इब्रानी 3:14 - गढवली नयो नियम

¹⁴ जु हम अपड़ा पैला विश्वास तैं आखिर तक सम्भालि कै रखा, त हम मसीह का दगड़ी बणयां रौन्दियां।

Garhwali

¹⁴ हे मेरा दगड़्यों, हम सभ्या का सभि यीशु मसीह का दगड़ा मा हिस्सेदार छां, इलै हमतै आखिरी तक अपणा बिस्वास तैं मजबूत बणै के रखण चयेणु, ठिक उन्‍नि जन हमुन शुरुवात मा रखी छौ।

इब्रानी 3:14 ပူးပေါင်းရင်းမြစ်များ

रोमियों 11:17

इस्राएल का लोग एक अच्छा जैतून डाला का फौंका का जन छिनी अर पिता अब्राहम, इसहाक अर याकूब वे डाला का जौड़ा का जन छिनी। अन्यजाति जंगली जैतून का डाला का फौंका जन च अर तुम यहूदियों बट्टी वे जन फैदा प्राप्त करदयां जन की जंगली जैतून का डाला का फौंका अच्छा जैतून का डाला बट्टी फैदा प्राप्त करदींनि।

रोमियों 11:22

इलै, तुम तैं यां पर ध्यान दींण चयणु च! परमेश्वर की मयलदु-पन अर कठोरता तैं, जु गिरी गैनी, ऊं पर कठोरता, पर तुम पर दया त हवे, तुम वेकी दया मा बंणयां रा, नथिरी तुम भि कटै जैला।

1 कुरिन्थि 1:30

पर पिता परमेश्वर ल तुम तैं मसीह यीशु का दगड़ी एकजुट कैरी, अर मसीह का द्वारा उ हम तैं अपड़ो ज्ञान दींद। पिता परमेश्वर हम तैं अपड़ी नजर मा धर्मी भि ठैरांद। मसीह का द्वारा हम पवित्र बणयां, अर उ हम तैं पाप बट्टी छुडांद।

1 कुरिन्थि 10:17

किलैकि रुठी ईं बात की निशानी च, कि हम मसीह मा एक देह छा, किलैकि हम सभि एक ही रुठी बट्टी खांदा।

1 कुरिन्थि 9:23

अर मि सब कुछ मसीह का बारा मा शुभ सन्देश तैं प्रचार कनु कु ही करदु, कि मि दुसरों का दगड़ी शुभ सन्देश कु प्रचार कनु कु पिता परमेश्वर द्वारा मिलण वला ईनाम मा शामिल हवे जौं।

इफिसुस 3:6

यु परमेश्वर कि योजना च कि यीशु मसीह का शुभ सन्देश का दगड़ी हमारो जुड़णों कु कारण अन्यजाति, यहूदियों का जन उ ही आशीषों तैं पाला, अर उ अब एक देह मा कठ्ठा मण्डलि च, कि पिता परमेश्वर का करयां वादा मा हकदार हो।

1 तीमुथियुस 6:2

अर जौं का स्वामि विश्वासी छिन, ऊं तैं उ विश्वासी भैय समझी के सही सम्मान द्या; बल्कि ऊंकी और भि सेवा कैरा, किलैकि यां बट्टी फैदा उठांण वला विश्वासी अर मसीह मा भैय का रूप मा प्रेम करदींनि। यूं बातों कु पालन कनु कु सभियूं तैं उत्साहित कनु रौ।

इब्रानी 11:1

जु लोग पिता परमेश्वर पर विश्वास करदींनि ऊं तैं यकीन च कि परमेश्वर ऊं तैं उ सभि कुछ दयालो ज्यांकी उ आस करदींनि; अर यु निश्चित च कि जूं चीजों तैं उ अभि तक नि दिखदींनि उ हकीकत मा छिनी।

इब्रानी 12:10

हमारो दुनयावी बुबा त अच्छो कै जंणद कि कन के थोड़ा दिनों कु ही हम तैं डंटण, पर पिता परमेश्वर हमारी भलै कु ही हम तैं अनुशासित करद, कि हम वे जन पवित्र बंणि जां।

इब्रानी 3:1

इलै हे विश्वासी भयों, जु पिता परमेश्वर बट्टी जुड़यांं प्रेरित छा, तुम जु स्वर्ग मा पिता परमेश्वर का दगड़ी कठ्ठा हूंणु कु बुलै ग्यां, मसीह यीशु पर ध्यान द्या, जु हम कु पिता परमेश्वर कु शुभ संदेश कु दूत अर महायाजक च।

इब्रानी 3:6

पर मसीह एक नौंना का जन अपड़ा परिवार मा विश्वासयोग्य च अर उ परिवार हम छा, जु हम अपड़ी आस पर गर्व रखा, त हम पिता परमेश्वर का लोग छा।

इब्रानी 6:11

अलकसी नि बणा; पर बड़ी मेहनत कन वलो का जन तुम तैं अंत तक धीरज अर विश्वास का दगड़ी आस रख के यु प्रेम का कामों तैं कन रा, कि पिता परमेश्वर का वादों तैं पै सका।

इब्रानी 6:4

जु लोग अपड़ा विश्वास तैं छोड़ी दींदिनि, ऊं तैं फिर से पछतांणै की स्थिति तक वापिस नि लये जा सकद; ऊंल एक बार पिता परमेश्वर का सत्य तैं पछयांणी जु पिता परमेश्वर की तरपां बट्टी आंद अर स्वर्ग बट्टी वरदान पांद अर ऊंल दूसरों दगड़ी मिल कै पवित्र आत्मा पै,

1 पतरस 4:13

भस यांका बारा मा खुश रावा, किलैकि तुम तैं ऊं दुखों मा एक हिस्सा मिली जु मसीह तैं मिली छो। इलै, जब मसीह सभि लुखुं तैं अपड़ी महिमा प्रकट कनु कु दुबरा आलो त तुम्हरो आनन्द सच मा भौत बड़ो होलो।

1 पतरस 5:1

कुछ इन बात छिनी जु मि उख का पुरणा अगुवों बट्टी कन चांणु छो किलैकि मि भि तुम जन एक पुरणों अगुवा छो। मिल अफ भि ऊं दुखों तैं देख जु भौत बगत पैली मसीह ल सैनी। जब उ फिर वापिस आलो, त मि भि वेकी महिमा मा शामिल होलो अब मि तुम बट्टी बिनती कनु छो

1 यूहन्ना 1:3

हम ल यीशु मसीह का बारा मा जु कुछ भि देखि अर सूंणि, वेकी गव्है हम तुम तैं भि प्रचार करद्यां इलै कि हम दगड़ी तुम्हरी भि संगति हो, अर हमारी या दगड़ी बुबा का दगड़ा, अर वेका नौंना यीशु मसीह का दगड़ी च।