गलातियों 2:20 - गढवली नयो नियम

²⁰ मि मसीह का दगड़ी सूली पर चड़ैये ग्यों अर मि नि रौं जु अब भि ज्यूंदों च, बल्कि उ मसीह च जु मि मा ज्यूंणु च। अर जन के मि ज्यूंणु छों अब मि पिता परमेश्वर का नौंना पर विश्वास कैरी कै ज्यूँदो छौं, जु मि बट्टी इथग प्रेम करदो कि वेल मेरा खातिर अपड़ी जान दे दींनि।

Garhwali

²⁰ अर मि यीशु मसीह का दगड़ा मा क्रूस पर चड़ये ग्यों, इलै अब मि ज्यून्दु नि छौं, पर यीशु मसीह मि मा ज्यून्दु च। अर अब ये सरील मा मि जु जीवन जीणु छौं, वु केवल परमेस्वर का पुत्र पर बिस्वास कैरिके ही जीणु छौं, जैन मि बटि प्यार कैरी अर मि खुणि अफ तैं दे दिनी।

गलातियों 2:20 ပူးပေါင်းရင်းမြစ်များ

मत्ती 20:28

जन कि मि मनिख कु नौंनो दूसरों की सेवा टहल कनु कु अयुं छो, मि इलै नि अयुं कि दुसरा मेरी सेवा-टहल कैरा भौत लुखुं तैं ऊंका पापों से ऊं तैं छुटकारा दींणु अर अपड़ा प्राण ऊं कु कीमत जन दींण कु अयुं छौं।

मत्ती 4:3

तब शैतान ल वेका संमणी ऐ के बोलि, “जु तु परमेश्वर कु नौंनो छै त यूं ढुंगो कु बोल कि यु रुट्टि बंणि जौ अर साबित कैर कि तू ऊं तैं खै साको।”

यूहन्ना 1:49

नतनएल ल वे तैं जवाब दींनि कि, हे गुरु तु परमेश्वर कु नौंनो छै तु इस्राएल का लुखुं का घराना को महाराजा छै।

यूहन्ना 10:11

अच्छो चरवाहा मि छौं, अच्छो चरवाहा ढिबरों कु अपड़ो प्राण दींद।

यूहन्ना 15:13

कै मा यु दिखणु कु की उ अपड़ा दगड़ियों बट्टी प्रेम करदु च, यां से बड़ो अर कुई ढंग नि च की उ अपड़ा दगड़ियों कु अपड़ो प्राण द्यो।

यूहन्ना 17:21

कि उ सब एक छिन; जै तैं हे बुबा मि मा च, उन ही उ भि हम मा हो, इलै की यु दुनिया ल लुखुं को विश्वास कैरी, की तिल मि तैं भेजि।

यूहन्ना 3:16

किलैकि परमेश्वर ल दुनिया का लुखुं बट्टी इन प्रेम रखि कि वेल अपड़ो एकलौतो नौंनो दे दींनि इलै की जु कुई मि पर विश्वास कैरो उ नष्ट नि हो पर अनन्त जीवन पौ।

यूहन्ना 3:35

पिता परमेश्वर नौंना से प्रेम रखदु अर वेल सब चीज वेका हथ मा दियीं छिन।

यूहन्ना 6:57

मेरा पिता परमेश्वर जैल मि तैं भेजि उ जीवन दींद जन वेल मि तैं जीवन दये वे जन मि भि वे आदिम तैं जीवन दयुलु जु मेरी देह तैं खांदु।

यूहन्ना 6:69

अर हम ल विश्वास कैरी अर जांणि भि ग्यां कि तु एक पवित्र जन छै जै तैं पिता परमेश्वर ल भेजि।

खास चेलों 8:36

उ रस्ता मा जांदी बगत, उ एक तालाब का संमणी पौछिनी, तब खजांची ल बोलि, “इख एक तालाब च, क्य अब मि तैं बपतिस्मा लींण मा कुई रोक च?”

