इफिसुस 3:19 - गढवली नयो नियम

¹⁹ मि प्रार्थना करदु छों, कि तुम तैं मसीह का प्रेम का बारा मा पता चलि जौ जु मनिख्युं कि समझ बट्टी भैर च कि तुमारो बरतौ परमेश्वर कु बरतौ का जन बंणि जौ।

Garhwali

¹⁹ अर मि इन चान्दु, कि तुम लोग मसीह का वे प्यार तैं जाणि सैका, जु कि मनखि की सोच-समझ से भैर च, अर पूरि हद तक तुम मा पिता परमेस्वर का गुण ऐ जा।

इफिसुस 3:19 ပူးပေါင်းရင်းမြစ်များ

मत्ती 5:6

“धन्य छिन उ जु धार्मिकता से जीवन जीणै की सच्ची इच्छा रखदींनि, किलैकि परमेश्वर ऊं तैं तृप्त करलो।”

यूहन्ना 1:16

दया पर दया बट्टी वेकी परिपूर्णता का दगड़ी हम सभियूं ल प्राप्त कैरी मतलब आशीष पर आशीष।

यूहन्ना 17:3

अनन्त जीवन यु च की लोग त्वे तैं पैछणदो बल्कि भस एकमात्र सच्चो परमेश्वर तैं, अर यु की उ मि तैं जंणदु पैछणदो, बल्कि, यीशु मसीह तैं जै तैं तिल भेजि।

रोमियों 8:35

कुई भि हम तैं मसीह का प्रेम बट्टी अलग नि कैर सकद। क्य क्लेश, या संकट, या घपरौल, या अकाल, या नंगुपन, या खतरा, यूं मा बट्टी एक भि हम तैं मसीह का प्रेम बट्टी अलग नि कैर सकलो।

रोमियों 8:39

न गहराई, न सृष्टि, न कुई, हम तैं पिता परमेश्वर का प्रेम बट्टी, जु हमारा प्रभु यीशु मसीह मा च, अलग नि कैर सकली।

2 कुरिन्थि 5:14

किलैकि मसीह कु प्रेम हम तैं चलौंद; इलै कि हम निश्चित छा, कि एक आदिम सभि लुखुं कु मोरि गै, इलै सभि लोग मोरि गैनी।

गलातियों 2:20

मि मसीह का दगड़ी सूली पर चड़ैये ग्यों अर मि नि रौं जु अब भि ज्यूंदों च, बल्कि उ मसीह च जु मि मा ज्यूंणु च। अर जन के मि ज्यूंणु छों अब मि पिता परमेश्वर का नौंना पर विश्वास कैरी कै ज्यूँदो छौं, जु मि बट्टी इथग प्रेम करदो कि वेल मेरा खातिर अपड़ी जान दे दींनि।

इफिसुस 1:23

हम विश्वासी मसीह का देह का अंगों का जन छा, मण्डलि मसीह का द्वारा भुरीं च, जु सभि जगह हरेक चीज तैं अपड़ी उपस्थिति बट्टी भोरि दींद।

इफिसुस 3:18

अर पिता परमेश्वर का सभि लुखुं का दगड़ी, तुम यु जांणि पैल्या कि मसीह हम तैं भौत प्रेम करदु, वेको प्रेम कभी खत्म नि हूंण वलो च।

इफिसुस 5:2

मसीह का उदाहरण का अनुसरण करद ही, दुसरा का प्रति प्रेम बट्टी भुर्युं जीवन बितावा, जैल तुम बट्टी प्रेम कैरी अर तुमारा पापों तैं उठाणै कु अफ तैं बलिदान कैरी, अर परमेश्वर खुश इलै छों, किलैकि उ बलिदान वेकु खुशबुदार इत्र का जन छों।

इफिसुस 5:25

हे स्वामि, अपड़ी-अपड़ी जननियों बट्टी प्रेम रखा, जन मसीह ल भि मण्डलि बट्टी प्रेम कैरी कै अपड़ा आप तैं बलिदान कैरी दींनि,

फिलिप्पी 1:7

यु ठिक च कि मि तुम सभियूं कु इन ही विचार कैर, किलैकि मि तुम बट्टी भौत प्रेम करदु, जब की मि एक बंधि छों अर शुभ सन्देश कु जवाब प्रमाण दींण मा तुम सभि भि पिता परमेश्वर कि कृपा मा मि दगड़ी छा।

फिलिप्पी 4:7

तब पिता परमेश्वर कि शान्ति, ज्वा मनिख का सैरी समझ बट्टी भैर च, तुमारा ह्रदय अर तुमारा विचारों तैं मसीह यीशु मा सम्भालि के रखली।

कुलुसी 1:10

हम यु प्रार्थना करदा कि तुम उन ही के जीवन जिया जन प्रभु चांदो च अर प्रभु सभि बातों मा तुम बट्टी खुश हो, अर तुमारा जीवन मा हरेक किस्मै का भला कामों का फल लगुनु अर तुम परमेश्वर की पछयांण मा बढ़दी जावा,

1 पतरस 1:8

तुम ल यीशु मसीह तैं कभी नि देखि, पर फिर भि तुम मसीह बट्टी प्रेम करदा अर वे पर विश्वास भि करदा। इलै, तुम आनन्द अर महिमा बट्टी भौत खुश छा जै तैं शब्दों द्वारा नि बतये जै सकद।

2 पतरस 3:18

बल्कि इन कै जीवन बिता कि तुम हमारा उद्धारकर्ता यीशु मसीह का प्रति और जादा से जादा कृपा का रूप मा काम कैरी अर यु कि तुम वे तैं और जादा बढ़िया ढंग से जांण साका। पिता परमेश्वर की महिमा अब अर हमेशा तक हूंदी रौ। आमीन।