इब्रानी 13:3 - गढवली नयो नियम

³ कैदियों की इन सुध ल्या, कि मांणा ऊं दगड़ी तुम भि कैद मा हो; अर जु सतयां लोग छिनी, ऊंकी भि यु समझी के सुध लिया कैरा, जन कि तुम अपड़ा देह मा ही ऊंका दर्द तैं महसूस कना हो।

Garhwali

³ अर जु बिस्वासी लोग कैद मा छिन ऊंकी मदद कैरा, इन सोचा कि तुम भि ऊंका दगड़ा कैद मा छाँ। अर जौं बिस्वासी लोगु का दगड़ा मा बुरु बरतौ होणु च, ऊंतैं याद रखा अर इन मैसूस कैरा, जन कि तुम खुद ऊंका दगड़ा मा दुख झिलणा छाँ।

इब्रानी 13:3 ပူးပေါင်းရင်းမြစ်များ

मत्ती 25:36

जब मि नंगि छो, त तुम ल मि तैं कपड़ा पैरेनि, “जब मि बिमार छो त तुम ल मेरी देख रेख कैरी” जब मि जेल का भितर छो त तुम मि तैं मिलणु कु अयां।

मत्ती 25:43

मि परदेशी छो अर तुम ल मि तैं अपड़ा घौर मा नि ठैरे मि नंगि छो अर तुम ल मि तैं कपड़ा पैरुणु कु नि दींनि मि बिमार अर जेल मा छो अर तुम ल मेरी सुध नि लींनि।

खास चेलों 24:23

अर वेल सुबदार तैं आज्ञा दींनि कि, पौलुस तैं कुछ छूट मा रखि के रखवली करयां, पर वेका दगड़ियों मा बट्टी कै तैं भि वेकी सेवा कन से नि रुकयां।

खास चेलों 27:3

हैंका दिन हम सीदोन शहर मा उतरी ग्यां, अर यूलियुस ल पौलुस पर कृपा कैरी के वे तैं वेका दगड़ियों का दगड़ी जांण दींनि ज्यां बट्टी वेकी जरूरत पूरी हवे साको।

रोमियों 12:15

खुशी मनांण वलो का दगड़ा मा खुशी मणांवा अर रूंण वलो का दगड़ा मा रौवे ल्यावा।

1 कुरिन्थि 12:26

जु देह कु एक अंग दुःख पौंदु त वे दगड़ी देह का सभि अंग भि दुखी हूंदींनि। जु कै एक अंग कु सम्मान बढ़दो च त सभि अंग भि आनन्द मणौंदींनि।

इफिसुस 4:1

इलै मि जु कैद मा छों किलैकि प्रभु यीशु कि सेवा करदु छों तुम बट्टी बिनती करदु छों, कि जीं बुलाहट का दगड़ी परमेश्वर ल तुम तैं अपड़ी संतान हूंणु कु बुलै, वेका लैख अपड़ा जीवन तैं ज्यां,

कुलुसी 4:18

मि पौलुस अपड़ा हथ ल प्रणाम लिखणु छौं। याद रखयां मि कैद मा छों अर मि कु प्रार्थना करयां की पिता परमेश्वर की कृपा तुम पर हूंणी रौ। आमीन।

इब्रानी 10:34

तुम कैदियों का दुःख मा भि दुःखी हुयां, अर अपड़ी संपत्ति भि खुशी से लुटै दींनि; किलैकि तुम जंणदा छा कि तुम मा अब भि उ सब चीज छिनी जैको वादा पिता परमेश्वर ल कैरी छो, जु कि भौत खास च अर जु हमेशा कु बंणि रौंदी।

इब्रानी 11:37

ऊंमा बट्टी कुछ विश्वासियों तैं ढुगलयो कैरी के मरै गै; अर कुछों तैं द्वी हिस्सों मा कटे गै, ऊं तैं तलवार ल मौत का घाट उतारे गै। उ गरीब छा, ऊं तैं सतै गै अर ऊं दगड़ी बुरो बरतौ किये गै; उ ढिबरो-बखरों की खालो तैं ओढ़ी के इने-उनै भटकदी रैनी।

1 पतरस 3:8

अंत मा, मि तुम बट्टी बुल्णु छो, कि तुम विश्वासी बंणि के आपस मा एकजुट रवा, अर एक-दुसरा की चिन्ता किया कैरा, अर एक ही परिवार का सदस्यों का जन प्रेम कैरा, दूसरों पर दया कैरा, एक दुसरा का दगड़ी नम्र बणा।