बुल्णु छौं कि तु पतरस छै अर तु यु ढुंगा पर अपड़ी मण्डलि बंणौलु अर अधोलोक का फाटक वेको मुकाबला नि कैरी सकला।

मत्ती 24:13

पर जु अपड़ा जीवन का अंत तक मि पर विश्वास रखला, वेको उद्धार हवे जालो।

रोमियों 11:22

इलै, तुम तैं यां पर ध्यान दींण चयणु च! परमेश्वर की मयलदु-पन अर कठोरता तैं, जु गिरी गैनी, ऊं पर कठोरता, पर तुम पर दया त हवे, तुम वेकी दया मा बंणयां रा, नथिरी तुम भि कटै जैला।

रोमियों 12:12

हम मा जु आस च वे कारण खुशी मनावा; क्लेश मा धीरज रखा; अर प्रार्थना करदी रावा।

रोमियों 15:13

मि प्रार्थना करदु, कि पिता परमेश्वर जु आस दींण वलो च, तुम तैं विश्वास कन मा पूरा ढंग से खुशी अर शान्ति बट्टी भोरि द्यो, कि पवित्र आत्मा की सामर्थ बट्टी तुम्हरी आस बढ़दी जौं।

रोमियों 5:2

हमारा विश्वास का कारण, मसीह ल हम तैं इन दया मा लये जख हम अब खड़ा छा, अर हम विश्वास अर आनन्द का दगड़ी पिता परमेश्वर कि बड़ै तैं साझा कनु कु आस दिखणां छा।

1 कुरिन्थि 3:16

सच मा तुम जंणदा छा, कि तुम पिता परमेश्वर कु मन्दिर छा, अर पिता परमेश्वर कु पवित्र आत्मा तुम मा रौंदो च।

1 कुरिन्थि 6:19

तुम जणदां छा, कि तुम्हरी देह पवित्र आत्मा कु मन्दिर च; जु तुम मा बसयूं च, अर तुम तैं पिता परमेश्वर का तरपां बट्टी मिल्द, अर अब तुम अपड़ा न पर पिता परमेश्वर का छा।

2 कुरिन्थि 6:16

अर मूर्तियों कु पिता परमेश्वर का मन्दिर मा कुई जगह नि च; किलैकि हम त ज्यून्दा पिता परमेश्वर का मन्दिर छा; जन परमेश्वर ल अपड़ा वचन मा बोलि; “मि यूं लुखुं दगड़ी रौलु अर ऊंमा चलणु-फिरणु रौलु; अर मि ऊंको पिता परमेश्वर हुलु, अर उ मेरा लोग होला।”

गलातियों 6:10

इलै जख तक मौका मिलो, हम सभि लुखुं दगड़ी भलै कैरा; खास कैरी कै मसीह विश्वासी का भयों का दगड़ी।

गलातियों 6:9

हम भला कामों तैं कन मा निराश नि हों, किलैकि जु हम कभी हार नि मांणा, त पिता परमेश्वर का अपड़ा बगत पर हम ईनाम पौला।

इफिसुस 3:12

मसीह का दगड़ी हमारा जुड़णा का कारण अर वे पर हमारा विश्वास कि वजह बट्टी, अब हम परमेश्वर कि उपस्थिति मा हिम्मत अर आत्मा विश्वास बट्टी ऐ सकदा छा।

कुलुसी 1:23

पर तुम तैं विश्वास मा एक बुनियाद का जन मजबूत अर पक्को हूंण चयणु अर वीं आस तैं तुम तैं कभी नि छुड़ण चयणु च जु तुम तैं ऊं बट्टी शुभ सन्देश मिली वे ही शुभ संदेश कु प्रचार आसमान का मूड़ी रौंण वला दुनिया का सभि लुखुं तैं बतै गै अर मि पौलुस वेको प्रचार कनु कु सेवक बणु।

1 थिस्सलुनीकी 5:16

सदनी खुश रावा।

2 थिस्सलुनीकी 2:16

हम अफी हमारा प्रभु यीशु मसीह बट्टी अर हमारा पिता परमेश्वर बट्टी प्रार्थना करदा जु हम बट्टी प्रेम करदींनि अर जैल अपड़ी दया बट्टी हम तैं अनन्त प्रोत्साहन अर मजबूत आस द्ये।

1 तीमुथियुस 3:15

कि जु मेरा औंण मा देर हवे जौं त तु इन जांणि जै कि परमेश्वर का कुटुंब जु कि ज्यूंदा परमेश्वर कि मण्डलि च, अर यु विश्वासी उन ही सच्ची शिक्षाओं का समर्थन करदींनि अर ऊं तैं बणै रखदींनि जन नींव अर खम्बा कै घौर तैं सहारा दींद अर वे तैं मजबूत करदींनि।

इब्रानी 1:2

पर यूं आखरी दिनों मा हम बट्टी अपड़ा नौंना का द्वारा बात कैरी। पिता परमेश्वर ल अपड़ा नौंना का द्वारा सैरी दुनिया की रचना कैरी अर सैरी सृष्टि कु वारिस ठैरे।

इब्रानी 10:19

इलै, प्रिय विश्वासी भयों, किलैकि यीशु ल अपड़ा ल्वे का द्वारा हम कु अपड़ो जीवन बलिदान कैरेले, हम हिम्मत का दगड़ी स्वर्गीय मन्दिर मा परम पवित्र जगह मा प्रवेश कैरी सकदा।

