इफिसुस 2:14 - गढवली नयो नियम

¹⁴ मसीह ल अफ ही हमारा बीच शान्ति स्थापित कैरी। पिछला बगत मा उ इन छा, एक दीवार ल यहूदियों अर अन्यजातियों तैं अलग कैरी दये छों, उ एक दुसरा बट्टी नफरत करदा छा, पर मसीह ल वीं दीवार तैं गिरै द्यां अर द्वी झुण्ड तैं एक कैरी दये।

Garhwali

^14-15 यीशु मसीह ही च, जु हमतै एक करदु। अर वेन ही हमरि खातिर खुद तैं दे दिनी, अर अपणी मौत का द्‍वारा वेन हम सब लोगु तैं नियम-कानूनों मा लिखीं आज्ञाओं को पालन करण से आजाद कैरियाली, अर ऊं नियमों तैं रद्‍द कैर दिनी। अर वेन ही यहूदी अर जु लोग यहूदी जाति का नि छिन, ऊंका बीच नफरत की दिवाल तैं ढौलीयालि। इलै हम यहूदी लोग तुमरा दगड़ा मा छां, तुम जु यहूदी जाति का नि छाँ वेन हमतै एकजुट कैरी, ताकि हम सब वेका दगड़ा मा मिल्यां रा।

इफिसुस 2:14 ပူးပေါင်းရင်းမြစ်များ

लूका 1:79

अंधेरा मा (पाप मा जींण वलो) अर मृत्यु का छाला (अनन्त मृत्यु कु खतरा मा च) मा बैठण वलो पर उज्यलो दींणु कु यु उज्यलो हम वे तैं जीवन मा मार्गदर्शन करदो, जु हम परमेश्वर का दगड़ी शान्ति प्राप्त करदा छा।

लूका 2:14

सबसे ऊंचो, “स्वर्ग मा परमेश्वर की बड़ै अर धरती मा ऊं मनिख्युं मा जौं बट्टी उ खुश च शान्ति हो।”

यूहन्ना 10:16

मेरा और भि ढिबरा छिन जु यु ढिबरा गोठ मा नि छिन। मि ऊं तैं भि लौण जरूरी च उ मेरू शब्द पैछणदींनि तब एक ही झुण्ड अर एक कि चरवाहा होलो।

यूहन्ना 11:52

पर भस वे कु ही नि उ परमेश्वर की अन्य सन्तानों कु भि मुरलि जु यु धरती मा बिखरयां छिन कि ऊं तैं कठ्ठा कैर साका।

यूहन्ना 16:33

मिल यु बात तुम मा इलै बोलि कि तुम तैं मेरा कारण शान्ति मिलो; दुनिया मा तुम तैं क्लेश हूंद, पर ढाडस बांधा, मिल ये दुनिया मा राज्य कन वला का मथि जीति हासिल कैरेले।”

खास चेलों 10:28

अर बुल्ण लगि गै, “तुम जंणदा छा कि यहूदियों कु कुई अन्य-जाति का दगड़ी रिश्ता रखण या ऊंका घौर मा जांण मना च यूं हम यहूदी लुखुं का कानून का खिलाफ च, पर पिता परमेश्वर ल मि तैं बतै कि मि कै आदिम तैं अशुद्ध नि बोलु।

खास चेलों 10:36

तुम तैं यु सन्देश पता च, जु पिता परमेश्वर ल हम कु मतलब इस्राएलियों तैं दीं च; वेल शान्ति का बारा मा शुभ सन्देश प्रचार सुणै जु लुखुं तैं यीशु मसीह पर विश्वास कना का द्वारा मिल सकदी च; उ सभि लुखुं कु प्रभु च।

रोमियों 5:1

इलै हम विश्वास ल धर्मी ठैरा, किलैकि जु प्रभु यीशु मसीह ल हम कु कैरी, वेका द्वारा हम पिता परमेश्वर का दगड़ी शान्ति मा रां,