खास चेलों 9:20

अर उ तुरंत दमिश्क शहर का यहूदियों का मिलणा का भवन मा जै के यीशु का बारा मा यु प्रचार कन लगि गै, कि यीशु ही पिता परमेश्वर को नौंनो च।

रोमियों 1:17

किलैकि शुभ संदेश मा पिता परमेश्वर यु प्रगट करद कि उ लुखुं तैं पूरा ढंग से विश्वास कना का द्वारा धर्मी घोषित कना का योग्य च, जन की परमेश्वर का वचन मा लिख्युं च, “विश्वास बट्टी धर्मी जन ज्यून्दो रालो।”

रोमियों 14:7

हम सभि प्रभु का छा इलै, की हमारा जीवन मा अर हमारी मौत मा, हम तैं पिता परमेश्वर तैं खुश कन चयणु च पर खुद तैं न।

रोमियों 3:22

मतलब हम परमेश्वर का द्वारा धर्मी बंणये जंदींयां जब हम यीशु मसीह पर विश्वास करद्यां। किलैकि सभि लोग एक जन छिनी, अर कुछ भेद नि च;

रोमियों 4:25

मसीह यीशु हमारा पापों कु मरै जांणु कु पकड़वै गै अर परमेश्वर ल हम तैं अफ दगड़ी धर्मी बनांणु कु वे तैं फिर से ज्यूँदो कैरी।

रोमियों 5:2

हमारा विश्वास का कारण, मसीह ल हम तैं इन दया मा लये जख हम अब खड़ा छा, अर हम विश्वास अर आनन्द का दगड़ी पिता परमेश्वर कि बड़ै तैं साझा कनु कु आस दिखणां छा।

रोमियों 5:6

किलैकि जब हम कमजोर ही छा त मसीह ठिक बगत मा पापियों कु मोरि।

रोमियों 5:8

पर पिता परमेश्वर हम पर अपड़ा प्रेम कि भलै की ईं रीति तैं प्रगट करदो, कि जब हम पापी ही छा तभि मसीह हम कु मोरि।

रोमियों 6:13

अर न अपड़ा देह का अंगों तैं बुरा मकसद कु इस्तेमाल हूंणु कु सुपूर्त नि कैरा, पर अपड़ा आप तैं मुर्दों मा बट्टी ज्यूँदो समझी के अपड़ा जीवन परमेश्वर तैं सौंपी द्यां, अर अपड़ा देह का अंगों तैं धार्मिक मकसद कु इस्तेमाल हूंणु कु अपड़ा जीवनों तैं पूरा ढंग से पिता परमेश्वर तैं सौंपी द्यां।

रोमियों 6:8

इलै जु हम मसीह का दगड़ी मोरि ग्यां, त हमारो विश्वास यु च कि वेका दगड़ी ज्यूंदा भि रौला।

रोमियों 8:10

जु मसीह तुम मा च, त पाप का कारण देह का मुरयां हूंण पर भि धार्मिकता का कारण तुम्हरी आत्मा ज्यूंदी च।

रोमियों 8:37

पर यूं सभि बुरी बातों मा हम वेका द्वारा जैल हम बट्टी प्रेम कैरी, इलै जीत पूरा ढंग से हमारी च।

1 कुरिन्थि 6:17

अर जु प्रभु की संगति मा हमेशा रौंद, त वेकी आत्मा अर प्रभु की पवित्र आत्मा एक हवे गै।

2 कुरिन्थि 1:24

यु न, कि हम विश्वास का बारा मा तुम पर प्रभुता जतांण चदयां; पर तुम्हरा आनन्द मा मददगार छा किलैकि तुम विश्वास बट्टी ही मजबूत हूंणा छा।

2 कुरिन्थि 10:3

किलैकि जब हम ईं दुनिया मा रौंदा, पर हम अपड़ा दुश्मनों बट्टी दुनिया का मनिख्युं का जन नि लड़दा।

2 कुरिन्थि 11:10

उन ही के निश्चित रूप बट्टी जन की मसीह की सचै मि मा च, त अखाया प्रान्त का सैरा इलाका मा कै बट्टी भि पैसा नि लींनि, यु गर्व तैं कन से कुई हम तैं रोक नि सकद।

2 कुरिन्थि 13:3

मि यु बुल्णु छों किलैकि तुम सबूत मंगणा छा, कि मसीह मेरा द्वारा बुल्द, अर मसीह तुम तैं सुधरदो च; त यु साबित हूंद की उ कमजोर नि च; पर तुम्हरा बीच मा शक्तिशाली च।

