कुलुसी 2:3 - गढवली नयो नियम

³ उ ऊई च जु पिता परमेश्वर की बुद्धि अर ज्ञान की पहचाण कराद जु कि वे खजाना जन च जु छिपायूं च।

Garhwali

³ किलैकि वेमा ही अकल अर ज्ञान का सब खजाना छिप्यां छिन।

कुलुसी 2:3 ပူးပေါင်းရင်းမြစ်များ

मत्ती 10:26

इलै ऊं लुखुं बट्टी नि डरयां जु तुम तैं धमकी दींद उ बगत आंणु च जब सब कुछ जु ढँकुयों च उ संमणी ऐ जालो, अर जु कुछ गुप्त च उ सब तैं पता चलि जालो।

लूका 11:49

इलै परमेश्वर कि बुद्धि ल भि बोलि, कि मि ऊंमा परमेश्वर का तरपां बट्टी बुल्ण वलो अर प्रेरितों तैं भिजलु अर तुम ऊंमा बट्टी कुछ तैं मारि डलिल्या अर कथगु तैं दुःख दीला।

रोमियों 11:33

पिता परमेश्वर की दया कु धन, बुद्धि अर ज्ञान सच मा भौत महान च! कुई भि ऊंकी निर्णय की व्याख्या नि कैर सकद अर न ही कुई वेका रस्तों तैं समझी सकदो।

1 कुरिन्थि 1:24

पर जु यूं तैं पिता परमेश्वर ल बुलै, क्य यहूदी, क्य यूनानी अन्यजाति, यु ही मसीह, पिता परमेश्वर की सामर्थ अर पिता परमेश्वर कु ज्ञान च।

1 कुरिन्थि 1:30

पर पिता परमेश्वर ल तुम तैं मसीह यीशु का दगड़ी एकजुट कैरी, अर मसीह का द्वारा उ हम तैं अपड़ो ज्ञान दींद। पिता परमेश्वर हम तैं अपड़ी नजर मा धर्मी भि ठैरांद। मसीह का द्वारा हम पवित्र बणयां, अर उ हम तैं पाप बट्टी छुडांद।

इफिसुस 1:8

जन परमेश्वर ल सैरा बुद्धिमानी अर विवेक मा हम पर बहुतायत बट्टी कैरी।

कुलुसी 1:19

किलैकि पिता परमेश्वर कि खुशी ईं बात मा च कि वेकी सैरी परिपूर्णता यीशु मसीह मा हो।

कुलुसी 1:28

हम मसीह कु प्रचार कैरी कै हरेक मनिख तैं चितै दींद अर सैरा ज्ञान से हम हरेक मनिख तैं सिखौंदां, कि हम यु जांणि साका कि हर कुई मसीह मा एक पक्को विश्वासी हो जब उ पिता परमेश्वर का संमणी खड़ा हों।

कुलुसी 1:9

इलै जै दिन बट्टी हम ल यु सूंणि, त हम भि तुम कु प्रार्थना कना छा कि पिता परमेश्वर को आत्मा तुम तैं ज्ञान अर समझ द्यो कि तुम वेकी इच्छा तैं पूरा ढंग से समझी साका।

कुलुसी 3:16

मसीह का वचन तैं, अपड़ा मनों मा पूरा ढंग से बसण द्यावा, पूरा ज्ञान का दगड़ी एक हैंका तैं सिखावा अर चितांणा रावा, अपड़ा मनों मा धन्यवाद का दगड़ी पिता परमेश्वर कु भजन स्तुतिगान अर आत्मिक गीत गावा।

कुलुसी 3:3

किलैकि, तुम अपड़ा पापी स्वभाव कु मोरि ग्यां, अर तुमारो नयो जीवन मसीह का दगड़ी पिता परमेश्वर मा छिप्युं च।

2 पतरस 1:5

किलैकि तुम पिता परमेश्वर का स्वभाव मा सहभागी हूंणु कु बुलै ग्यां, तुम तैं भस मसीह पर विश्वास ही नि कन चयणु च, बल्कि तुम तैं हमेशा उ ही कनु को बड़ी कोशिश कन चयणी च जु दूसरों कु अच्छो च। अपड़ा विश्वास पर सद्गुण, अर सद्गुण पर समझ, तुम तैं न भस उ कन चयणु च जु अच्छो च, बल्कि तुम तैं इन लोग भि बनण चयणु च जु समझदारी ल बरतौ कन जंणदा छिनी।

दिब्य दरस 2:17

हर कुई जु मेरा संदेश तैं समझण चांद, वे तैं वीं बात तैं ध्यान से सुनण चयणु च जु पवित्र आत्मा मण्डलियों बट्टी बुल्द; उ लोग जु बुरै तैं हरौदींनि, मि ऊं तैं वे मन्ना बट्टी कुछ दयुलु जु छिपयूं च। मि वेमा बट्टी हर एक तैं एक सफेद ढुंगो दयुलु, जै पर एक नयो नौं लिख्युं होलो। जु आदिम वे तैं पालो, वे तैं छोड़ी के कुई भि वे नौं तैं नि जांणि सकलो।