कुलुसी 4:18 - गढवली नयो नियम

¹⁸ मि पौलुस अपड़ा हथ ल प्रणाम लिखणु छौं। याद रखयां मि कैद मा छों अर मि कु प्रार्थना करयां की पिता परमेश्वर की कृपा तुम पर हूंणी रौ। आमीन।

Garhwali

¹⁸ अर मि पौलुस जु कि इख बेड़ियों मा बन्धयूं छौं खुद अपणा हाथळ तुम खुणि सलाम लिखणु छौं, तुम मितैं अपणी प्रार्थनाओं मा याद रख्यां। अर मि इन प्रार्थना करदु कि प्रभु की किरपा तुम पर होणी रौ। आमीन।

कुलुसी 4:18 ပူးပေါင်းရင်းမြစ်များ

रोमियों 16:20

शान्ति कु पिता परमेश्वर शैतान की शक्तियों तैं नाश कैरी कै वे तैं तुम्हरा अधीन कैरी दयालो। हमारा प्रभु यीशु मसीह की कृपा तुम पर हूंणी रौ।

रोमियों 16:22

मि तिरतियुस जु पौलुस कु ईं चिट्ठी तैं लिखणु छौं तुम सभियूं तैं प्रणाम लिखणु छौं।

रोमियों 16:23

गयुस जै दगड़ी मि रौंणु छो, उ भि तुम कु प्रणाम बुल्णु च। सैरी मण्डलि ऊंका घौर मा इख मिलदी। इरास्तुस जु यु शहर को खजांचि च अर क्वारतुस हमारो भैय भि तुम कु प्रणाम बुल्णु च।

1 कुरिन्थि 16:21

मि, पौलुस यह प्रणाम अपड़ी चिठ्ठी मा अपड़ा हाथ ल लिखणु छों;

2 कुरिन्थि 13:14

प्रभु यीशु मसीह की कृपा अर पिता परमेश्वर कु प्रेम अर पवित्र आत्मा की सहभागिता तुम सभियूं का दगड़ी हूंदी रौ।

फिलिप्पी 1:7

यु ठिक च कि मि तुम सभियूं कु इन ही विचार कैर, किलैकि मि तुम बट्टी भौत प्रेम करदु, जब की मि एक बंधि छों अर शुभ सन्देश कु जवाब प्रमाण दींण मा तुम सभि भि पिता परमेश्वर कि कृपा मा मि दगड़ी छा।

कुलुसी 4:3

अर यांका दगड़ा-दगड़ी हम कु भि प्रार्थना करदी रावा, कि पिता परमेश्वर हम कु वचन सुणौणु कु इन मौका द्या, कि हम मसीह का वे भेद कु बखान कैरी साका, जै कु प्रचार मिल कैरी अर वे कारण मि कैद मा छौं।

2 थिस्सलुनीकी 3:17

मि पौलुस अपड़ा हथ से प्रणाम लिखणु छौं। मि अपड़ी सभि चिठ्ठियूं का आखिर मा इन ही लिखदु, कि सभियूं तैं पता चलि जै कि य चिठ्ठी मेरी ही लिखीं च।

1 तीमुथियुस 6:21

कथग ही लुखुं ल यु झूठा ज्ञान तैं अपणैयले, अर उ विश्वास बट्टी भटकि गैनी, मि प्रार्थना करदु कि पिता परमेश्वर की कृपा तुम सब पर बंणि रौ।

2 तीमुथियुस 1:8

इलै तु हमारा प्रभु की गव्है दींण मा शर्मिन्दा नि हो, अर इलै भि शर्मिंदा नि हो कि मि वेकी सेवा कना का कारण कैद मा छो। बल्कि त्वे तैं वीं सामर्थ को इस्तेमाल कन चयणु च जु पिता परमेश्वर त्वे तैं दींद अर शुभ सन्देश कु मेरा दुखों मा मेरू दगड़ी दे।

2 तीमुथियुस 4:22

मि प्रार्थना करदु की पिता परमेश्वर त्वे दगड़ी हो, अर वेकी कृपा भि त्वे पर हूंणी रौ।

तीतुस 3:15

मि दगड़ी इख का सभि विश्वासी जु विश्वास का कारण हम बट्टी प्रेम करदींनि त्वे तैं प्रणाम बुल्णा छिनी, मि प्रार्थना करदु की प्रभु तुम सभियूं पर कृपा कैरो।

इब्रानी 13:25

मि प्रार्थना करदु कि, पिता परमेश्वर की कृपा तुम सभियूं पर हूंदी रौ। आमीन।

इब्रानी 13:3

कैदियों की इन सुध ल्या, कि मांणा ऊं दगड़ी तुम भि कैद मा हो; अर जु सतयां लोग छिनी, ऊंकी भि यु समझी के सुध लिया कैरा, जन कि तुम अपड़ा देह मा ही ऊंका दर्द तैं महसूस कना हो।