इब्रानी 10:21

अर किलैकि हमारो एक महान याजक च जु पिता परमेश्वर का स्वर्गीय मन्दिर पर राज्य करद।

इब्रानी 10:23

अर अपड़ी आस का अंगीकार तैं मजबूती ल थामि के रखा; किलैकि पिता परमेश्वर विश्वासयोग्यता ल उ सब कुछ करलो जै तैं कनु कु वादा वेल हम दगड़ी कैरी।

इब्रानी 10:35

प्रभु पर यु विश्वास तैं नि हरचयां, चाहे कुछ भि हवे जौं; वे बड़ा प्रतिफल तैं याद रखा जु प्रभु तुम तैं दयालो।

इब्रानी 11:1

जु लोग पिता परमेश्वर पर विश्वास करदींनि ऊं तैं यकीन च कि परमेश्वर ऊं तैं उ सभि कुछ दयालो ज्यांकी उ आस करदींनि; अर यु निश्चित च कि जूं चीजों तैं उ अभि तक नि दिखदींनि उ हकीकत मा छिनी।

इब्रानी 3:14

जु हम अपड़ा पैला विश्वास तैं आखिर तक सम्भालि कै रखा, त हम मसीह का दगड़ी बणयां रौन्दियां।

इब्रानी 4:11

इलै हम वे विश्राम की जगह मा प्रवेश कने की कोशिश कैरा, इन नि हो, कि कै भि आदिम तैं उ लुखुं का उदाहरण की नकल नि कन चयणी च जैल पिता परमेश्वर की आज्ञा तैं मनणु से मना कैरी दींनि; तब हम वीं विश्राम की जगह मा प्रवेश करुला।

इब्रानी 4:14

इलै, यीशु जु स्वर्ग मा गै, उ पिता परमेश्वर कु नौंनो च; उ हम सभियूं कु बड़ो महायाजक च; इलै आवा हम वे विश्वास तैं बगैर छुड़यां मजबूत बंणि के रां जै तैं हम सभियूं ल स्वीकार कैरी छो।

इब्रानी 4:16

इलै आवा हम साहस का दगड़ी पिता परमेश्वर का संमणी आं, जु दयालु च, कि हम पर कृपा हो अर हम वीं कृपा तैं पां, जु जरूरत का बगत मा हमारी मदद करदी।

इब्रानी 6:11

अलकसी नि बणा; पर बड़ी मेहनत कन वलो का जन तुम तैं अंत तक धीरज अर विश्वास का दगड़ी आस रख के यु प्रेम का कामों तैं कन रा, कि पिता परमेश्वर का वादों तैं पै सका।

इब्रानी 6:18

त फिर यु द्वी बात छिनी परमेश्वर कु वादा अर दुसरा वेकी सौं जु कभी भि नि बदल सकदी अर पिता परमेश्वर कभी झूठ नि बुल्द; इलै जु हम पिता परमेश्वर का नजीक सुरक्षा पांणु कु अयां छा अर जु आस वेल हम तैं द्ये, वे तैं थामि के छा, अर भौत खुश छा।

इब्रानी 7:19

(इलै कि मूसा की व्यवस्था ल कै भि बात तैं सिद्धि नि कैरी) अर यांकि जगह पर हम तैं एक इन बड़ी आस च, जु यीशु मसीह मा च ज्यांका द्वारा हम पिता परमेश्वर का नजीक जै सकदां।

1 पतरस 1:8

तुम ल यीशु मसीह तैं कभी नि देखि, पर फिर भि तुम मसीह बट्टी प्रेम करदा अर वे पर विश्वास भि करदा। इलै, तुम आनन्द अर महिमा बट्टी भौत खुश छा जै तैं शब्दों द्वारा नि बतये जै सकद।

1 पतरस 4:17

किलैकि न्याय कनु को बगत ऐ गै, कि पैली पिता परमेश्वर का लुखुं को न्याय किये जालो, अर जबकि उ पैली हम विश्वासियों को न्याय करलो, इलै ऊं भयानक चीजों का बारा मा सोचा जु ऊं लुखुं का दगड़ी होलो जु वे शुभ सन्देश तैं नि मणौंदींनि जु वेका तरपां बट्टी औंदी।

दिब्य दरस 2:18

वेल मि बट्टी यु भि बोलि, थुआतीरा शहर की मण्डलि का दूत तैं यु संदेश लिख; “पिता परमेश्वर का नौंना की तरपां यु संदेश च, वेका आँखा, उ आग का लपटों का जन छिनी, वेका खुटा पीतल का जन चमकणा छा जै तैं भट्टी मा तचये जांणु हो, उ यु भि बुल्द”

दिब्य दरस 2:25

पर हाँ, जु तुम म च वे तैं मेरा आंण तक पकड़ी थाका।

दिब्य दरस 2:26

उ लोग जु बुरै तैं हरै दींदिनि, अर जु आखरी बगत तक मेरी आज्ञाओं तैं मणदींनि, मि ऊं तैं देशों की जातियों पर राज्य कनु कु अधिकार दयुलु।

दिब्य दरस 3:11

मि जल्दी ही आंण वलो छो; इलै त्वे तैं मि पर विश्वास करदी रौंण चयणु च कि कुई भि त्वे तैं तेरी जीत को ईनाम लींण से रोक नि साको जु मुकुट का समान च।