इफिसुस 3:10 - गढवली नयो नियम

¹⁰ कि अब मण्डलि का द्वारा, परमेश्वर कि अनन्त बुद्धि ऊं प्रधानों अर अधिकारियों पर प्रगट किये जालो, जु अनदेखा दायरों कु जख आत्मा राज्य करदींनि प्रगट किये जौं।

Garhwali

¹⁰ अर बिस्वासी समुदाय का द्‍वारा वेको मकसद इन च, कि आसमान का सासक अर सब शक्‍तियाँ पिता परमेस्वर का ज्ञान का बारा मा जाणि सैका, कि वेकी योजना कथगा महान च।

इफिसुस 3:10 ပူးပေါင်းရင်းမြစ်များ

रोमियों 11:33

पिता परमेश्वर की दया कु धन, बुद्धि अर ज्ञान सच मा भौत महान च! कुई भि ऊंकी निर्णय की व्याख्या नि कैर सकद अर न ही कुई वेका रस्तों तैं समझी सकदो।

रोमियों 8:38

किलैकि मि निश्चित छौं, कि कुछ भि अर कुई भि हम तैं मसीह का प्रेम बट्टी कनु दूर ली जांण मा सक्षम नि च; इलै कुछ फर्क नि पुड़दो कि हम मुरणा छा या हम ज्यूंदा छा; स्वर्गदूत, शासक अर सामर्थ जु स्वर्ग मा च हम तैं वेका प्रेम बट्टी अलग नि कैर सकद, अर वे बट्टी भि जु अब हूंणु च अर भविष्य मा जु होलो, सैरी सृष्टि मा सब कुछ हम तैं वेका प्रेम बट्टी अलग नि कैर सकदो।

1 कुरिन्थि 1:24

पर जु यूं तैं पिता परमेश्वर ल बुलै, क्य यहूदी, क्य यूनानी अन्यजाति, यु ही मसीह, पिता परमेश्वर की सामर्थ अर पिता परमेश्वर कु ज्ञान च।

1 कुरिन्थि 2:7

पर हम पिता परमेश्वर कु उ गुप्त ज्ञान जै ज्ञान की बात हम करद्यां, जु छुपियूं छो, अर अभि तक कुई भि यु तैं नि समझी साकी छो। यां से पैली कि पिता परमेश्वर ल धरती की रचना कैरी, वेल पैली ही बट्टी सोचेले छो कि वेको ज्ञान हम तैं महिमा दयालो।

इफिसुस 1:21

उख पिता परमेश्वर ल सभि किस्मै कि प्रधानता, अर अधिकार, अर सामर्थ, अर प्रभुता, जु हरेक नौं बट्टी मथि, जु न बल्कि लोक मा, पर आंण वला लोक मा भि लिये जाली;

इफिसुस 1:23

हम विश्वासी मसीह का देह का अंगों का जन छा, मण्डलि मसीह का द्वारा भुरीं च, जु सभि जगह हरेक चीज तैं अपड़ी उपस्थिति बट्टी भोरि दींद।

इफिसुस 1:3

हमारो परमेश्वर अर प्रभु यीशु मसीह कु बुबा कु धन्यवाद हो कि जैल हम तैं मसीह का द्वारा स्वर्ग बट्टी मिलण वलि, सभि किस्मै कि आत्मिक आशीष दिंयि च अर यु मसीह दगड़ी हमारी एकता का कारण हूंयुं च।

इफिसुस 1:8

जन परमेश्वर ल सैरा बुद्धिमानी अर विवेक मा हम पर बहुतायत बट्टी कैरी।

कुलुसी 1:16

किलैकि यु उ ही मसीह च जैल सब कुछ बनौण बगत पिता परमेश्वर का दगड़ा काम कैरी, उ आसमान कि हूंनु या फिर धरती की हूंनु, देखि चीज हूंनु या फिर नि देखि चीज, क्य राजा, क्य प्रभुता, क्य प्रधानता, अर क्य अधिकार, सैरी चीज वेका ही द्वारा अर वेको ही रचे गैनी।

कुलुसी 2:10

मसीह हरेक शक्ति अर अधिकार मा प्रधान च। इलै जु तुम मसीह मा छा, त तुम तैं कै भि बात की घटि नि च।

कुलुसी 2:15

अर पिता परमेश्वर ल मसीह का सूली पर मुरण का कारण दुनिया की प्रधानताओं अर अधिकारों तैं हरै के ऊं तैं सभि का संमणी बेजती कैरी, अर ऊं पर जीत हासिल कैरी कै खुशी मणै।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

1 पतरस 1:12

पर पिता परमेश्वर का तरपां बट्टी बुल्ण वलो तैं पिता परमेश्वर ल बतै कि ऊंका संदेश खुद ऊंका अफ कु नि छिनी बल्कि तुम कु छिनी। उ संदेश यीशु मसीह का बारा मा शुभ सन्देश प्रचार च जु तुम ल अब सूंणि। पिता परमेश्वर ल स्वर्ग बट्टी अपड़ो पवित्र आत्मा भेजि कि तुम शुभ सन्देश प्रचार कन मा लुखुं की मदद कैरा। यु सभि इथग अद्भुत च कि इख तक की स्वर्गदूत भि उत्सुकता ल यूं बातों तैं हूंदी दिखणां छिनी।

1 पतरस 3:22

अर उ स्वर्ग मा चलि गै। अब उ उख पिता परमेश्वर का दैंणा तरपां सबसे बड़ी जगह पर च, अर उ सैरा स्वर्गदूतों अर सैरा अधिकारियों अर सामर्थ पर राज्य करद जौं मा अधिकार अर शक्ति छिनी।