इब्रानी 1:1 - गढवली नयो नियम

¹ पुरणा बगत मा पिता परमेश्वर ल पुरणों बट्टी अर कई प्रकार ल परमेश्वर का तरपां बट्टी बुल्ण वलो का द्वारा बात कैरी,

Garhwali

¹ हे मेरा दगड़्यों, जन कि तुम जणदा ही छाँ, कि पुरणा जमना मा पिता परमेस्वर न हमरा पितरों का दगड़ा मा रैबर्यों का द्‍वारा कई बार अलग-अलग तरीका से बात कैरी।

इब्रानी 1:1 ပူးပေါင်းရင်းမြစ်များ

लूका 1:55

वें अब्राहम तैं अर वेका सारा वंशजों तैं हमेशा कु दया दिखांणु कु याद कैरी जन कि वेल हमारा पुरखों मा बोलि छो।

लूका 1:72

कि हमारा पूर्वजों पर दया कैरी कै अपड़ी पवित्र करार तैं याद कैर।

लूका 24:27

यीशु ल ऊं तैं पूरा परमेश्वर का वचन मा, मूसा की व्यवस्था बट्टी शुरू कैरी सभि परमेश्वर का तरपां बट्टी बुल्ण वलो का द्वारा अपड़ा बारा मा दे गै उ बातों तैं समझै।

लूका 24:44

फिर वेल ऊंकु बोलि, “यु मेरी उ बात छिन जु मिल जब मि तुमारा दगड़ा छो तुम मा बोलि छै कि जरूरी च कि जथग भि बात मूसा द्वारा लिखीं परमेश्वर की व्यवस्था मा अर परमेश्वर का तरपां बट्टी बुल्ण वलो अर भजनौं कि किताबों मा मेरा बारा मा लिखीं छिन यु सब सच साबित हूंनु।”

यूहन्ना 16:13

पर जब उ यानि पवित्र आत्मा आलो, परमेश्वर का बारा मा जु भि सच्चो च समझण का कारण बंणलो किलैकि ऊं अपड़ा अधिकार बट्टी नि बुल्दो, पर उ परमेश्वर की तरपां बट्टी सुणांलो, वे तैं ही बुलालो, अर आंण वली बात तुम तैं बतालो।

यूहन्ना 7:22

इलै मूसा ल तुम तैं खतना कि आज्ञा दीं च इन नि च कि व मूसा कि तरपां बट्टी च पर बापदादों बट्टी चलदी औंणि च अर तुम यहूदियों का विश्राम का दिन जु परमेश्वर कु पवित्र दिन च मनिख्युं कु खतना करदां छा।

यूहन्ना 9:29

हम जंणदा छा कि परमेश्वर मूसा बट्टी बात कैरी पर हम यु मनिख तैं नि जंणदा कि कख बट्टी अयुं च।

खास चेलों 13:32

अर हम तुम तैं वीं सौं का बारा मा जु हमारा पुरणो बट्टी पिता परमेश्वर ल कैरी छै, यु शुभ सन्देश प्रचार सुनांणा छा।

खास चेलों 2:30

पर उ त परमेश्वर का तरपां बट्टी बुल्ण वलो छो अर जंणदु छो कि पिता परमेश्वर ल सौं खै छै कि मि तेरु कुल बट्टी एक आदिम तैं तेरु सिहासन पर बैठौलु।

खास चेलों 28:23

अर तब ऊंल पौलुस तैं मिलुणु कु एक दिन तय कैरी। अर वे दिन भौत सैरा लोग वेमा ऐनी जख कि उ रौंदु छो। पौलुस सुबेर बट्टी शाम बगत तक पिता परमेश्वर का राज्य कि गव्है दींणु छो अर मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो कि किताबियों मा बट्टी यीशु का बारा मा विश्वास दिलांणै की कोशिश कनु छो।

खास चेलों 3:21

यीशु तैं स्वर्ग मा वीं बगत तक रखण जरूरी च जब पिता परमेश्वर उ सभि चिज्युं तैं नयो बणै दयालो जु वे ल बणईं छिनी अर बहुत बगत पैली पिता परमेश्वर ल लुखुं तैं यूं बतौंणु कु परमेश्वर का तरपां बट्टी बुल्ण वलो का द्वारा इन कनु को सौ खै छै।”

इब्रानी 11:18

पिता परमेश्वर ल वे बट्टी बोलि, “इसहाक उ नौंनो च जैका द्वारा तेरु वंशज गिणै जाला।”

इब्रानी 11:2

हमारा पुरणा इन ही विश्वास करदा छा; इलै ही पिता परमेश्वर ऊं बट्टी खुश छो।

इब्रानी 12:25

चौकस रावा, अर पिता परमेश्वर की बात सुनण से मना नि कैरा, किलैकि इस्राएल का लोग जब ऊंल मूसा की बात नि मांणी त पिता परमेश्वर ल ऊं तैं ईं बात की सजा दींनि, इलै यु हम कु और भि बुरो होलो जु हम पिता परमेश्वर तैं सुनण से इंकार करदां जु हम तैं स्वर्ग बट्टी चेतावनी दींद।

इब्रानी 2:2

उ व्यवस्था जैका बारा मा पिता परमेश्वर ल स्वर्गदूतों का द्वारा बोलि वे तैं सच दिखै गै, अर जु कुई भि वे तैं नि मंणदु, वे तैं पिता परमेश्वर दण्ड दयालो।

इब्रानी 2:3

इलै पक्का हम तैं भि दण्ड मिललो जु हम यु महान उद्धार कु विरोध करुला त, सबसे पैली प्रभु ल अफी यु उद्धार का बारा मा बतै, अर यु हम कु पिता परमेश्वर का द्वारा सच साबित हवे, जैल भि पिता परमेश्वर तैं सूंणि ऊंल हम तैं बतै कि यु सच च।

इब्रानी 3:5

मूसा त पिता परमेश्वर का घौर का सैरा लुखुं कु एक सेवक का जन विश्वासयोग्य रै, कि जु कुछ मूसा ल कैरी उ यु बतांद जु पिता परमेश्वर बाद मा बुल्ण वलो छो।

इब्रानी 4:8

हम यु भि जणदां कि पिता परमेश्वर ल जीं विश्राम की जगह कु वादा कैरी, उ कनान देश नि च, ज्यांमा जांणु कु यहोशू ल हमारा पुरणों की अगवै कैरी; किलैकि जु यु कनान देश हूंद त पिता परमेश्वर का बाद मा यु नि बुल्द कि यांको एक अलग ही बगत च।

इब्रानी 5:5

उन ही के, मसीह ल भि अफ तैं महायाजक बनण कु नियुक्त कैरी के अपड़ो अफी सम्मान नि कैरी; बल्कि, पिता परमेश्वर ल मसीह बट्टी यु बोलि के नियुक्त कैरी जु वेल कै दुसरा याजक बट्टी कभी नि बोलि, जु कि परमेश्वर का वचन मा भजनकार लिखद, “तू मेरू नौंनो छै, आज मि यु बुल्दो कि मि तेरु बुबा छों।”

इब्रानी 9:19

सबसे पैली, मूसा ल सब लुखुं तैं व्यवस्था की हर आज्ञा का बारा मा बतै; यांका बाद वेल बछड़ों कु ल्वे ले अर वे तैं पांणी मा मिलै; फिर वेल यु तैं व्यवस्था की किताब (चाम्रपत्र) अर सभि लुखुं पर छिड़कणु कु लाल ऊंन अर जूफा नौं का डाला का फौंको कु इस्तेमाल कैरी।