गलातियों 4:1 - गढवली नयो नियम

¹ मि यु समझदु, कि एक अमीर मनिख कु एक नौंनो च। जब तक उ छुटो बच्चा च, तब तक वेमा अर एक दास का बीच मा कुई फर्क नि हूंद, जबकि उ एक बगत बाद अपड़ा बुबा की पूरी सम्पत्ति कु मालिक बंणि जालो।

Garhwali

¹ पर मि तुमतै बतै देन्दु कि बच्‍चा जबरि तक वारिस होण को अधिकार नि पै ल्यो, तबरि तक उ बच्‍चा ही च अर जन गुलाम अपणा मालिक का अधीन रौन्दु ठिक उन्‍नि वु बच्‍चा भि अपणा लोगु का अधीन मा रौन्दु, हालांकि वु बच्‍चा सब चीजों को मालिक च।

गलातियों 4:1 ပူးပေါင်းရင်းမြစ်များ

गलातियों 3:29

किलैकि जु तुम मसीह मा एक छा, त अब तुम अब्राहम का वंशज का हिस्सा छा, अर तुम तैं उ सभि कुछ मिललो, ज्यांको पिता परमेश्वर ल अब्राहम बट्टी करार कैरी छै।

गलातियों 4:2

जब तक पिता परमेश्वर का द्वारा तय करयूँ बगत नि आंद, तब तक उ नौंनो अपड़ा रक्षकों अर अधिकारियों का अधीन रौंद।

गलातियों 4:23

पर दासी कु नौंनो, मनिख जाति की इच्छा का अनुसार साधारण नौंना का जन पैदा हवे छो पर वेकी जनन बट्टी पैदा हुयुं नौंना कु जन्म खुद पिता परमेश्वर की करार तैं पूरो कनु कु हवे छो।

गलातियों 4:29

पर अब तुम तैं ऊं लुखुं का द्वारा सतै जांणु च जु चांणा छा कि तुम मूसा की व्यवस्था कु पालन कैरा, उ ही जन इश्माएल ल, मतलब मनिख इच्छा बट्टी पैदा हुयां नौंना ल इसहाक तैं, मतलब आत्मा की सामर्थ बट्टी पैदा हुयां नौंना तैं सतै।

1 यूहन्ना 5:10

जु पिता परमेश्वर का नौंना यीशु मसीह पर विश्वास करदो, उ अपड़ा मन मा ईं गव्है तैं रखदो; जैल पिता परमेश्वर पर विश्वास नि कैरी, वेल पिता परमेश्वर तैं झूठो ठैरे; किलैकि वेल वीं गव्है पर विश्वास नि कैरी, जु पिता परमेश्वर ल अपड़ा नौंना यीशु मसीह का बारा मा दये।