2 कुरिन्थि 13:5

अपड़ा आप तैं परखा, यु दिखणु कु कि क्य तुम्हरो विश्वास सचो च या न, कि तुम विश्वास मा छा या न; अपड़ा आप तैं जांचा, क्य तुम अपड़ा बारा मा यु जंणदा छा, कि यीशु मसीह तुम मा च? नथरी तुम निकम्मा छा।

2 कुरिन्थि 5:14

किलैकि मसीह कु प्रेम हम तैं चलौंद; इलै कि हम निश्चित छा, कि एक आदिम सभि लुखुं कु मोरि गै, इलै सभि लोग मोरि गैनी।

2 कुरिन्थि 5:15

अर इलै मसीह सभियूं कु मोरि, कि जु ज्यूँदो च, उ अगनैं बट्टी अफ तैं खुश कनु कु न जियो पर ऊं तैं मसीह कु जींण चयणु च। मसीह ऊंकु मोरि अर पिता परमेश्वर ल वे तैं ज्यूँदो कैरी।

2 कुरिन्थि 5:7

जब हम अभि ईं दुनिया मा रौंणा छा, हम अपड़ा विश्वास का द्वारा प्रभु का पिछनै चलणा छा, न कि वे तैं देखि के।

गलातियों 1:4

हमारा परमेश्वर अर पिता की मनसा का अनुसार मसीह यीशु ल अपड़ा आप तैं हमारा पापों का कारण बलिदान कैरी दींनि, कि उ हम तैं ऊं बुरी शक्तियों बट्टी छुड़ो जु आज दुनिया मा काम कनी छिनी।

गलातियों 2:16

तब भि हम यहूदी विश्वासी जंणदा छा कि मूसा की व्यवस्था कु पालन कैरी कै कुई भि मनिख पिता परमेश्वर की नजरों मा धर्मी नि ठैरुदो। पर भस यीशु मसीह पर विश्वास कैरी कै धर्मी ठैरद, इलै हम ल अफ भि यीशु मसीह पर विश्वास कैरी, किलैकि मूसा का नियम-कानून का पालन कना से कुई भि मनिख धर्मी नि ठैरद पर यीशु मसीह पर विश्वास कन से धर्मी ठैरद।

गलातियों 3:11

पर या बात सच च की मूसा की व्यवस्था का द्वारा पिता परमेश्वर का संमणी कुई धर्मी नि ठैरदो किलैकि पिता परमेश्वर का वचन मा लिख्युं च, “धर्मी जन विश्वास बट्टी ज्यूँदो रालो।”

गलातियों 5:24

उ लोग जु उद्धारकर्ता यीशु मसीह पर विश्वास करदींनि, ऊंल अपड़ा जीवन का पापों तैं अर बुरी अभिलाषाओं तैं सूली पर चढ़ै यले।

गलातियों 6:14

मि सूली पर हमारा प्रभु यीशु मसीह की मौत का अलावा कभी भि कै हैंकी बात पर बड़ो मोन नि कन चांदु। अर ईं दुनिया की कै भि चीज कु मि तैं कुई लालच नि च, अर मि मा अब दुनिया का कामों तैं कने की कुई इच्छा नि च।

इफिसुस 3:17

अर विश्वास का द्वारा मसीह तुमारा मनों मा ज्यूंदों रो जन तुम वे पर विश्वास रखिला, कि तुम प्रेम मा मजबूत बणदी जावा, जु तुम तैं लमडण बट्टी बचांदु।

इफिसुस 5:2

मसीह का उदाहरण का अनुसरण करद ही, दुसरा का प्रति प्रेम बट्टी भुर्युं जीवन बितावा, जैल तुम बट्टी प्रेम कैरी अर तुमारा पापों तैं उठाणै कु अफ तैं बलिदान कैरी, अर परमेश्वर खुश इलै छों, किलैकि उ बलिदान वेकु खुशबुदार इत्र का जन छों।

