गलातियों 4:25 - गढवली नयो नियम

²⁵ आज भि यरूशलेम शहर का लोग पिता परमेश्वर का दगड़ी सै ठैरयां जांण कु यहूदी व्यवस्था कु पालन कना का कारण दास छिनी। उ हाजिरा का जन दास छिनी जु अरब देश का सीनै डांडा पर बंधि करार तैं बतौंदींनि।

Garhwali

²⁵ अर सीनै पाड़ जु कि अरब मुलक मा च अर नौकराणि हाजिरा वे पाड़ का जन च, ठिक उन्‍नि आज यरूशलेम नगर का लोग भि छिन जु कि अपणा जण-बच्‍चों समेत नियम-कानूनों की गुलामी मा जीणा छिन।

गलातियों 4:25 ပူးပေါင်းရင်းမြစ်များ

इब्रानी 12:18

तुम सीनै पोड जन जगह पर नि अयां, जै तैं देखि अर छवे जै सकद; जख आग या काला बादल या तूफान छो, अर लोग इन जगह पर छा जब पिता परमेश्वर ल ऊं तैं अपड़ी दस आज्ञा दींनि।

गलातियों 1:17

अर जु मि से पैली प्रेरित चुणै गै छा ऊं बट्टी मिलणु कु मि यरूशलेम शहर नि गौं; पर तुरंत मि अरब देश चलि ग्यों अर फिर उख बट्टी दमिश्क शहर मा वापिस ऐ ग्यों।

खास चेलों 1:11

अर ऊंमा बोलि “हे गलील जिला का मनिख्युं तुम किलै खड़ो हवे के आकाश जनै दिखणा छा? यु उ ही यीशु च जै तैं पिता परमेश्वर ल तुम मा बट्टी स्वर्ग मा ली येलि ठिक इन ही के दुबारा आलो, जन के तुम ल वे तैं स्वर्ग मा जांण देखि।”

लूका 19:44

तेरु बैरी त्वे तैं पूरा ढंग से नष्ट कैरी दयाला अर तेरु पूरो शहर का लुखुं तैं माटा मा मिलै दयाला अर तेरा ढुंगा मा ढुंगा भि नि राला जु ढोळे नि जालो किलैकि तिल वे मौका तैं जब त्वे पर कृपा की नजर करे गै छै नि पछयांणी।”

लूका 13:34

हे यरूशलेम शहर का लुखुं! तु जु परमेश्वर का तरपां बट्टी बुल्ण वलो तैं मारि डलदि, जु भौत पैली रौंदा च अर ऊं लुखुं पर ढुंग्यो करदी जौं तैं त्वे मा भिजे गै छो। कथग बगत मिल चै कि जन मुर्गी अपड़ा बच्चों तैं अपड़ा पंखों का तौला सुरक्षित करद उन ही मि भि तेरु नौंनो की रखवली कैरू पर तुम ल इन नि चै।

मत्ती 23:37

“हे यरूशलेम शहर का लुखुं तु परमेश्वर का तरपां बट्टी बुल्ण वलो तैं मारि डलदि अर जु त्वे मा भिजे गैनी ऊं पर ढुंग्यो करदी। कथग बगत मिल चै कि जन मुर्गी अपड़ा बच्चों तैं अपड़ा पंखों का तौला सुरक्षित करदा उन ही मि भि तेरा नौंनो तैं कठ्ठा कैरी दियूं पर तुम ल इन नि चै।

गलातियों 4:24

या मिसाल कुछ और सिखांद; यु द्वी जनन (सारा अर हाजिरा) पिता परमेश्वर अर वेका लुखुं का बीच द्वी नियमों का जन छिनी। जु पिता परमेश्वर ल सीनै डांडा पर कैरी, अर जु लोग ईं करार का अधीन छिनी, उ नौकरों का जन छिनी। उ अरब मा सीनै डांडा का जन छिनी अर उ धरती पर यहूदी कु यरूशलेम शहर की एक तस्वीर च। यु शहर अर येका लोग, मतलब यहूदी, व्यवस्था दास छिनी।

गलातियों 4:26

पर स्वर्गीय यरूशलेम अब्राहम की जनन सारा का जन छिनी, अर वेका नौंना गुलाम नि छिनी। यु यरूशलेम हमारी ब्वे का जन च, जु विश्वास करद।