गलातियों 3:14 - गढवली नयो नियम

¹⁴ मसीह ल इन इलै कैरी, कि अब्राहम कि आशीष मसीह यीशु मा अन्यजातियों तक पौंछो, अर हम यीशु मसीह पर विश्वास कना से वे पवित्र आत्मा तैं पां, वे तैं हम तैं दींणै की करार परमेश्वर ल कैरी।

Garhwali

¹⁴ अर यू इलै ह्‍वे कि ज्वा आसीस पितर अब्राहम तैं मिली छै, वा यीशु मसीह का द्‍वारा ऊं लोगु तैं भि मिलु जु यहूदी जाति का नि छिन, अर हम यहूदी लोग भि यीशु मसीह पर बिस्वास का द्‍वारा वे पवित्र आत्मा तैं पा जैतैं देण को करार पिता परमेस्वर न कैरी छौ।

गलातियों 3:14 ပူးပေါင်းရင်းမြစ်များ

लूका 11:13

जब तुम बुरा हवे के अपड़ा नौंना तैं भलि चीज दींण जंणदा छा, त तुमारो स्वर्गीय बुबा भौत जादा बढ़ि के ऊं तैं पवित्र आत्मा दींणु कु तैयार च जु वे बट्टी मंगदो च?

लूका 24:49

अर मि स्वयं तुमारा मथि पवित्र आत्मा तैं भेजलो ज्यांको सौं मेरा पिता परमेश्वर लै छै, इलै तुम तब तक शहर मा जग्वाल कन रयां, जब तक तुम तैं स्वर्ग बट्टी सामर्थ नि दिये जालो।

यूहन्ना 7:39

यीशु ल यु वचन पवित्र आत्मा का बारा मा बोलि, जै तैं विश्वास कन वला पांण वला छा किलैकि पवित्र आत्मा अभि तक नि उतरी छो, परमेश्वर ल अब तक यीशु की बड़ै तैं प्रगट नि कैरी छो।

खास चेलों 2:33

यु ही यीशु तैं परमेश्वर ल अपड़ी दैणी तरपां सबसे ऊंची जगह बैठै अर पिता ल जन वे बट्टी करार कैरी छै वे तैं पवित्र आत्मा दे अर वेल उ ही पवित्र आत्मा हम तैं दींनि जन कि आज तुम जु दिखणा अर सुचणा छा।

खास चेलों 4:12

यीशु का अलावा कै और दुसरा का द्वारा उद्धार अर बचाव नि च किलैकि आसमान का तौला अर मनिख्युं मा और कुई हैंको नौं नि दिये गै जैका द्वारा हम मुक्ति पै सैका।

खास चेलों 5:32

हम यूं बातों का गवाह छा अर उन ही पवित्र आत्मा भि जु परमेश्वर ल ऊं तैं दियुं च जु वेकी आज्ञा मणदींनि।”

1 कुरिन्थि 12:13

किलैकि हम सभियूं मा क्य यहूदी, क्य यूनानी अन्यजाति, क्य दास, क्य स्वतंत्र एक ही आत्मा का द्वारा एक देह हूंणो कु बपतिस्मा ल्या, हम सभियूं ल वीं पवित्र आत्मा पै जै तैं हम सभि एक ही कटोरा बट्टी अंगूरों कु रस पिंदयां।

गलातियों 3:16

उन ही के पिता परमेश्वर ल अपड़ा करार अब्राहम तैं अर वेका वंश तैं दींनि। परमेश्वर का वचन इन नि बुल्दो कि “तेरु वंशजों तैं” जन भौतों का बारा मा बोलि, पर यु एक मनिख का बारा मा बात करद कि, “तेरु वंश तैं” अर उ मसीह च।

गलातियों 3:2

मि तैं एक बात बतौ क्य तुम तैं पवित्र आत्मा इलै मिली किलैकि तुम यहूदी मूसा की व्यवस्था कु पालन कना छा या इलै की तुम ल वे शुभ संदेश पर विश्वास कैरी जु हम ल तुम तैं बतै छों?

गलातियों 4:6

अर किलैकि हम वेकी संतान छा, इलै कि परमेश्वर ल अपड़ा नौंना कि पवित्र आत्मा तैं हमारा हृदय मा भेजि, जु आत्मा परमेश्वर तैं “हे बुबा, हे पिता बोलि के धै लगान्दो च।”

इफिसुस 2:18

मसीह ल हम कु जु कैरी वेका कारण अब हम सब उ एक पवित्र आत्मा का द्वारा पिता परमेश्वर का नजदीक ऐ सकदां छा।

इफिसुस 2:22

हे अन्यजाति विश्वासियों, किलैकि तुम मसीह का दगड़ी एकजुट हो, इलै तुम तैं भि परमेश्वर का अन्य लुखुं का दगड़ी जुड़ै जांणु च, कि तुम एक इन घौर बंणि जावा जख परमेश्वर पवित्र आत्मा कि सामर्थ बट्टी रौंदो।

इफिसुस 3:16

मि प्रार्थना करदु छों, कि उ अपड़ा महिमा का धन मा बट्टी तुम तैं जु दान दैं, कि वेकी आत्मा तुम तैं शान्ति द्याली कि अपड़ी आत्मा मा तुम सामर्थ पै के मजबूत हवे जावा,

इफिसुस 4:30

पिता परमेश्वर कि पवित्र आत्मा तैं अपड़ा जीवन जीणै कि ढंग से वे तैं दुखी नि कैरा, ज्यां ल तुम पर छुटकारा दिन कु परमेश्वर ल तुम पर अपड़ी मुहर लगै द्या।

1 पतरस 1:22

किलैकि सचै को पालन कना का द्वारा तुम तैं आत्मा मा शुद्ध किये गै, अब तुम तैं अपड़ा दगड़िया विश्वासियों बट्टी ईमानदरी अर पूरा मन से प्रेम करदी रौंण चयणु च।

1 पतरस 3:9

बुरै का बदला मा बुरै नि कैरा अर न गल्ली का बदला मा गल्ली द्या; पर यांका विपरीत आशीष ही द्या; पिता परमेश्वर ल तुम तैं बुलै कि तुम दूसरों तैं आशीष दे साका। जु तुम इन करदा त पिता परमेश्वर भि तुम तैं आशीष दयालो।