इब्रानी 13:2 - गढवली नयो नियम

² जु विश्वासी लोग तुम तैं पैली कभी भि नि मिलिनि, ऊं तैं अपड़ा घौर मा स्वागत कन नि भूला, किलैकि यांका द्वारा कथगों ल अनजाना मा स्वर्गदूतों कु आदर-सत्कार कैरी।

Garhwali

² अर अणजाण लोगु की भि सेवा-भगत करण नि बिसरयां, किलैकि तुमतै पता होण चयेणु कि सेवा-भगत का खातिर कुछ लोगु न बिना जणयां ही स्वर्गदूतों को भि बड़ु आदर-सम्मान कैरी।

इब्रानी 13:2 ပူးပေါင်းရင်းမြစ်များ

मत्ती 25:35

किलैकि जब मि भुखी छो त तुम ल मि तैं खांणु कु दींनि, जब मि तिस्सलो छो, त तुम ल मि तैं पांणि पिलै, जब मि परदेशी छो, त तुम ल मि तैं अपड़ा घौर मा ठैरे

मत्ती 25:40

तब मि राजा ऊं तैं जवाब दयालो मि तुम मा सच बुल्णु छौं कि तुम ल जु मेरा यूं छुटा से छुटा मेरा चेला विश्वासी भयों मा बट्टी कै एक का दगड़ा भि कैरी उ सब मि ही दगड़ी कैरी।

मत्ती 25:43

मि परदेशी छो अर तुम ल मि तैं अपड़ा घौर मा नि ठैरे मि नंगि छो अर तुम ल मि तैं कपड़ा पैरुणु कु नि दींनि मि बिमार अर जेल मा छो अर तुम ल मेरी सुध नि लींनि।

खास चेलों 16:15

अर जब वीं ल अपड़ी कुटुम्दारी समेत बपतिस्मा लींनि त वीं ल बिनती कैरी कि जु तुम मि तैं प्रभु की विश्वासी समझदा छा त चला अर मेरा घौर मा रावा अर व हम तैं मणै के ली गै।

रोमियों 12:13

पवित्र लुखुं तैं जु कुछ जरूरी हो, वेमा ऊंकी मदद कैरा; मेहमानदरी कन मा लगयां रावा।

रोमियों 16:23

गयुस जै दगड़ी मि रौंणु छो, उ भि तुम कु प्रणाम बुल्णु च। सैरी मण्डलि ऊंका घौर मा इख मिलदी। इरास्तुस जु यु शहर को खजांचि च अर क्वारतुस हमारो भैय भि तुम कु प्रणाम बुल्णु च।

1 तीमुथियुस 3:2

इलै जरूरी च, कि अध्यक्षों तैं निर्दोष हूंण चयणु च, अर वेकी एक ही जनन हो, अर सब्र रखण वलो, समझदार, इज्जतदार, अर खातिरदारि कन वलो, अर पिता परमेश्वर का वचन तैं सिखांण म निपुण हो।

1 तीमुथियुस 5:10

भला काम कन मा सुनाम रै हो; जैल बच्चों कु अच्छो पालन-पोषण कैरी हो, अर विश्वासी भयों, कि खूब खातिरदारि कैरी हो, अर विश्वासी लुखुं की सेवा इन कैरी हो की जन व एक दासी हो, अर अपड़ा लुखुं की मदद कैरी हो जु लोग मुशीबतों मा छा, वीं ल हर ढंग से भला काम कनु कु अफ तैं समर्पित कैरी हो।

तीतुस 1:8

पर प्रेम का दगड़ी मेहमानदरी कन वलो, भलै तैं चांण वलो, सब्र रखण वलो, ईमानदार, पवित्र अर अपड़ी इच्छा पर काबू रखण वलो।

1 पतरस 4:9

लुखुं को अपड़ा घौर मा स्वागत कैरा अर इन बगैर शिकैत किया कैरा।

3 यूहन्ना 1:5

हे प्रिय विश्वासी, तिल विश्वासयोग्यता का दगड़ी हमारा दगड़िया मसीहियों जु शुभ संदेश कु प्रचार कनु कु चौं तरपां यात्रा कना छिनी, ऊं की मदद कनु कु भौत काम करयूं च यख तक की तु ऊं लुखुं कि भि मदद करदी छै जौं तैं तु जंणदी भि नि छै।