इफिसुस 2:15 - गढवली नयो नियम

¹⁵ सूली पर मसीह कि मृत्यु का कारण, वेल मूसा कि व्यवस्था की पूरी रीति तैं खत्म कैरी दींनि। इन कन मा मसीह कु लक्ष्य द्वी अलग-अलग झुण्ड बट्टी एक नयो झुण्ड बनांणु कु छों जु वे बट्टी जुड़यूं छों,

इफिसुस 2:15 ပူးပေါင်းရင်းမြစ်များ

2 कुरिन्थि 5:17

इलै, जु कुई मसीह पर विश्वास करद त वेको एक नयो अस्तित्व च; पुरणो स्वभाव बीत गै; देखा, उ सभि नयो हवे गै।

गलातियों 3:10

मतलब जथग लोग मूसा द्वारा लिखीं परमेश्वर की व्यवस्था का कामों पर भरोसो रखदींनि, उ पिता परमेश्वर का श्राप का अधीन छिनी, किलैकि पिता परमेश्वर का वचन मा लिख्युं च, “जु कुई मूसा द्वारा लिखीं परमेश्वर की व्यवस्था कि किताब (चाम्रपत्र) मा लिख्यां सभि बातों तैं कन मा स्थिर नि रौंदो, ऊं पर पिता परमेश्वर कु दंड च।”

गलातियों 3:28

मसीह मा, अब न त कुई यहूदी च अर न (यूनानी) अन्यजाति च, न त कुई गुलाम च, अर न आजाद, अर न कुई आदिम च अर न जनन, किलैकि तुम सभि यीशु मसीह मा एक छा।

गलातियों 6:15

किलैकि खतना करौंण अर खतना नि करौंण जरूरी नि च, पर पिता परमेश्वर का पवित्र आत्मा का कामों का द्वारा एक नयो जीवन ज्यूंण जरूरी च।

इफिसुस 2:10

किलैकि हम तैं परमेश्वर ल बंणै गै; अर मसीह यीशु मा भला काम कनु कु हम तैं नया लुखुं का रूप मा बंणै जै तैं पिता परमेश्वर ल पैली ही बट्टी हम कु तैयार कैरी।

इफिसुस 2:14

मसीह ल अफ ही हमारा बीच शान्ति स्थापित कैरी। पिछला बगत मा उ इन छा, एक दीवार ल यहूदियों अर अन्यजातियों तैं अलग कैरी दये छों, उ एक दुसरा बट्टी नफरत करदा छा, पर मसीह ल वीं दीवार तैं गिरै द्यां अर द्वी झुण्ड तैं एक कैरी दये।

इफिसुस 2:16

अर सूली पर अपड़ा मृत्यु का द्वारा, मसीह ल द्वी झुण्ड तैं एक कैरी अर ऊंको मेल पिता परमेश्वर बट्टी करद्यां, इलै मसीह ल यहूदियों अर अन्यजातियों का बीच बैर तैं खत्म कैरी दये।

इफिसुस 4:16

जनकै एक मनिख की देह वेका हरेक जोड़ का द्वारा एक दगड़ी जुड़यां रौदींनि अर देह कु हरेक अंग अच्छी ढंग काम करदु त देह बडद अर मजबूत हूंदी; वे जन जब हम मा हरेक वे काम तैं करदु जु मसीह ल हम तैं दियुं च त हम मजबूत बणुला अर एक दुसरा बट्टी अर जादा प्रेम करुला।

कुलुसी 2:14

यु इन छो जन पिता परमेश्वर ल हमारा पापों का दोषपत्र तैं मिटै येले, ज्यांमा हमारा खिलाफ भंगार लिख्यां छा, जब मसीह सूली पर चढ़ै गै तब वेल वे दोषपत्र तैं पूरो हटै दींनि।

कुलुसी 2:20

किलैकि तुम्हरो पापमय स्वभाव मसीह का दगड़ा मोरि गै, इलै अब तुम तैं ईं दुनिया का ज्ञान अर बेकार की बातों तैं मनणै की जरूरत नि च। त फिर तुम किलै अभि भि यूं शिक्षाओं कु पालन करदा, जन कि अभि भि दुनिया तुम तैं नियंत्रित कनी हो?

कुलुसी 3:10

अर अब तुम नया आदिम बंणि ग्यां यु नयो स्वभाव अपड़ा सृजनहार पिता परमेश्वर का जन जादा से जादा बणदी जांद कि तुम वे तैं और अनुके जांणि सकला।

कुलुसी 3:11

इलै अब न त कुई यूनानी अन्यजाति रै, न यहूदि, न खतना कन वलो, अर न उ जै को खतना नि हुयुं हो, न जंगली, न असभ्य, अर न गुलाम, अर न स्वतंत्र, पर मसीह ही सब मा महान च, अर उ अपड़ा सभि लुखुं मा रौंदो।

कुलुसी 3:15

उ शान्ति जु मसीह दींद तुमारा मनों मा राज्य कैर, किलैकि तुम सभि एक ही देह का अंग छा अर इलै तुम तैं एक दुसरा का दगड़ा शान्ति अर हमेशा पिता परमेश्वर कु धन्यवाद करदी रावा ज्यांकु तुम बुलयां ग्यां छा।

इब्रानी 7:16

यीशु कै विशेष मनिख मतलब लेवी कु वंशज हूंणु कु या व्यवस्था अर विधियों का कारण याजक नि बंणि, पर उ अपड़ा जीवन का सामर्थ का कारण याजक बंणि गै जु कभी खत्म नि होला।

इब्रानी 8:13

पिता परमेश्वर ल यु तैं एक नई प्रतिज्ञा बोलि, इलै वेल पैली वाचा तैं पुरणों कैरी; अर जु कुछ भि पुरणों छो अर घिसयूँ-पिटयूँ छो उ लुप्त हूंणु कु तैयार च।

इब्रानी 9:23

इलै यु जरूरी छो कि मिलाप वला तम्बू अर वेमा की सभि चीजों तैं विधि का अनुसार शुद्ध कनु कु पशुबलि दिए जौं अर यु स्वर्ग की चीजों की नकल च; पर स्वर्ग मा कि ऊं चीजों तैं विधि अनुसार साफ कनु कु, जानवरों का ल्वे बट्टी जादा बढ़िया बलिदान की जरूरत छै।