कुलुसी 3:24 - गढवली नयो नियम

²⁴ किलैकि तुम यु जंणदा छा, कि यांका बदला मा प्रभु तुम तैं अपड़ो उत्तराधिकारी बणालो, तुम जै स्वामी की सेवा करदा उ प्रभु मसीह ही च।

Garhwali

²⁴ किलैकि तुमतै पता च, कि येका बदला मा प्रभु तुमतै अपणी विरासत मा से द्‍यालु जैको करार वेन कैरी। अर तुम लोग हमरा प्रभु यीशु मसीह की सेवा करद्‍यां,

कुलुसी 3:24 ပူးပေါင်းရင်းမြစ်များ

मत्ती 10:41

जु परमेश्वर का तरपां बट्टी बुल्दो तैं परमेश्वर का तरपां बट्टी बुल्दो जांणि के स्वीकार कैर उ परमेश्वर का तरपां बट्टी बुल्ण वलो का समान ईनाम पालो अर जु धर्मी आदिम तैं धर्मी जांणि के स्वीकार कैर उ धर्मी को ईनाम पालो।

मत्ती 5:12

तब खुश अर मगन हुयां किलैकि तुम कु स्वर्ग मा बड़ो फल च। इलै की ऊंल ऊं परमेश्वर का तरपां बट्टी बुल्ण वलो तैं भि जु भौत बगत पैली छा इन ही सतै छो।

मत्ती 5:46

किलैकि जु तुम अपड़ा ही प्रेम रखण वलो का दगड़ी प्रेम रखा त परमेश्वर तुम तैं प्रतिफल नि दयाला किलैकि चुंगि लींण वला भि इन ही करदींनि?

मत्ती 6:16

“जब तुम उपवास कैरा त कपटि का जन तुमारा मुक पर उदासी नि छई रौ किलैकि उ अपड़ो मुक उदास बंणैके रखदींनि इलै की लोग ऊं तैं उपवासि जंणुनु अर लोग ऊकी प्रशंसा करूं मि तुम मा सच बुल्णु छौं कि उ अपड़ो प्रतिफल पै चुकि गैनी।”

मत्ती 6:5

जब तु पिता परमेश्वर बट्टी प्रार्थना कैर त कपटि का समान नि हो किलैकि लोग ऊं तैं देखि अर ऊंकी प्रशंसा कैरा इन ही यहूदियों का मिलणा का भवन मा अर सड़कों का मोडो पर खड़ो हवे के ऊं तैं परमेश्वर बट्टी प्रार्थना कन अच्छो लगदु, मि तुम मा सच बुल्ण छौं कि उ अपड़ो प्रतिफल पै चुकि गैनी।

लूका 14:14

तब तु धन्य हवे जैलि किलैकि ऊंमा त्वे तैं लौटाणु कु कुछ नि च, पर त्वे तैं जब धर्मी लुखुं कु ज्यून्दो हूंण होलो तब परमेश्वर तुम तैं प्रतिफल दयालो।

लूका 6:35

पर अपड़ा बैरियों बट्टी प्रेम रखा अर भलै कैरा अर फिर पौणे की आस नि रखि के उधार दियां अर तुम कु बड़ो प्रतिफल होलो जनके तुम अपड़ा स्वर्गीय पिता परमेश्वर कि संतान ठैरिल्या किलैकि उ ऊंकु भि जु धन्यवाद नि करदींनि अर बुरा लुखुं कु भि दयालु च।

यूहन्ना 12:26

जु कुई मेरी सेवा कैर, त उ मेरा चेला बण मेरा पिछनैं चलो, तब जख मि छों उख मेरा सेवक भि होलो जु कुई मेरी सेवा करद, त बुबा वेको आदर करलो।

खास चेलों 20:32

अर अब मि तुम तैं परमेश्वर अर वेकी कृपा का वचन तैं सौंपी दींदो; जु तुम तैं विश्वास मा मजबूत कैरी सकद, अर परमेश्वर तुम तैं उ विरासत दयालो जै तैं दींणो को वादा वेल ऊं सभि लुखुं बट्टी करयूं च जु वेका द्वारा पवित्र किये गैनी।

रोमियों 1:1

या चिट्ठी पौलुस कि तरपां बट्टी जु यीशु मसीह को सेवक च, अर जु परमेश्वर कि तरपां बट्टी प्रेरित हूंणु कु चुणै गै, अर परमेश्वर कु शुभ सन्देश प्रचार कनु कु भिजै गै।

रोमियों 14:18

जु कुई यु ढंग से मसीह की सेवा करद, उ पिता परमेश्वर तैं खुश करद अर लोग भि वेका बारा मा अच्छो बुल्दींनि।

1 कुरिन्थि 11:23

किलैकि जु शिक्षा मिल तुम तैं द्ये छै, उ ही शिक्षा च जु मि तैं प्रभु बट्टी मिली; कि प्रभु यीशु जीं राती पकड़वै गै, त वेल रुठी लींनि,

