इब्रानी 2:4 - गढवली नयो नियम

⁴ पिता परमेश्वर ल भि अद्भुत कामों, बड़ा-बड़ा चिन्हों, कई प्रकार का चमत्कारों का द्वारा अर पवित्र आत्मा का द्वारा लुखुं तैं वरदान दे कि यु तैं साबित कैरी, ठिक उन ही जन की पिता परमेश्वर चांदु च।

Garhwali

⁴ अर परमेस्वर न भि अपणी इच्छा का मुताबिक चिन्‍न, चमत्कार अर अलग-अलग किसम से सामर्थ का कामों का द्‍वारा इन कैरिके दिखै कि वेको रैबार सच्‍चु च। अर जौन वेतैं चुणी वेन ऊंतैं अपणा पवित्र आत्मा को दान दिनी।

इब्रानी 2:4 ပူးပေါင်းရင်းမြစ်များ

मरकुस 16:20

तब यीशु ल चेलों तैं हरेक जगह प्रचार कनै की खुशखबरी द्ये अर प्रभु ऊंका दगड़ा काम कनु रै उ सामर्थ का काम द्वारा जु दगड़ा-दगड़ा हूंद छा अर प्रभु की सामर्थ चमत्कार दिखांणु रै अर वचन की सचै तैं मजबूत कनु रै, आमीन।

मरकुस 6:14

तब राजा हेरोदेस ल भि ऊंकी कामों की चर्चा सूंणि जु यीशु कनु छो किलैकि भौत लोग यीशु का बारा मा जंणदा छा अर वेका कामों की चर्चा कना छा, ऊंकु नौं फैली गै छो अर वेल बोलि, कि “यूहन्ना बपतिस्मा दींण वलो मुरयां लुखुं मा बट्टी ज्यूँदो हवे गै किलैकि वेमा चमत्कार कनै की सामर्थ च।”

यूहन्ना 15:26

मि बुबा की तरपां बट्टी एक मददगार भिजुलू उ आत्मा वे जु पिता परमेश्वर की तरपां बट्टी औंद अर जु सच्चो च वे तैं प्रगट करद जब उ आलो, त उ तुम तैं मेरा बारा मा बतालो।

यूहन्ना 4:48

यीशु ल वेमा बोलि, तुम चिन्ह चमत्कार दिखण चांदा तब तक मि पर विश्वास नि करदां।

खास चेलों 14:3

पौलुस अर बरनबास भौत दिन तक उखी रैनी, अर प्रभु का भलै का बारा मा हिम्मत का दगड़ी बात करदा छा; अर प्रभु ऊं बट्टी चमत्कार अर अद्भुत काम करवै के साबित कैरी कि ईं दया का बारा मा ऊंको संदेश सचो छो।

खास चेलों 4:10

त तुम सब लोग अर सैरा इस्राएलियों तैं जांणि जांण चयणु च की यीशु मसीह नासरी जै तैं तुम ल सूली पर चड़ै अर पिता परमेश्वर ल यीशु तैं मुर्दों मा बट्टी दुबारा ज्यूँदो कैरी अर आज यीशु का नौं बट्टी यु मनिख तुमारा संमणी अच्छो भलो खड़ो च।

खास चेलों 5:32

हम यूं बातों का गवाह छा अर उन ही पवित्र आत्मा भि जु परमेश्वर ल ऊं तैं दियुं च जु वेकी आज्ञा मणदींनि।”

इफिसुस 1:5

किलैकि परमेश्वर ल हम बट्टी प्रेम कैरी वेल पैली बट्टी यु फैसला लियेले छों, कि यीशु मसीह का द्वारा किये गै कामों का कारण हम तैं अपड़ी खुद कि सन्तान बंणै दयालो, पिता परमेश्वर ल इन अपड़ी ही इच्छा अर आनन्द का अनुसार कैरी

इफिसुस 1:9

पिता परमेश्वर ल उ ही कैरी, जु वेको गुप्त मा रख्युं छो, अर वे गुप्त योजना का बारा मा बतै जु वेल पैली बट्टी ही मसीह का द्वारा पूरो कनु कु फैसला कैरी छो।

इफिसुस 4:7

पर मसीह ल हम मा बट्टी हरेक तैं वेका माप का अनुसार या उदारता बट्टी काम कनु कु अलग-अलग विशेष योग्यता दीं च।

इब्रानी 6:4

जु लोग अपड़ा विश्वास तैं छोड़ी दींदिनि, ऊं तैं फिर से पछतांणै की स्थिति तक वापिस नि लये जा सकद; ऊंल एक बार पिता परमेश्वर का सत्य तैं पछयांणी जु पिता परमेश्वर की तरपां बट्टी आंद अर स्वर्ग बट्टी वरदान पांद अर ऊंल दूसरों दगड़ी मिल कै पवित्र आत्मा पै,