गलातियों 4:30 - गढवली नयो नियम

³⁰ पर पिता परमेश्वर का वचन क्य बुल्द कि, “दासी जनन अर वेका नौंना तैं दूर भेजि द्ये, किलैकि दासी कु नौंनो अब्राहम की जायदात को हकदार नि होलो, बल्कि जु वेकी जनन बट्टी पैदा हवे छो उ जायदात को हकदार होलो”

Garhwali

³⁰ पर पवित्रशास्‍त्र मा इन लिख्यूं च कि, “अब्राहम अपणी नौकराणि अर वींका नौना तैं निकाळ दे, किलैकि नौकराणि को नौनु तेरी घरवळी का नौना का दगड़ा मा बिल्कुल भि हकदार नि होलु।”

गलातियों 4:30 ပူးပေါင်းရင်းမြစ်များ

यूहन्ना 8:35

गुलाम सदनी घौर मा नि रौंदु, पर नौंनो सदनी रौंदु च।

रोमियों 11:2

परमेश्वर ल अपड़ी वीं प्रजा तैं नि छोड़ी, जै तैं वेल पैली बट्टी ही चुणि; तुम जंणदा छा की परमेश्वर कु वचन मा एलिय्याह की मिसाल मा क्य बुल्दो; कि इस्राएल का लुखुं का विरोध मा पिता परमेश्वर बट्टी शिकैत करदो।

रोमियों 4:3

परमेश्वर कु वचन क्य बुल्द? परमेश्वर ल जु वादो कैरी छो वे पर अब्राहम ल विश्वास कैरी अर यां पर परमेश्वर ल वे तैं धर्मी ठैरे।

गलातियों 3:22

पर पिता परमेश्वर का वचनों बट्टी पता चलदु च कि हम सभि पापी छा, इलै यीशु मसीह पर विश्वास रखण बट्टी पिता परमेश्वर हम तैं उपहार दयालो ज्यांकी नई प्रतिज्ञा पिता परमेश्वर की करीं च।

गलातियों 3:8

अर पिता परमेश्वर का वचन मा वेल भौत पैली बोलि कि, पिता परमेश्वर अन्यजातियों तैं विश्वास का द्वारा धर्मी ठैरालो, यु ही कारण वचन मा, जब पिता परमेश्वर ल पैली ही अब्राहम तैं शुभ सन्देश प्रचार बतै त वेल वेकु बोलि, कि “तेरु द्वारा, मि ईं दुनिया का सभि जातियों तैं आशीष दयुलु।”

गलातियों 4:22

पिता परमेश्वर का वचन मा लिख्युं च, कि अब्राहम का द्वी नौंना छा; वेका एक नौंना कु जन्म हाजिरा बट्टी हवे छो, ज्वा एक दासी छै अर दुसरा नौंना कु जन्म सारा बट्टी हवे छो, ज्वा वेकी जनन छै।

गलातियों 4:31

इलै हे मेरा विश्वासी भयों, हम दासी जनन का बच्चा नि छा, जौं तैं मूसा की व्यवस्था तैं मनणु जरूरी च। पर हम वीं जनन का बच्चा छा, जु बुबा की जनन च अर अपड़ा विश्वास का कारण पिता परमेश्वर तैं ग्रहणयोग्य च।

याकूब 4:5

तुम क्य समझदियां, कि पिता परमेश्वर कु वचन क्य बुल्दो? “जै पवित्र आत्मा तैं वेल हमारा भितर बसयूँ च” इलै पिता परमेश्वर चांदु च कि हम वेकी ही आराधना कैरा।