इफिसुस 4:14 - गढवली नयो नियम

¹⁴ कि अब हम छुट्टा नौंनो जन नि हो, अर अब हम ऊं नावों का जन नि हो, जौं तैं लहर अगनैं पिछनै धकैल दे अर बथौं इना-उना घुमोंद। यांको मतलब च चालाक अर ठग लोग अब अपड़ी झूठी शिक्षा ल हम तैं धोखा नि दे सकदा।

Garhwali

¹⁴ अर औण वळा बगत मा हम बच्‍चों का जन नि रा, जु कि झूठ्‍ठा गुरु लोगु की चालाकी अर धोखा देण वळी बातों तैं सच्‍च समझदिन, अर अपणा जीवन मा स्वीकार कैरिके वेका मुताबिक चलदिन। मेरा दगड़्यों, इन्द्रया लोगु को बिस्वास समुन्दर की लैरों का जन च, जु कि इनै-उनै होणी रौनदिन।

इफिसुस 4:14 ပူးပေါင်းရင်းမြစ်များ

मत्ती 11:7

जब यूहन्ना का चेला उख बट्टी चलि गैनी त तब यीशु लुखुं मा यूहन्ना का बारा मा बुल्ण लगि गै “तुम एकांत जंगल मा क्य दिखणु कु गै छा? क्य हवा से हिलण वला निंगला तैं?”

मत्ती 24:11

भौत सा परमेश्वर कु संदेश दींणवला आला अर भौत सा लुखुं तैं धोखा दयाला।

मत्ती 24:24

किलैकि झूठा मसीह अर परमेश्वर कु संदेश दींणवला झूठा लोग आला अर चिन्ह अर शैतान का झूठा चमत्कार दिखाला कि हवे साको त परमेश्वर का चुणयां लुखुं तैं भि भरमै द्याला।

खास चेलों 23:21

पर कृपा कैरी के ऊंकी ईं बिनती का तरपां ध्यान नि द्ये, किलैकि ऊंमा बट्टी चालिस से भि जादा आदिम पौलुस तैं मरणै ताक मा छिनी जौं का कि इन सौं खयां छिन कि जब तक उ पौलुस तैं जान से नि मारि दयूला तब तक हम कुछ भि नि खौला-प्यूला अर तेरु जवाब को इन्तजार कना छिनी।”

1 कुरिन्थि 12:2

तुम जंणदा छा, कि तुम विश्वासी बनण से पैली कन जीवन ज्यूंदा छा, तुम ऊं बेजान मूर्तियों कि आराधना कन कु कई बातों का द्वारा प्रभावित हवे छा।

1 कुरिन्थि 14:20

हे विश्वासी भयों, यूं बातों तैं समझण मा छुटा बच्चों का जन नि बणा; जब बुरै कि बात औंद त एक बच्चा का जन निर्दोष रावा, पर समझण मा सयांणा बणा।

1 कुरिन्थि 3:19

किलैकि सच यु च, कि सांसारिक ज्ञान पिता परमेश्वर की नजर मा मूर्खता च, जन परमेश्वर का वचन मा लिख्युं च, “पिता परमेश्वर ही च, जु बुद्धिमानों तैं ऊं की चालाकी मा फंसै दींद।”

2 कुरिन्थि 2:17

किलैकि हम ऊं भौतों का समान नि छा, जु धन कमौण कु पिता परमेश्वर कु वचन कु प्रचार करदा; पर हम पिता परमेश्वर का वचन कु प्रचार सचै अर मसीह का अधिकार का दगड़ी करदा, यु जांणि के कि पिता परमेश्वर हम तैं दिखणु च।

2 कुरिन्थि 4:2

पर हम ल शर्मनाक अर गुप्त कामों तैं छोड़ी येले, अर न चालाकी ल चलद्यां, अर न पिता परमेश्वर का वचन मा कुछ मिलावट करदा, पर हम पिता परमेश्वर का संमणी भस सच सिखौदियां, अर हर कुई आदिम गव्है दे सकद कि य बात सच च।

गलातियों 3:1

हे गलातियों शहर का विश्वासी लुखुं क्य तुम न समझ छा, कैल तुम तैं भरमै? मिल तुम तैं ठिक से समझै की जब यीशु मसीह तैं सूली पर चढ़ै गै, त वेल कै काम तैं पूरो कैरी।

इफिसुस 6:11

किलैकि हम मनिख्युं का खिलाफ युद्ध नि लड़णा छा। हम प्रधानों अर अधिकारियों का खिलाफ अर अंधेरा का हकीमों बट्टी अर आत्मिक दुनिया का सामर्थ का खिलाफ लड़णा छा, जु स्वर्ग म च, इलै सभि कवच पैरिल्यां जु परमेश्वर दींद। अर जब उ बुरा दिन आलो, त तुम शैतान की चालबाजी बट्टी अपड़ो बचाव कैरी सकदा छा। अर जब यु युद्ध खत्म हवे जालो, तब तुम मजबूती ल खड़ा रै सक्यां। किलैकि हम मनिख्युं का खिलाफ युद्ध नि लड़णा छा। हम प्रधानों अर अधिकारियों का खिलाफ अर अंधेरा का हकीमों बट्टी अर आत्मिक दुनिया का सामर्थ का खिलाफ लड़णा छा, जु स्वर्ग मा च।

