गलातियों 4:17 - गढवली नयो नियम

¹⁷ झूठा शिक्षक बुल्दा त छिनी हम तुम तैं दगड़िया त बनांण चांणा छा, पर भलि इच्छा बट्टी न; ऊंको मतलब त तुम तैं मि बट्टी अलग कन च कि तुम ऊंका चेला बंणि जां।

Garhwali

¹⁷ अर वु झूठ्‍ठा लोग तुमतै अफ दगड़ा मिलाणु खुणि बड़ा जोस से तुमरा पिछनै पोड़यां छिन, पर ऊंको मकसद ठिक नि च। अर वु तुमतै अलग करण चाणा छिन, ताकि तुम उन्‍नि कैरा जन वु चाणा छिन।

गलातियों 4:17 ပူးပေါင်းရင်းမြစ်များ

मत्ती 23:15

“हे कपटि मूसा की व्यवस्था तैं सिखांण वलो अर फरीसियों हाय च तुम पर तुम एक मनिख तैं अपड़ा मत मा लौंणु कु लिये हर जगह यात्रा करदींनि अर जब उ विश्वास करदींनि त वे तैं दुगणा नरक मा जांण का लैक बंणि जंदींनि जु की तुम खुद छा।”

रोमियों 10:2

किलैकि मि ऊंकी गव्है दींणु छौं, कि ऊंकु पिता परमेश्वर कु उमंग रौंदी, पर परमेश्वर की सेवा कन किये जु, यांकि ऊं तैं सै समझ नि च।

रोमियों 16:18

किलैकि इन्देरा लोग हमारा प्रभु मसीह का नि छिनी, पर अपड़ा देह की इच्छाओं की सेवा करदींनि; अर चिकनी चुपड़ी बातों बट्टी भोला-भाला मन का लुखुं तैं धोखा दींदिनि।

1 कुरिन्थि 11:2

मि तुम बट्टी खुश छों, किलैकि तुम मि तैं हर बगत याद करदां; अर जु शिक्षा मिल तुम तैं द्ये, ऊं तैं चौकसी ल पालन करदां।

1 कुरिन्थि 4:18

तुम्हरा बीच मा कुछ लोग सुचदींनि कि मिल तुम बट्टी मिलणु कु नि आंण, अर इलै उ बड़ो मोन का हवे गैनी।

1 कुरिन्थि 4:8

जु तुम तैं लगदु कि जु कुछ भि आत्मिक रूप मा जरुरी च अर उ सभि कुछ तुम मा च; जन की वरदान, जु पवित्र आत्मा लुखुं तैं दींद; जु तुम सुचदियां कि हमारा बगैर तुम ल राजाओं का जन राज्य कन शुरू कैरेले; त मि तैं भौत खुशी होली, तुम हक्कीकत मा राजाओं का जन राज्य कन शुरू कैरा, कि हम भि तुम दगड़ी राज्य कैरी साका।

2 कुरिन्थि 11:3

पर मि डरदु छो कि जन के शैतान ल, एक गुरो का रूप मा चालाकी ल पैली जनन हव्वा तैं बहकै, उन के ही तुम लुखुं का मन भि बहकै दिये जौं अर आप मसीह का प्रति अपड़ी निष्कपट अर सच्ची भक्ति ख्वे द्यो।

गलातियों 4:16

त क्य बट्टी तुम सच बुल्णा का कारण मि अब इन छों कि तुम मि तैं अपड़ो दुश्मन समझदियां?

गलातियों 4:18

हमेशा ही भला उद्देश्य कु खुश हूंण अच्छो हूंद अर भस वे ही बगत न, जब मि तुम दगड़ी रौंदु।

फिलिप्पी 2:21

किलैकि सब अपड़ा स्वार्थ कि खोज मा रौदींनि, उ मसीह यीशु बट्टी जुड़ीं बातों का बारा मा परेशान नि छिनी।

2 पतरस 2:18

जब उ लुखुं तैं शिक्षा दींदिनि, त उ बेकार अर घमण्ड से भुरयां शब्दों को इस्तेमाल करदींनि। उ लुखुं तैं बतौंदींनि कि उ ऊं शर्मनाक कामों तैं कैरी सकदींनि जु ऊंकी देह कन चांदी अर उ ऊं लुखुं तैं दुबरा पाप कनु कु भरमै दींदिनि जु अभि-अभि इन दुष्टता का जीवन बट्टी बची के निकलयां छिनी।

2 पतरस 2:3

यु शिक्षक लालची होला, अर उ बनि-बणै मिसाल सुणै के तुम तैं धोखा दीला कि पैसा कमै साका। पिता परमेश्वर ल भौत बगत पैली ही फैसला कैरेले छो की उ ऊं तैं दण्ड दयालो अर उ यूं कनु कु तैयार च। उ निश्चित रूप मा ऊं तैं नाश कैरी दयालो।