1 कुरिन्थि 3:8

मिल तुम तैं शुभ संदेश सुणये अर परमेश्वर का वचन तैं सिखांण शुरू कैरी, अर अपुल्लोस तुम तैं लगातार सिखांणु ही रै, पर हम द्वीयूँ कु एक ही मकसद च, कि हर एक मनिख अपड़ी ही मेहनत का अनुसार पिता परमेश्वर बट्टी ईनाम पौ।

1 कुरिन्थि 7:22

किलैकि जु दास की हालत मा पिता परमेश्वर ल चुणि अर बुलै, त उ एक आजाद आदिम का जन च किलैकि प्रभु यीशु ल वे तैं वेका पापों बट्टी मुक्त कैरेले, अर उन ही जु आजादी की दशा मा बुलै गै, उ मसीह का दास बंणि गैनी।

गलातियों 1:10

पक्का ढंग पर, मि लुखुं तैं खुश कनै की कोशिश नि कनु छों, पर मि पिता परमेश्वर तैं खुश कन चांणु छों। जु मि अभि तक मनिख्युं तैं ही खुश कनु रौं त मि मसीह कु सेवक नि हूंद।

इफिसुस 6:6

अर यु सभि दिखांणु कु पर ऊं तैं खुश कना का मकसद बट्टी न बल्कि मसीह का सेवक का जन काम कैरा, जु अपड़ा पूरा मन बट्टी उ ही करदींनि जु परमेश्वर चांदु उ कैरा,

इफिसुस 6:8

किलैकि तुम जंणदा छा, कि जु कुई जन अच्छा काम करलो, चाहे दास हो, चाहे स्वतंत्र आदिम हो, त प्रभु बट्टी वेको प्रतिफल पालो।

कुलुसी 2:18

कुई भि मनिख झूठी दीनता, अर स्वर्गदूतों की आराधना कैरी कै, तुम तैं तुम्हरी दौड़ कु प्रतिफल ल्योंणु कु भरमै नि द्यो, कखि तुम अपड़ा फल नि पै सैका। किलैकि इन मनिख दिखीं बातों मा लग्युं रौंदो अर अपड़ी शारीरिक समझ पर बेकार मा बड़ो मोन करदो।

इब्रानी 10:35

प्रभु पर यु विश्वास तैं नि हरचयां, चाहे कुछ भि हवे जौं; वे बड़ा प्रतिफल तैं याद रखा जु प्रभु तुम तैं दयालो।

इब्रानी 11:6

अर पिता परमेश्वर पर विश्वास कैरी के ही हम वे तैं खुश कैरी सकदा, किलैकि पिता परमेश्वर का संमणी आंण वला तैं वे पर विश्वास कन चयणु च, कि उ छै च; अर उ जु वे तैं सचै का दगड़ी खुजदींनि, उ, ऊं तैं ऊंको प्रतिफल दयालो।

इब्रानी 9:15

इलै ही मसीह ल लुखुं का दगड़ी जुड़ण वली एक नई प्रतिज्ञा तैं बांधि, कि उ लोग जु पिता परमेश्वर का द्वारा बुलै गै छा, ऊं अनन्त आशीषों तैं पै साका जौको वादा पिता परमेश्वर ल कैरी छो; यु इलै हवे सकद किलैकि मसीह ऊं तैं ऊंका पापों का दण्ड बट्टी छुडांणु कु मरै गै जु ऊंल पैली वाचा का अधीन रै के कैरी छो।

1 पतरस 1:4

हम ऊं महान आशीषों तैं पांणु कु अगनैं का तरपां दिखदां जु पिता परमेश्वर अपड़ा लुखुं कु रखद। वेल ऊं तैं तुम कु स्वर्ग मा रख्युं च, जख उ सड़दी नि च, या खराब नि हूंद,

2 पतरस 1:1

मि, शमौन पतरस, जु यीशु मसीह कु सेवक अर प्रेरित छो, मि तुम सभियूं कु लिखणु छो जु वे कीमती विश्वास तैं बंटदियां जु हम म च, उ विश्वास जु हमारा पिता परमेश्वर अर उद्धारकर्ता यीशु मसीह का द्वारा हम तैं दिये गै, जु हम तैं पिता परमेश्वर का दगड़ी सै ठैरांद, ऊं विश्वासी लुखुं का नौं जौनु हमारा पिता परमेश्वर अर उद्धारकर्ता यीशु मसीह की धार्मिकता ल हमारा जन कीमती विश्वास पै।

यहूदा 1:1

मि यहूदा, जु यीशु मसीह कु एक सेवक अर याकूब कु छुटो भैय तुम तैं य चिठ्ठी लिखणु छो, जै तैं पिता परमेश्वर ल अपड़ा मथि विश्वास कनु कु बुलै। हमारो पिता परमेश्वर तुम बट्टी प्रेम करद अर तुम यीशु मसीह का द्वारा सुरक्षित छा।