1 तीमुथियुस 3:6

फिर यु भि कि उ नयो-नयो विश्वासी चेला नि बणयुं हो, कखि इन नि हो कि उ घमंड कैरी कै उन ही दंड पां जन शैतान तैं दण्ड मिली छो।

2 तीमुथियुस 1:15

तु जंणदी छै कि एशिया (एशिया) प्रान्त का सब लोग मि तैं छोड़ी के चलि गैनी, जौं मा फूगिलुस अर हिरमुगिनेस छिन।

2 तीमुथियुस 3:13

पर दुष्ट लोग अर धोखाबाज लोग और भि जादा दुष्ट काम करला, उ लुखुं तैं धोखा दयाला अर उ अफ भि दूसरों बट्टी धोखा खाला।

2 तीमुथियुस 4:3

किलैकि इन बगत आलो, जब लोग खरा उपदेश तैं स्वीकार नि करला पर अपड़ी लालसाओं का अनुसार अफ कु भौत सी धर्म-गुरुओं तैं कट्ठा करला जु ऊं तैं ऊंकी पसंद कि बात सुंणौनु।

इब्रानी 13:9

भौत किस्म का अर मथि बट्टी थूपियां उपदेशों बट्टी जु तुम तैं गलत रस्ता पर ली जंदींनि नि भरमै जावा, किलैकि तुम्हरा मनों कु यु ठिक च कि उ कृपा का द्वारा मजबूत बणा, खांण-पीण वली चीजों का नियमों कु पालन कन से कुछ फैदा नि हूंद।

याकूब 1:6

पर मंगण वलो विश्वास बट्टी पिता परमेश्वर बट्टी मांगो अर शक नि कैरो; पर जु शक करदो, उ अविश्वासी समुद्र की लहरों की तरौं च जु सदनी बदलणु रौंदो।

याकूब 3:4

देखा, समुद्रों का जहाज भि, भौत बड़ा हुन्दींनि, अर तेज बथौं बट्टी चलै जयदींनि, तभि भि एक छुटी सी पतवार ल चलौंण वलो माँझी का इच्छा का अनुसार ही घुमै जांदु।

2 पतरस 2:18

जब उ लुखुं तैं शिक्षा दींदिनि, त उ बेकार अर घमण्ड से भुरयां शब्दों को इस्तेमाल करदींनि। उ लुखुं तैं बतौंदींनि कि उ ऊं शर्मनाक कामों तैं कैरी सकदींनि जु ऊंकी देह कन चांदी अर उ ऊं लुखुं तैं दुबरा पाप कनु कु भरमै दींदिनि जु अभि-अभि इन दुष्टता का जीवन बट्टी बची के निकलयां छिनी।

1 यूहन्ना 2:19

उ लोग जु अब मसीह को विरोध करदींनि, उ निकली त हम ही बट्टी छिनी, पर हमारा दगड़िया नि छिनी, किलैकि जु उ हमारा दगड़िया हुंदा, त हम दगड़ी रौंदा, पर ऊंल हम तैं छोड़ दींनि किलैकि उ हमारा झुंड का हिस्सा नि छा।

1 यूहन्ना 2:26

मि तुम तैं ऊं लुखुं का बारा मा चितांणु छो, जु झूठी शिक्षा का द्वारा तुम तैं धोखा दींणै की कोशिश कना छिनी।

1 यूहन्ना 4:1

हे प्रियों, हरेक जु पिता परमेश्वर की पवित्र आत्मा बट्टी बुल्णो को दावा करदींनि; ऊंमा बट्टी हरेक पर विश्वास नि करयां, पर आत्माओं तैं परखा, कि उ आत्मा पिता परमेश्वर की तरपां बट्टी च कि न; किलैकि भौत सारा झूठा संदेश दींणवला छिनी जु बुल्दींनि की हम पिता परमेश्वर कि तरपां बट्टी बुल्दियां दुनिया मा ऐ गैनी।

यहूदा 1:12

जब यु लोग प्रभु का प्रेम तैं याद कैरी के तुम दगड़ी प्रीति भोज मा खांणु खंदींनि, त यु ऊं खतरनाक चट्टानों का जन छिनी जु समुद्र का मूड़ी छिपियां छिनी जु तुम्हरा डुबणों को कारण बंणि सकदींनि। उ ऊं बेशर्म चरवाहों का जन छिनी जु भस अपड़ी ही चिन्ता करदींनि। उ ऊं बादलों का जन छिनी जु धरती पर बरखा करयां बगैर भस गरजणा रौदींनि। उ ह्यूंद का मौसम का डाला जन छिनी जु द्वी तरपां बट्टी मुरयां हूंदींनि, किलैकि उ कुई फल नि दींदिनि अर जौड़ा बट्टी उखड़ जंदींनि।

दिब्य दरस 19:20

अर उ दुसरो जानवर अर वेका दगड़ी उ झूठो संदेश दींण वलो जु अफ तैं पिता परमेश्वर का तरपां बट्टी बुल्ण वलो बुल्द पकड़ै गै, वेल जानवर का तरपां बट्टी झूठा चमत्कार दिखै अर ऊं सभि लुखुं तैं भरमै, जौनु जानवर की छाप अपड़ा कपाल पर लगै छै अर जु वेकी मूर्ति की आराधना करदा छा, यु द्वी ज्यूंदा ही वीं आग की झील मा, जु गन्धक ल जल्दींनि डलै गैनी।