इफिसुस 1:5 - गढवली नयो नियम

⁵ किलैकि परमेश्वर ल हम बट्टी प्रेम कैरी वेल पैली बट्टी यु फैसला लियेले छों, कि यीशु मसीह का द्वारा किये गै कामों का कारण हम तैं अपड़ी खुद कि सन्तान बंणै दयालो, पिता परमेश्वर ल इन अपड़ी ही इच्छा अर आनन्द का अनुसार कैरी

Garhwali

⁵ अर अपणी भली मनसा का मुताबिक जन पिता परमेस्वर न ठाणि छौ, वेन हम से प्यार कैरी। अर हमतै यीशु मसीह का द्‍वारा गोद लिनी, ताकि हम वेकी औलाद बणि जां।

इफिसुस 1:5 ပူးပေါင်းရင်းမြစ်များ

मत्ती 1:25

अर जब तक वीं ल नौंना तैं जन्म नि दींनि तब तक ब्यो कु कुई सम्बंध नि रखि “अर यूसुफ ल वे नौंना कु नौं यीशु रखि।”

मत्ती 11:26

हाँ, बुबा जी त्वे तैं यु ही खूब लगि।

लूका 10:21

वीं बगत यीशु पवित्र आत्मा मा हवे के खुशी से भरि गै अर बोलि, “हे पिता आसमान अर धरती का प्रभु मि तेरु धन्यवाद करदु कि तिल यूं बातों तैं ज्ञानियों अर समझदार बट्टी छिपै के रखि अर बालकों पर प्रगट कैरी हां, हे पिता किलैकि त्वे तैं यु ही अच्छो लगि।”

लूका 11:32

नीनवे का लुखुं का न्याय का दिन यु बगत का लुखुं दगड़ी खड़ा हवे के ऊं तैं भंगारी ठैराला किलैकि ऊंल त योना कु प्रचार सूंणि के मन फिरै अर देखा इख उ च जु योना से भि बड़ो च।

लूका 12:32

तुम मेरी देखभाल मा ढिबरों का जन छा इलै के भि बात का बारा मा नि डैरा, किलैकि तुमारा पिता परमेश्वर तैं यांकि खुशी च, की तुम तैं राज्य द्यो।

यूहन्ना 1:12

पर जथगो ल वे तैं स्वीकार कैरी वेल ऊं तैं परमेश्वर कि सन्तान हूंणो कु अधिकार दींनि मतलब ऊं तैं जु वे पर विश्वास करदींनि।

यूहन्ना 11:52

पर भस वे कु ही नि उ परमेश्वर की अन्य सन्तानों कु भि मुरलि जु यु धरती मा बिखरयां छिन कि ऊं तैं कठ्ठा कैर साका।

यूहन्ना 20:17

यीशु ल वीं कु बोलि, मेरा खुट्टों मा लिपटै कै मि तैं नि रोक किलैकि मि अब तक बुबा मा मथि नि गौं पर विश्वासी भयों मा बोलि दे कि मि अपड़ा बुबा अर तुमारा बुबा अर अपड़ा परमेश्वर अर तुमारा परमेश्वर मा मथि जांणु छौं।

खास चेलों 13:48

यु सूंणि के अन्यजाति लोग भौत खुश हवीनि, अर पिता परमेश्वर का वचन की बड़ै कन लगि गैनी, अर जथग अनन्त जीवन कु ठैरिनि, ऊंल विश्वास कैरी।

रोमियों 8:23

अर उ भस दुनिया ही न जु कि कणांणी च, न पर हम भि, जै मा हूंण वली बडै का पैली बट्टी स्वाद चखण का रूप मा पवित्र आत्मा कु निवास च, अफी अपड़ा मा कणांणी च; हम भि वे दिन कु उत्सुकता का दगड़ी जग्वाल कना छा जब परमेश्वर हम तैं अपड़ा गोद लियां बच्चों का रूप मा हम तैं पूरो हक दयालो, मतलब की अपड़ा देह का छुटकारा की जग्वाल कना छा।