इफिसुस 5:25

हे स्वामि, अपड़ी-अपड़ी जननियों बट्टी प्रेम रखा, जन मसीह ल भि मण्डलि बट्टी प्रेम कैरी कै अपड़ा आप तैं बलिदान कैरी दींनि,

फिलिप्पी 1:21

किलैकि जु मि ज्यूँदो रौ, त मसीह कु च, अर जु मि मोरि जौं त यूं तैं कु फैदामन्द होलो किलैकि तब मि मसीह का दगड़ी रौलु।

फिलिप्पी 4:13

मसीह जु मि तैं सामर्थ दींद वेकी मदद बट्टी मि सब कुछ कैरी सकदु।

कुलुसी 1:27

किलैकि पिता परमेश्वर चांदो छो कि वेका लोग यु जणिल्यो कि मसीह कु धन और महिमा तुम अन्य-जातियों कु भि च, अर गुप्त बात य च मसीह तुम मा रौंदा, यु तुम तैं वेकी महिमा मा साझो हूंणो की आस दींद।

1 थिस्सलुनीकी 1:10

अर पिता परमेश्वर का नौंना की स्वर्ग बट्टी फिर से आंणै की आस कना छिनी, जै तैं पिता परमेश्वर ल मुर्दों मा बट्टी ज्यूँदो कैरी यानि यीशु तैं जु हम तैं पिता परमेश्वर का आंण वला प्रकोप से बचांदु।

1 थिस्सलुनीकी 5:10

प्रभु यीशु हम कु इलै मोरि, कि हम चै ज्यून्दा रावा चै मोरि भि जावा, जब प्रभु यीशु ओ त हम सब मिली के वेका दगड़ा मा जीवन पां।

तीतुस 2:14

यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।

इब्रानी 8:3

किलैकि हर एक महायाजक तैं पापों की माफ कु भेंट अर बलिदान चढ़ौणे की जरूरत च, इलै ही जरूरी च, कि हमारा महायाजक, यीशु मा भि कुछ चढ़ौणु कु हो।

1 पतरस 1:8

तुम ल यीशु मसीह तैं कभी नि देखि, पर फिर भि तुम मसीह बट्टी प्रेम करदा अर वे पर विश्वास भि करदा। इलै, तुम आनन्द अर महिमा बट्टी भौत खुश छा जै तैं शब्दों द्वारा नि बतये जै सकद।

1 यूहन्ना 1:7

ऊई कैरा जु ठिक च जन पिता परमेश्वर सिद्ध रूप बट्टी ठिक च, उन ही हम भि उज्यला मा जियां, त एक-दुसरा बट्टी दगड़ी रखदा अर वेका नौंना यीशु मसीह को ल्वे हम तैं सभि पापों बट्टी शुद्ध करदो।

1 यूहन्ना 4:14

अर हम ल यीशु मसीह तैं देखि अर वेकी गव्है दींणा छा कि पिता परमेश्वर ल अपड़ो नौंना यीशु मसीह तैं दुनिया का लुखुं कु उद्धारकर्ता हूंणु कु भेजि।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।

दिब्य दरस 1:5

अर यीशु मसीह का तरपां बट्टी जैका वचनों पर विश्वास किये जै सकद उ ही च जु मुर्दों मा बट्टी ज्यूँदो हूंण वलो मा पैलो अर उ ईं दुनिया का सभि राजाओं कु शासक च। अर यीशु मसीह हम बट्टी प्रेम करद। उ हम कु ल्वे बुगै के मोरि अर वेल हमारा पापों की सजा तैं खत्म कैरेले। इलै हम याजकों को एक परिवार बंणि ग्यां, जु पिता परमेश्वर की सेवा करद। इलै यीशु मसीह तैं महिमा अर शक्ति हमेशा मिलदी रौ आमीन।

दिब्य दरस 3:20

सूंणा, मि तुम्हरा दिल मा प्रवेश कनु कु वे मनिख का जन छो, जु तुम्हरा द्वार पर खटखटांण वला आदिम का जन खड़ाे छो, अर वे तैं खुलणु कु बुल्दो छो। जु कुई मेरी आवाज सुणद अर द्वार खुलद त मि भितर जौलु अर हम एक दुसरा का दगड़ी खांणु खौला।