गलातियों 3:28

मसीह मा, अब न त कुई यहूदी च अर न (यूनानी) अन्यजाति च, न त कुई गुलाम च, अर न आजाद, अर न कुई आदिम च अर न जनन, किलैकि तुम सभि यीशु मसीह मा एक छा।

इफिसुस 2:15

सूली पर मसीह कि मृत्यु का कारण, वेल मूसा कि व्यवस्था की पूरी रीति तैं खत्म कैरी दींनि। इन कन मा मसीह कु लक्ष्य द्वी अलग-अलग झुण्ड बट्टी एक नयो झुण्ड बनांणु कु छों जु वे बट्टी जुड़यूं छों,

इफिसुस 2:17

अर मसीह ल ऐ के तुम अन्यजातियों तैं, जु पिता परमेश्वर बट्टी दूर छा, अर यहूदियों तैं जु नजदीक छा मेल मिलाप अर शान्ति कु शुभ सन्देश प्रचार सुंणै।

इफिसुस 3:15

पिता परमेश्वर वीं च जु स्वर्ग अर धरती पर, हरेक कुटम्ब कु अस्तित्व हूंणो कु कारण बणद,

इफिसुस 4:16

जनकै एक मनिख की देह वेका हरेक जोड़ का द्वारा एक दगड़ी जुड़यां रौदींनि अर देह कु हरेक अंग अच्छी ढंग काम करदु त देह बडद अर मजबूत हूंदी; वे जन जब हम मा हरेक वे काम तैं करदु जु मसीह ल हम तैं दियुं च त हम मजबूत बणुला अर एक दुसरा बट्टी अर जादा प्रेम करुला।

कुलुसी 1:20

पिता परमेश्वर ल अपड़ा नौंना हमारा प्रभु यीशु तैं भेजि, जैल सूली पर मोरि के अपड़ो ल्वे बुगै। पिता परमेश्वर अपड़ा अर उ सब चीजों को अफ दगड़ी मेल मिलाप करवै, चै उ चीज धरती पर कि हो या चै आसमान पर कि हो।

कुलुसी 2:20

किलैकि तुम्हरो पापमय स्वभाव मसीह का दगड़ा मोरि गै, इलै अब तुम तैं ईं दुनिया का ज्ञान अर बेकार की बातों तैं मनणै की जरूरत नि च। त फिर तुम किलै अभि भि यूं शिक्षाओं कु पालन करदा, जन कि अभि भि दुनिया तुम तैं नियंत्रित कनी हो?

कुलुसी 3:11

इलै अब न त कुई यूनानी अन्यजाति रै, न यहूदि, न खतना कन वलो, अर न उ जै को खतना नि हुयुं हो, न जंगली, न असभ्य, अर न गुलाम, अर न स्वतंत्र, पर मसीह ही सब मा महान च, अर उ अपड़ा सभि लुखुं मा रौंदो।

कुलुसी 3:15

उ शान्ति जु मसीह दींद तुमारा मनों मा राज्य कैर, किलैकि तुम सभि एक ही देह का अंग छा अर इलै तुम तैं एक दुसरा का दगड़ा शान्ति अर हमेशा पिता परमेश्वर कु धन्यवाद करदी रावा ज्यांकु तुम बुलयां ग्यां छा।

इब्रानी 13:20

अर अब, शान्ति दींणवलों पिता परमेश्वर, जु हमारा प्रभु यीशु तैं मुर्दों मा बट्टी फिर ज्यूँदो कैरी के ले ऐ, तुम तैं ऊं सभि चीजों बट्टी पूरो कैरो ज्यांकी तुम तैं वेकी इच्छा पूरी कनै की जरूरत च; यीशु मसीह का ल्वे का सामर्थ का द्वारा उ तुम मा उ सभि पैदा कैरो जु वे तैं खुश करदो; यीशु हमेशा की वाचा का द्वारा ढिबरों कु एक महान चरवाहा बंणि गै, जैका द्वारा हमेशा की नई प्रतिज्ञा पर मोहर लगै जांद; वेकी महिमा हमेशा-हमेशा तक हूंदी रौ। आमीन।