कुलुसी 3:23 - गढवली नयो नियम

²³ अर जु कुछ तुम करद्यां, उ पूरा मन से कैरा, इन समझी के न कि मनिख्युं कु करद्यां बल्कि इन समझी के कैरा कि प्रभु कु करद्यां।

Garhwali

²³ अर जु कुछ भि तुम करद्‍यां उ सब अपणा पूरा मन से कैरा, अर उ सब तुम इन समझि के कैरा जन कि तुम अपणा मालिकों खुणि ना, बल्किन मा प्रभु खुणि कना हो।

कुलुसी 3:23 ပူးပေါင်းရင်းမြစ်များ

मत्ती 6:16

“जब तुम उपवास कैरा त कपटि का जन तुमारा मुक पर उदासी नि छई रौ किलैकि उ अपड़ो मुक उदास बंणैके रखदींनि इलै की लोग ऊं तैं उपवासि जंणुनु अर लोग ऊकी प्रशंसा करूं मि तुम मा सच बुल्णु छौं कि उ अपड़ो प्रतिफल पै चुकि गैनी।”

रोमियों 14:6

जु कै दिन तैं मंणदु, उ यु इलै ही करदो किलैकि उ प्रभु कु समान कन चांणु च, जु मांस भि खंदींनि, उ प्रभु कु खंदींनि, किलैकि उ पिता परमेश्वर कु धन्यवाद करदींनि, जु मांस नि खंदींनि, उ प्रभु कु नि खंदींनि अर पिता परमेश्वर कु धन्यवाद करदींनि।

रोमियों 14:8

किलैकि हम ज्यूंदा छा, त प्रभु कु ज्यूंदा छा; अर जु मोरि भि जां, त प्रभु कु मुर्दा; फिर हम ज्यूंदा रां या मोरि भि जां, हम प्रभु का ही छा।

इफिसुस 5:22

हे जननों, अपड़ा स्वामि का इन अधीन रावा जन तुम प्रभु का अधीन रौंदा।

कुलुसी 3:17

जु कुछ भि तुम बुल्दा या काम करदां, उ सब प्रभु यीशु मसीह का नौं से कैरा अर वेका द्वारा पिता परमेश्वर कु धन्यवाद कैरा।

1 पतरस 1:22

किलैकि सचै को पालन कना का द्वारा तुम तैं आत्मा मा शुद्ध किये गै, अब तुम तैं अपड़ा दगड़िया विश्वासियों बट्टी ईमानदरी अर पूरा मन से प्रेम करदी रौंण चयणु च।

1 पतरस 2:13

प्रभु यीशु कु आदर कनु कु तुम तैं ऊं सभि आज्ञाओं को पालन कन चयणु च जु ईं दुनिया मा अधिकारी छिनी; मतलब, राजा जु की सबसे जरूरी अधिकारी च,

1 पतरस 2:15

किलैकि पिता परमेश्वर की य इच्छा च, कि हमारा अच्छा बरतौ का द्वारा, जु लोग पिता परमेश्वर तैं नि जणदींनि, उ अगनैं कु हम पर गलत ढंग से भंगार लगौंण की हिम्मत नि कैरा, किलैकि य बात साफ च की ऊंका झूठा भंगार सच नि च।