इफिसुस 1:9 - गढवली नयो नियम9 पिता परमेश्वर ल उ ही कैरी, जु वेको गुप्त मा रख्युं छो, अर वे गुप्त योजना का बारा मा बतै जु वेल पैली बट्टी ही मसीह का द्वारा पूरो कनु कु फैसला कैरी छो। အခန်းကိုကြည့်ပါ။Garhwali9 अर पिता परमेस्वर न हमतै अपणी छिपी मनसा का बारा मा बतै, अर ईं बात से खुश ह्वे कि उ यीशु मसीह का द्वारा अपणी इच्छा तैं पूरि करलु। အခန်းကိုကြည့်ပါ။ |
इफिसुस 1:9
28 ပူးပေါင်းရင်းမြစ်များ
हे विश्वासी भयों, कखि इन नि हो कि तुम अपड़ा आप तैं भौत बुद्धिमान समझी ल्यां। इलै कि मि तुम लुखुं पर यु भेद प्रगट कन चांणु छों, कि यु सच च कि भौत सा इस्राएल का लोग विश्वास कनु कु तैयार नि छिनी, बल्कि परमेश्वर पर विश्वास कन वला अन्यजाति लुखुं की गिणती पूरी हवे जाली, त इस्राएल का लोग विश्वास करला अर परमेश्वर मा वापिस ऐ जाला, तब तक इस्राएल कु एक हिस्सा इन ही कठोर रालो।
मि इन इलै बुल्णु छों, किलैकि पिता परमेश्वर ल समझदारी का दगड़ी यु निर्णय लये कि ई दुनिया का लोग अपड़ी काबलियत ल वे तैं जनण मा सक्षम नि छिनी। इलै पिता परमेश्वर ल ऊं लुखुं तैं बचौणु कु जु हमारा द्वारा प्रचार किये गै शुभ संदेश तैं मणदींनि, अर जु लोग यु नि मणदींनि उ बुल्दींनि कि हमारा उपदेश कु कुई फैदा नि च।
पर तब पिता परमेश्वर ल फैसला कैरी कि अपड़ा नौंना तैं मि पर प्रकट कैरो कि मि अन्यजाति लुखुं का बीच मा यीशु का बारा मा शुभ सन्देश प्रचार कैर साको। पिता परमेश्वर ही च जैल मि तैं मेरा पैदा हूंण से पैली ही चुणि, अर अपड़ा दया का कारण वेल मि तैं वेकी सेवा कनु कु बुलै। जब परमेश्वर ल अपड़ा नौंना तैं मि पर प्रकट कैरी, तब मि सलाह लींणु कु कै मा नि गौ।
यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।
ကြော်ငြာတွေ