इफिसुस 5:27 - गढवली नयो नियम

²⁷ मसीह ल इन इलै कैरी कि उ हम सभि विश्वासी लुखुं की मण्डलि तैं एक इन महिमामय झुण्ड बंणै साका जु वे बट्टी जुड़यां छिनी, इन लोग जु मा कुई कमी नि हो, बल्कि उ पूरी रीति पवित्र हों जब उ हम तैं अपड़ा संमणी कठ्ठा करदु।

Garhwali

²⁷ अर ऊंतैं पूरि सान-सौकत से अपणा समणि खड़ु कैरो, जैमा कुई दाग नि हो, अर ना कुई झुरी अर ना ही कुई बुरै हो, अर उ पवित्र अर बेदाग हो।

इफिसुस 5:27 ပူးပေါင်းရင်းမြစ်များ

2 कुरिन्थि 11:2

किलैकि मि तुम कु उन ही परेशान छों, जन पिता परमेश्वर च, इलै कि मिल तुम तैं मसीह तैं अर भस वे तैं ही दींणो कु वादा करयूं च; यु एक पिता का जन च जु अपड़ी नौंनि कु शुद्ध अर अणबिवाक का रूप मा वीं का आदिम तैं सौंपदु जब वीं कु ब्यो हूंद।

2 कुरिन्थि 4:14

किलैकि हम जंणदा छा, जैल प्रभु यीशु तैं मौत बट्टी ज्यूँदो कैरी, उ ही हम तैं भि यीशु मा हिस्सादार जांणि के मौत बट्टी ज्यूँदो करलो, अर पिता परमेश्वर तुम सभियूं का दगड़ी हम तैं भि लालो कि हम सभियूं तैं अपड़ा संमणी हाजिर कैरो।

इफिसुस 1:4

यु कि, पिता परमेश्वर ल दुनिया मा आकाश अर धरती बनौंण बट्टी पैली, मसीह का कारण हम तैं अपड़ा लोग हूंणु कु चुंणियेले; कि हम वेका संमणी पवित्र अर निर्दोष हवे सका।

कुलुसी 1:22

पर पिता परमेश्वर अब मसीह शारीरिक देह मा सूली पर मृत्यु का द्वारा तुम्हरो भि मेल कैरेले कि तुम तैं अपड़ा संमणी पवित्र अर बेदाग अर निर्दोष बणै के उपस्थित कैर।

कुलुसी 1:28

हम मसीह कु प्रचार कैरी कै हरेक मनिख तैं चितै दींद अर सैरा ज्ञान से हम हरेक मनिख तैं सिखौंदां, कि हम यु जांणि साका कि हर कुई मसीह मा एक पक्को विश्वासी हो जब उ पिता परमेश्वर का संमणी खड़ा हों।

1 थिस्सलुनीकी 5:23

अर तुम्हरी आत्मा, प्राण, अर देह तैं अपड़ा प्रभु यीशु मसीह का फिर वापिस आंण का दिन तक पूरा ढंग से निर्दोष अर बचै के रखा; शान्ति दींण वलो पिता परमेश्वर अफी तुम तैं पूरा ढंग से पवित्र कैरो।

इब्रानी 9:14

जरा सोचि के देखा, कि मसीह कु ल्वे हमारा दिलों तैं ऊं कामों बट्टी कथग शुद्ध करलो जु मौत का तरपां लिजांदी, कि हम जीवित पिता परमेश्वर की आराधना कैरी साका; किलैकि हमेशा की आत्मा की सामर्थ का द्वारा, मसीह ल हमारा पापों कु अपड़ा आप तैं एक सिद्ध बलिदान का रूप मा पिता परमेश्वर तैं भेंट का रूप मा चढ़ै।

2 पतरस 3:14

इलै, हे प्रियों, जबकि तुम वे दिन को जग्वाल करदा जब पिता परमेश्वर दुनिया को न्याय करलो त तुम तैं अपड़ी पूरी कोशिश कन पुड़लो कि उ तुम तैं शुद्ध अर बगैर भंगार का अर अफ दगड़ी शान्ति से पां।

यहूदा 1:21

तुम तैं यु जांणि के जीवन जींण चयणु च कि पिता परमेश्वर तुम बट्टी प्रेम करद; जबकि तुम वे दिन को जग्वाल करदा, जब हमारो प्रभु, यीशु मसीह वापिस लौटलो कि तुम तैं अनन्त जीवन मिललो किलैकि वेल हम पर दया कैरी।

यहूदा 1:24

एकमात्र पिता परमेश्वर ही च जु तुम तैं लमडण बट्टी बचै सकद, अर तुम तैं निर्दोष अर आनन्दित बणै सकद, जब पिता परमेश्वर तुम तैं अपड़ी महिमा मा अपड़ा संमणी खड़ो करद। वेल हम तैं हमारा उद्धारकर्ता प्रभु यीशु मसीह का द्वारा बचै। महिमा, गौरव, सामर्थ अर अधिकार बगत की शुरुआत बट्टी पैली ही वेको ही छो, अब भि वेको ही च, अर हमेशा कु वेको ही रालो। आमीन।

दिब्य दरस 14:4

यु उ छिनी जु पवित्र जीवन तैं ज्यन्दींनि। यु ऊं लुखुं का जन छिनी जौनु एक बार भि नाजायज सम्बन्ध नि बणैंनि अर न ही ऊंल कभी कै चीज कि पूजा कैरी, उ भस चिनखो ही जंणद कि जख कखी चिनखो जांद, यु लोग वेका ही पिछनै औंदींनि। यु उ छिनी जौं तैं धरती का सभि आदमियों बट्टी अलग किये गै। जन लोग अपड़ा पुंगड़ो की फसल कु सबसे अच्छो भाग पिता परमेश्वर तैं दींदिनि उन ही यु लोग भि अपड़ा जीवन तैं पूरी पवित्रता का दगड़ी पिता परमेश्वर अर चिनखा तैं दींदिनि।