इब्रानी 10:12 - गढवली नयो नियम

¹² पर मसीह ल पापों की माफी कु अपड़ा आप तैं हमेशा कु भस एक बलिदान का रूप मा चढ़ै; तब उ पिता परमेश्वर का दैंणा तरपां सिंहासन पर सबसे बड़ी सम्मान की जगह पर हमेशा कु बैठी गै।

Garhwali

¹² मगर यीशु मसीह न खुद तैं एक बलि का रुप मा दे दिनी, एक इन्दरि बलि जु कि सदनि तक रौण वळी च। अर वेका बाद उ परमेस्वर का दैंणा हाथ की तरफा आदर-सम्मान वळी जगा मा जैके बैठि गै।

इब्रानी 10:12 ပူးပေါင်းရင်းမြစ်များ

मरकुस 16:19

जब प्रभु यीशु ल चेलों कु यु बात बुलिनि तब वेका बाद स्वर्ग मा उठै गै अर परमेश्वर कि दैंणि तरपां बैठी गये।

रोमियों 8:34

कुई भि हमारी निंदा नि कैर सकद किलैकि उ यीशु मसीह च, जु हम कु मोरि गै अर मुर्दों मा बट्टी ज्यूँदो भि किये गै, अर पिता परमेश्वर की दैंणी तरपां च, अर जु हमारी तरपां बट्टी पिता परमेश्वर बट्टी बिनती करदो।

इफिसुस 5:2

मसीह का उदाहरण का अनुसरण करद ही, दुसरा का प्रति प्रेम बट्टी भुर्युं जीवन बितावा, जैल तुम बट्टी प्रेम कैरी अर तुमारा पापों तैं उठाणै कु अफ तैं बलिदान कैरी, अर परमेश्वर खुश इलै छों, किलैकि उ बलिदान वेकु खुशबुदार इत्र का जन छों।

कुलुसी 3:1

इलै जब तुम मसीह का दगड़ी ज्यून्दा किये ग्यां त स्वर्ग की चिज्युं कि खोज मा रावा, जख मसीह आज पिता परमेश्वर का दगड़ा मा सबसे सम्मानित जगह पर बैठयूं च।

इब्रानी 1:3

नौंनो ही पिता परमेश्वर की महिमा कु प्रकाश च, अर वेमा हम देख सकदा कि पिता परमेश्वर कन च, अपड़ा सामर्थी वचनों का द्वारा, उ वे सब तैं जु वेल बणै संभलदो; वेल लुखुं तैं ऊंका पापों बट्टी शुद्ध कैरी, अर वांका बाद स्वर्ग मा महिमामय पिता परमेश्वर का दैंणा विराजमान हवे।

इब्रानी 5:1

पिता परमेश्वर हर एक महायाजक तैं इस्राएल का लुखुं मा बट्टी चुणदो, अर उ लुखुं की भलै कु पिता परमेश्वर का काम कनु कु चुणै जयदींनि; कि पापों की माफ कु भेंट अर बलि चढ़ांण कि पिता परमेश्वर लुखुं का पापों तैं माफ कैरी द्यो।

इब्रानी 5:3

अर इलै वे तैं चयणु च, कि एक महायाजक का रूप मा वेकु यु जरूरी च कि उ लुखुं का पापों तैं दूर कनु कु बलिदान चढ़ौ, अर अपड़ा पापों तैं भि दूर कनु कु भि बलिदान चढ़ौ।

इब्रानी 7:27

अर उ महायाजक जु हारुन का वंशज छा, ऊं जन यीशु तैं जरूरत नि च कि रोज पैली अपड़ा पापों अर फिर लुखुं का पापों का बलिदान चढ़ौण; किलैकि यीशु ल एक ही बार मा सभि लुखुं का पापों कु अपड़ा आप तैं बलि चढ़ै दींनि।

इब्रानी 8:1

अब जु बात हम बुल्णा छा, वेमा सबसे बड़ी बात या च, कि हम मा निश्चय ही इन एक महायाजक च, जु स्वर्ग पर महामहिमन पिता परमेश्वर का सिंहासन का दैंणा बैठयूं च।

इब्रानी 9:12

अर मसीह ल परम पवित्र जगह मा भस एक बार अर हमेशा कु प्रवेश कैरी; उ अफ दगड़ी बखरों अर बछड़ों कु ल्वे ले के नि गै; वेको बलिदान वेका अपड़ा ल्वे कु छो, अर यांका द्वारा वेल हम तैं पापों बट्टी हमेशा कु छुड़ै।

इब्रानी 9:14

जरा सोचि के देखा, कि मसीह कु ल्वे हमारा दिलों तैं ऊं कामों बट्टी कथग शुद्ध करलो जु मौत का तरपां लिजांदी, कि हम जीवित पिता परमेश्वर की आराधना कैरी साका; किलैकि हमेशा की आत्मा की सामर्थ का द्वारा, मसीह ल हमारा पापों कु अपड़ा आप तैं एक सिद्ध बलिदान का रूप मा पिता परमेश्वर तैं भेंट का रूप मा चढ़ै।