गलातियों 6:7 - गढवली नयो नियम

⁷ अपड़ा आप तैं धोखा नि द्या, किलैकि कुई भि आदिम पिता परमेश्वर तैं धोखा नि द्ये सकद, किलैकि मनिख जु कुछ भि बुतद, ऊई कटद।

Garhwali

⁷ धोखा मा नि रयां, परमेस्वर तैं मजाक मा नि लिये जान्दु, किलैकि जन मनखि बुतदु च वेका मुताबिक लवै भि करदु।

गलातियों 6:7 ပူးပေါင်းရင်းမြစ်များ

लूका 16:25

पर अब्राहम ल बोलि “हे बेटा याद कैर तिल अपड़ा जीवन मा भलि चीज लींनि अर लाजर तैं सभि बुरी चीज मिली पर उ अब इख शान्ति पांणु च अर तु पिड़ा मा छै।”

लूका 21:8

यीशु ल ऊं तैं जवाब दींनि, “सचेत रावा कुई तुम तैं भरमै नि साको” भौत सा लोग मेरा नौं बट्टी ऐ के बुलला, “मि मसीह छो” अर बगत भि नजीक च, अर भौत तैं विश्वास बट्टी भरमै दयाला।

1 कुरिन्थि 15:33

जु लोग इन बात करदींनि, ऊंका द्वारा मूर्ख नि बणा, “बुरी संगति अच्छा चरित्र तैं भि बिगाड़ी दींदी।”

1 कुरिन्थि 3:18

जु तुम मा बट्टी कुई इन सोच कि तुम दुनिया का लुखुं मा भौत ज्ञानी छा, त तुम तैं ईं दुनिया का लुखुं मा मूर्ख बंणि जांण चयणु च, कि तुम पिता परमेश्वर की नजर मा अपड़ा आप तैं ज्ञानी बणै सका।

1 कुरिन्थि 6:9

तुम त मालूम च, कि अन्य्यों कन वला लोग पिता परमेश्वर का राज्य मा वारिस नि होला; कुई भि तुम तैं धोखा द्ये के यु सुचण पर मजबूर नि कैरी द्यो, कि तुम बुरा कामों तैं भि करीला तौ भि पिता परमेश्वर का लुखुं मा एक बणयां रैल्या, न वेश्यागामी, न मूर्ति पुजण वला, न परस्त्रीगामी, न लुच्चा, न पुरुषगामी।

2 कुरिन्थि 9:6

पर बात त या च, जु जरा सी बुतलो उ जरा सी ही कटलो; अर जु जादा कै बुतलो उ जादा कै आशीष का दगड़ी कटलो।

गलातियों 6:3

जु कुई सुचद कि उ एक महान आदिम च, जबकि हक्कीकत मा उ छैं नि च, त उ अपड़ा आप तैं धोखा दींणु च।

इफिसुस 5:6

उ लुखुं द्वारा मूर्ख नि बंणि जु यूं पापों कु बाना बंणौणै कि कोशिश करदा किलैकि यूं ही कामों का कारण पिता परमेश्वर कु गुस्सा आज्ञा नि मनणवलो पर भड़कद।

2 थिस्सलुनीकी 2:3

किलैकि प्रभु यीशु का वापिस औंण से पैली लोग पिता परमेश्वर कु विरोध करला अर उ दुष्ट अधर्मी आदिम जै तैं पिता परमेश्वर नरक मा नाश करलो, उ जरुर प्रकट करलो।

याकूब 1:22

पिता परमेश्वर कु वचन को पालन कन वला बणा, न कि सुनण वला ही, जु अपड़ा आप तैं धोखा दींदीनी।

याकूब 1:26

जु कुई अपड़ा आप तैं पिता परमेश्वर कु भक्त समझदु, पर बुरी बातों तैं बुल्ण मा अपड़ी जीभ पर काबू नि रखो, त उ अपड़ा आप तैं धोखा दींद, अर वेकी भक्ति बेकार ही च।

1 यूहन्ना 1:8

जु हम बुल्दियां, कि हम ल कुछ भि पाप नि कैरी, त हम अपड़ा आप तैं धोखा दींदयां, अर हम वे पर विश्वास नि करद्यां कि पिता परमेश्वर जु बुल्दो उ सच च।

1 यूहन्ना 3:7

प्रिय नौंनो कैका भरमांण मा नि अयां; जु धार्मिकता को काम करदो, उ ही यीशु का जन धर्मी च।

यहूदा 1:18

उ तुम बट्टी बुल्दा छा, “आखरी दिनों मा हमारा प्रभु यीशु का लौटण से पैली, इन लोग होला जु प्रभु अर वेका अपड़ा लुखुं को मजाक उड़ाला। यु ही उ लोग छिनी जौका जीवन पर ऊंकी अपड़ी वासनाओं कु वश च।”