इफिसुस 4:32 - गढवली नयो नियम

³² एक दुसरा पर मयलदु, अर दयावन्त हो, अर जन परमेश्वर मसीह मा तुमारा पाप माफ करिनि, उन ही तुम भि एक दुसरा अपराध माफ कैरा।

Garhwali

³² पर एक-दुसरा पर दया दिखा अर मयळु बणा, अर जन परमेस्वर न यीशु मसीह का द्‍वारा तुमरा पापों तैं माफ कैरी, ठिक उन्‍नि तुम भि मयळु बणि के एक-दुसरा का पापों तैं माफ कैरा।

इफिसुस 4:32 ပူးပေါင်းရင်းမြစ်များ

मत्ती 6:12

और जनकै हम ल अपड़ा अपराधियों तैं माफ कैरी उन ही कै तू भि हमारा पापों तैं माफ कैर।

मरकुस 11:25

अर इन ही जब कभि तुम पिता परमेश्वर बट्टी प्रार्थना करदा अर जु तुमारा दिल मा कैका खिलाफ कुई बैर हो त माफ कैरा इलै कि पिता परमेश्वर जु स्वर्ग मा रौंद तुमारा पापों तैं भि माफ करलो।

लूका 1:78

यु हमारा परमेश्वर कि वीं बड़ी दया से होलो ज्यां बट्टी घाम हम तैं उज्यलो दींणु कु चमकदो उ न ही मसीह भि हम मा स्वर्ग बट्टी आलो

लूका 11:4

अर हमारा पापों तैं माफ कैर किलैकि हम भि अपड़ा हरेक अपराधी तैं माफ करदां अर हम तैं शैतान द्वारा अजमैश मा नि लौ।

लूका 17:4

जु दिन भर मा उ सात बार भि अपराध अर सातों बार त्वे मा फिर ऐ के बोलु कै पछतांणु च त वे तैं माफ कैर।

लूका 6:35

पर अपड़ा बैरियों बट्टी प्रेम रखा अर भलै कैरा अर फिर पौणे की आस नि रखि के उधार दियां अर तुम कु बड़ो प्रतिफल होलो जनके तुम अपड़ा स्वर्गीय पिता परमेश्वर कि संतान ठैरिल्या किलैकि उ ऊंकु भि जु धन्यवाद नि करदींनि अर बुरा लुखुं कु भि दयालु च।

लूका 6:37

दूसरों कु जांच कैरी के न्याय नि कैरा त परमेश्वर भि तुमारो न्याय नि करलो अर भंगार नि लगावा त परमेश्वर भि तुम पर भंगार नि लगालो दूसरों तैं माफ कैरा त परमेश्वर भि तुम तैं माफ करलो।

खास चेलों 28:2

उख लुखुं ल हम पर बड़ी कृपा कैरी, बरखा लगिं छै अर जडो लगणु छो इलै ऊंल आग जगै के हमारो प्रेम का दगड़ी स्वागत कैरी।

रोमियों 12:10

परिवार का जन एक दुसरा बट्टी प्रेम कैरा; एक दुसरा कु आदर कन मा बढ़दी रावा।

1 कुरिन्थि 13:4

जु लोग दुसरा बट्टी प्रेम करदींनि, उ धीरज ल अर दया का दगड़ी काम करदींनि, प्रेम जलन नि करद, अपड़ी बड़ै नि करद।

2 कुरिन्थि 2:10

जैको तुम कुछ पाप माफ करदा वे तैं मि ही माफ करदु, किलैकि जब मि तैं माफ कने की जरूरत हूंदी, त मि तुम्हरा फैदा कु मसीह का अधिकार का दगड़ी इन करदु।

2 कुरिन्थि 2:7

इलै यु से बढ़िया च कि वेका पापों तैं माफ कैरा; अर वे तैं प्रोत्साहित कैरा, जु तुम वे तैं माफ नि करदा त शायद उ इथग दुखी हवे जौं कि निराश हवे कर हार मांणी ल्यो।

2 कुरिन्थि 6:6

पवित्रता मा, ज्ञान मा, धीरज मा, दयालुता मा, पवित्र आत्मा की आज्ञा मनणु का द्वारा सच्चा प्रेम मा,

इफिसुस 5:1

तुम परमेश्वर का बच्चा छा जौं बट्टी उ प्रेम करदु, इलै वे जन बनणै की कोशिश कैरा।

याकूब 5:11

देखा जु लोग दुःख मा भि सब्र रखदींनि, ऊं तैं हम धन्य मणन्दा, तुम ल अय्यूब को सब्र का बारा मा त सूंणि ही च, अर तुम यु भि जंणदा छा की प्रभु ल वेकी अंत मा कन मदद कैरी ज्यां ल प्रभु की बड़ी कृपा अर दया प्रगट हूंद।

2 पतरस 1:7

तुम तैं न भस यु ढंग से जीवन जींण चयणु च जु पिता परमेश्वर तैं खुश करद, बल्कि तुम तैं एक-दुसरा विश्वासियों तैं अपड़ा खुद का परिवार का सदस्यों का जन प्रेम कन चयणु च, अर तुम तैं न भस एक दुसरा विश्वासियों का दगड़ी प्रेम कन चयणु च, बल्कि तुम तैं सभि लुखुं बट्टी प्रेम कन चयणु च।

1 यूहन्ना 1:9

जु हम अपड़ा पापों तैं पिता परमेश्वर का संमणी मणिल्या, त पिता परमेश्वर हमारा पापों तैं माफ कन, अर हम तैं सभि अधर्म बट्टी शुद्ध कन मा विश्वासयोग्य अर धर्मी च।

1 यूहन्ना 2:12

हे नौंनो, मि तुम कु इलै लिखणु छौं, कि यीशु मसीह का नौं बट्टी तुमारा पाप माफ हवेनि।