कुलुसी 3:25 - गढवली नयो नियम

²⁵ किलैकि जु कुई बुरै कनु ही रौंदा, त पिता परमेश्वर वे तैं दंड दयालो, किलैकि पिता परमेश्वर कै को भि पक्षपात नि करद।

Garhwali

²⁵ इलै सुणा, जु कुई बुरै करदु उ अपणी बुरै को बदला पालु, किलैकि प्रभु कै का दगड़ा मा भि भेदभाव नि करदु।

कुलुसी 3:25 ပူးပေါင်းရင်းမြစ်များ

मत्ती 16:27

जब मि मनिख कु नौंनो अपड़ा स्वर्गदूतों का दगड़ी अपड़ा बुबा कि महिमा मा आलो वे बगत उ हर एक तैं वेका कामों का अनुसार प्रतिफल दयालो।

लूका 20:21

“हे गुरु हम जंणदा छा कि तुम हमेशा सच बुल्दियां अर कै से नि डरदयां की लोग क्य सुचला किलैकि तु सभियूं तैं समान आदर से चाहे उ कुई भि हो बरतौ करदी अर परमेश्वर कु बाटु सचै से बतौंदयां?”

खास चेलों 10:34

तब पतरस ल बोलि, “अब मेरी समझ मा ऐ गै कि पिता परमेश्वर कै दगड़ी भि भेद-भाव नि करद।

रोमियों 2:11

किलैकि “पिता परमेश्वर सभि लुखुं कु न्याय एक समान बरतौ से करदो।”

2 कुरिन्थि 5:10

किलैकि जरूरी च, कि हम सभियूं कु मसीह का द्वारा न्याय आसण पर बैठण का द्वारा न्याय किये जौं, कि हर एक आदिम अपड़ा-अपड़ा भला बुरा कामों का बदला जु वेल देह का द्वारा कैरी हूंनु, पौ।

इफिसुस 6:8

किलैकि तुम जंणदा छा, कि जु कुई जन अच्छा काम करलो, चाहे दास हो, चाहे स्वतंत्र आदिम हो, त प्रभु बट्टी वेको प्रतिफल पालो।

इफिसुस 6:9

ईं रीति बट्टी च स्वामियों, तुम तैं ऊं तैं धमकी नि दींण चयणी च, बल्कि तुम तैं अपड़ा सेवकों का दगड़ी वे ही रीति ल बरतौ कन चयणु च, जन मिल ऊं बट्टी बोलि छों, कि उ तुम दगड़ी बरतौ कैरा, किलैकि तुम जंणदा छा, कि ऊंको अर तुमारो दुयूं कु स्वामि स्वर्ग मा च, अर उ कैकी तरफदरी नि करदु।

कुलुसी 4:1

हे स्वामियों, स्वर्ग मा तुमारो भि एक स्वामी च, इन समझै के, अपड़ा-अपड़ा सेवकों का दगड़ी न्याय अर एक समान बरतौ कैरा।

1 थिस्सलुनीकी 4:6

कि ईं कै कुई भि अपड़ा विश्वासी भैय का विरोध मा पाप नि करो, किलैकि प्रभु यीशु ऊं तैं दण्ड दयालो जु इन सभि कामों तैं करदींनि; जन कि हम ल पैली तुम मा बोलि छो, अर चितै भि छो।

2 थिस्सलुनीकी 1:6

किलैकि पिता परमेश्वर हमेशा धार्मिकता ल न्याय करद जु तुम तैं दुःख क्लेश दींदिनि पिता परमेश्वर ऊं तैं भि वांका बदला मा दुःख अर क्लेश दयालो।

फिलेमोन 1:18

अर वेल तेरु कुछ नुकसान कैरी हो, या उ तेरी कैं भि चीज को कर्जदार हो, त वे सब तैं तु मेरा नौं पर लिखीं दे।

इब्रानी 2:2

उ व्यवस्था जैका बारा मा पिता परमेश्वर ल स्वर्गदूतों का द्वारा बोलि वे तैं सच दिखै गै, अर जु कुई भि वे तैं नि मंणदु, वे तैं पिता परमेश्वर दण्ड दयालो।

1 पतरस 1:17

जब तुम प्रार्थना करदा त तुम पिता परमेश्वर तैं अपड़ो पिता बुल्दा। पर याद रखा कि पिता परमेश्वर कै को पक्षपात नि करदो मतलब हर एक ल क्य-क्य कैरी। इलै जबकि तुम ईं धरती पर एक परदेशी हवे के रौंदा त तुम तैं ऊंका प्रति भौत सम्मान का दगड़ी रौंण चयणु च।

यहूदा 1:16

यु लोग जु पिता परमेश्वर की आराधना नि करदींनि अर ऊं बातों का विरुद्ध बुरा शब्दों को इस्तेमाल करदींनि जु ऊं तैं समझ मा नि आंदी; अर जब उ जंगली जानवरों का जन बरतौ करदींनि अर जौं कामों तैं उ जंणदा छिनी ऊं तैं उ बगैर सोच-समझी के करदींनि, त उ पिता परमेश्वर की तरपां बट्टी दण्ड भुगतला।