इफिसुस 4:24 - गढवली नयो नियम

²⁴ परमेश्वर ल तुम तैं एक नयो बरतौ दियुं च जु वेको खुद का बरतौ का जन च, इलै की यु नया बरतौ का अनुसार बरतौ कैरा, अर सचै मा धर्मी अर पवित्र बंणि।

Garhwali

²⁴ अर अपणा ये नया सभौ का मुताबिक परमेस्वर की नजर मा एक सच्‍चु धरमी अर पवित्र जीवन जीण वळु बणा।

इफिसुस 4:24 ပူးပေါင်းရင်းမြစ်များ

लूका 1:75

कि वेका संमणी पवित्र हवे के अर धर्मी हवे के अर जब तक हम जीवित छा निडर रै के वेकी सेवा करदी रावा।

यूहन्ना 17:17

तेरु वचन सच्चो च ऊंल सचै मा अफ तैं अलग कैरी।

रोमियों 12:2

अर ईं दुनिया का लुखुं का जन नि बंणा; पर अपड़ा सुचणा का ढंग तैं पिता परमेश्वर कु बदली द्या, ज्यां बट्टी तुम परमेश्वर की भलि, अर लुभौण, अर सिद्ध मनसा तैं मालुम करदी रावा।

रोमियों 13:12

ईं बुरी दुनिया मा रौंणो को अब हमारो बगत खत्म हवे गै एक रात का जन जु लगभग खत्म हवे गै, अर उ बगत भि नजीक च जब मसीह वापिस आलो; इलै हम तैं ऊं कामों तैं कन बंद कैरी दींण चयणु च जु अंधकार बट्टी जुड़यूं च; अर हम तैं ऊं हथियारों तैं इस्तेमाल कन चयणु च जौं तैं उज्यला मा इस्तेमाल किये जांद।

रोमियों 13:14

पर प्रभु यीशु मसीह तुम्हरो कवच बंणि जौं, जैका द्वारा तुम्हरी रक्षा हवे साको, अर पापी स्वभाव की इच्छाओं तैं पूरी कने की कोशिश नि कैरा।

रोमियों 6:4

इलै जब हम ल बपतिस्मा लये त हम मोरि ग्यां अर मसीह का दगड़ी दफनये ग्यां, कि जन मसीह पिता परमेश्वर कि महिमा का द्वारा मुर्दों मा बट्टी ज्यूँदो करे गै, उन ही हम एक नया ढंग बट्टी जीवन तैं जियां।

रोमियों 7:6

पर हम वीं व्यवस्था कु मोरि ग्यां जैल एक बार हम तैं बंधि बंणै येलि छों, अब वीं व्यवस्था बट्टी छुटी ग्यां, अब हम पिता परमेश्वर कि सेवा पुरणी रीति बट्टी लिख्यां व्यवस्था का मनणु का द्वारा नि करदां, बल्कि पवित्र आत्मा का द्वारा एक नई रीति मा सेवा करदां।

रोमियों 8:29

किलैकि जौं तैं वेल पैली बट्टी ही चुणयली ऊं तैं पैली बट्टी ही ठैराये गै कि वेका नौंना का स्वरूप मा हो कि उ सभि विश्वासी भयों मा पैलो नौंना का जन हवे जौं।

1 कुरिन्थि 15:53

किलैकि हमारो यु देह जु बड़ा आसानी ल मोरि जांद अर सैड़ी जांद, वे तैं एक इन देह मा बदली जांद जु न कभी मुरद अर न कभी सडद।

2 कुरिन्थि 3:18

हम सब एक शीशा जन पिता परमेश्वर का महिमा का तेज तैं इन मुकूं बट्टी दर्शादा जै पर पर्दा नि पुड़यूँ, त पिता परमेश्वर हम तैं लगातार बढ़यां तेज मा जादा से जादा अफ जन बनांणु च। यु तेज प्रभु बट्टी ही मिल्दा, जु पवित्र आत्मा च।