1 कुरिन्थि 1:1

मि पौलुस ईं चिट्टी तैं लिखणु छों, जु पिता परमेश्वर कि मनसा से यीशु मसीह का प्रेरित हूंणु कु बुलै गै, मि इख अपड़ा विश्वासी भैय सोस्थिनेस का दगड़ा मा छों।

1 कुरिन्थि 1:21

मि इन इलै बुल्णु छों, किलैकि पिता परमेश्वर ल समझदारी का दगड़ी यु निर्णय लये कि ई दुनिया का लोग अपड़ी काबलियत ल वे तैं जनण मा सक्षम नि छिनी। इलै पिता परमेश्वर ल ऊं लुखुं तैं बचौणु कु जु हमारा द्वारा प्रचार किये गै शुभ संदेश तैं मणदींनि, अर जु लोग यु नि मणदींनि उ बुल्दींनि कि हमारा उपदेश कु कुई फैदा नि च।

2 कुरिन्थि 6:18

अर तुम्हरो पिता हुलु, अर तुम मेरा नौंना अर नौंनि हवेला; यु सर्वशक्तिमान प्रभु परमेश्वर कु वचन च।”

गलातियों 3:26

जब तुम तैं मसीह का नौं बट्टी बपतिस्मा दिये गै, त तुम ल मसीह मा नयो जीवन तैं पैरी, जन एक आदिम नया कपड़ोंं तैं पैरदो। इलै, तुम सभि पिता परमेश्वर की संतान बंणि ग्यां जब तुम ल यीशु मसीह पर विश्वास कैरी।

इफिसुस 1:11

परमेश्वर ल हम यहूदियों तैं भि मसीह का दगड़ी जोड़ि कै अपड़ा लोग हूंणो कु चुणयेली किलैकि शुरू बट्टी ऊंकी या ही योजना छै, उ सब कुछ अपड़ी योजना का अनुसार करदु च।

इफिसुस 1:9

पिता परमेश्वर ल उ ही कैरी, जु वेको गुप्त मा रख्युं छो, अर वे गुप्त योजना का बारा मा बतै जु वेल पैली बट्टी ही मसीह का द्वारा पूरो कनु कु फैसला कैरी छो।

फिलिप्पी 2:13

किलैकि परमेश्वर ही च, जु तुम्हरा भितर काम कनु च, अर तुम तैं उ कनै की इच्छाशक्ति दयूंणु च, ज्यां बट्टी वे तैं खुशी मिलदी।

कुलुसी 1:19

किलैकि पिता परमेश्वर कि खुशी ईं बात मा च कि वेकी सैरी परिपूर्णता यीशु मसीह मा हो।

2 थिस्सलुनीकी 1:11

इलै हम तुम कु सदनी प्रार्थना भि करदां, कि हमारो पिता परमेश्वर तुम तैं वे जीवन का लैक बणै द्यो जै तैं जींणु कु पिता परमेश्वर ल तुम तैं बुलै भि च। उ अपड़ी सामर्थ का द्वारा तुम्हरो मार्गदर्शन करो कि तुम्हरी सभि भली मनसा पूरी हों अर जु कुछ भि तुम विश्वास बट्टी करदां उ पूरो हो,

इब्रानी 2:4

पिता परमेश्वर ल भि अद्भुत कामों, बड़ा-बड़ा चिन्हों, कई प्रकार का चमत्कारों का द्वारा अर पवित्र आत्मा का द्वारा लुखुं तैं वरदान दे कि यु तैं साबित कैरी, ठिक उन ही जन की पिता परमेश्वर चांदु च।

1 यूहन्ना 3:1

सोचा त सै कि, पिता परमेश्वर ल हम बट्टी भौत प्रेम कैरी, कि हम पिता परमेश्वर की संतान कहलौंदियां, हकीकत मा हम वेकी सन्तान छैं भि छा। ईं दुनिया का लोग यु नि जणदींनि कि हम पिता परमेश्वर की संतान छा, किलैकि दुनिया का लोग पिता परमेश्वर तैं नि जणदींनि।

दिब्य दरस 21:7

जु जय पालो, उ मि बट्टी यूं सभि आशीषों तैं पालो; अर मि वेको पिता परमेश्वर हुलु, अर उ मेरू नौंनो होलो।