2 कुरिन्थि 4:16

इलै हम हिम्मत नि छुडदियां; जबकि हमारो भैरो कु मनुष्यत्व नाश भि हवे जांद, तब भि हमारी आत्मा हर दिन नई हूंदी जांदी।

2 कुरिन्थि 5:17

इलै, जु कुई मसीह पर विश्वास करद त वेको एक नयो अस्तित्व च; पुरणो स्वभाव बीत गै; देखा, उ सभि नयो हवे गै।

गलातियों 6:15

किलैकि खतना करौंण अर खतना नि करौंण जरूरी नि च, पर पिता परमेश्वर का पवित्र आत्मा का कामों का द्वारा एक नयो जीवन ज्यूंण जरूरी च।

इफिसुस 2:10

किलैकि हम तैं परमेश्वर ल बंणै गै; अर मसीह यीशु मा भला काम कनु कु हम तैं नया लुखुं का रूप मा बंणै जै तैं पिता परमेश्वर ल पैली ही बट्टी हम कु तैयार कैरी।

इफिसुस 2:15

सूली पर मसीह कि मृत्यु का कारण, वेल मूसा कि व्यवस्था की पूरी रीति तैं खत्म कैरी दींनि। इन कन मा मसीह कु लक्ष्य द्वी अलग-अलग झुण्ड बट्टी एक नयो झुण्ड बनांणु कु छों जु वे बट्टी जुड़यूं छों,

इफिसुस 6:11

किलैकि हम मनिख्युं का खिलाफ युद्ध नि लड़णा छा। हम प्रधानों अर अधिकारियों का खिलाफ अर अंधेरा का हकीमों बट्टी अर आत्मिक दुनिया का सामर्थ का खिलाफ लड़णा छा, जु स्वर्ग म च, इलै सभि कवच पैरिल्यां जु परमेश्वर दींद। अर जब उ बुरा दिन आलो, त तुम शैतान की चालबाजी बट्टी अपड़ो बचाव कैरी सकदा छा। अर जब यु युद्ध खत्म हवे जालो, तब तुम मजबूती ल खड़ा रै सक्यां। किलैकि हम मनिख्युं का खिलाफ युद्ध नि लड़णा छा। हम प्रधानों अर अधिकारियों का खिलाफ अर अंधेरा का हकीमों बट्टी अर आत्मिक दुनिया का सामर्थ का खिलाफ लड़णा छा, जु स्वर्ग मा च।

तीतुस 2:14

यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।

इब्रानी 1:8

पर नौंना का बारा मा बुल्द, “हे परमेश्वर, तेरु राज्य हमेशा तक बणयूँ रौ, उ अपड़ा राज्य का मथि न्याय से राज्य करद।

इब्रानी 12:14

सभियूं बट्टी मेल मिलाप रखा, अर पवित्र हूंणु कु हर ढंग से कोशिश कैरा जैका बगैर कुई भि प्रभु तैं कभी भि नि देख सकलो।

1 पतरस 2:2

मि तुम्हरी तुलना नवजात छुटा बच्चा बट्टी करदु; एक नवजात छुटा बच्चा हमेशा अपड़ी ब्वे कु दूध ही चांद कि मजबूत बणौं; उन ही के जन तुम तैं भि पिता परमेश्वर का वचन सुनण की इच्छा हूंण चयणी च कि पिता परमेश्वर मा तुम्हरो विश्वास मजबूत हो अर तुम्हरो उद्धार हवे जौं।

2 पतरस 1:4

वे ही शक्तिशाली सामर्थ का द्वारा, पिता परमेश्वर ल हम तैं अपड़ा भौत सैरा अच्छा अर अद्भुत करार करिनी। कि यूं वरदानों को इस्तेमाल कैरी के हम दुनिया की ऊं बुरी इच्छाओं बट्टी बच सैका जु लुखुं तैं नाश करदी, अर पिता परमेश्वर का स्वभाव का भागि हवे साका।