कुलुसी 2:19 - गढवली नयो नियम

¹⁹ उ मसीह से जुड़यूं नि रौंदो जु कि सैरी देह कु मुंड च, अर जै बट्टी सैरी देह जोड़ी रांदि अर पट्ठों का द्वारा खुराक पै के अर दगड़ी जुड़ी कै पिता परमेश्वर कि तरपां बट्टी बढ़दी जांद।

Garhwali

¹⁹ किलैकि इन्द्रया लोग यीशु मसीह से जुड़यां नि रौनदिन, यीशु मसीह जु कि हमरु मुण्ड़ की तरौं च। अर हम जणदा छा कि हमरु सरील अर वेकी सब मांस-पेसियाँ अर सब जोड़ मुण्ड़ से ही जुड़यां रौनदिन, अर मुण्ड़ का द्‍वारा ही सब कुछ किये जान्दु। अर पिता परमेस्वर ही च जु कि पूरा सरील को विकास करदु।

कुलुसी 2:19 ပူးပေါင်းရင်းမြစ်များ

लूका 5:38

पर नई दाखरस नई चमड़ा कि थैलि मा भुरदिन।

यूहन्ना 17:21

कि उ सब एक छिन; जै तैं हे बुबा मि मा च, उन ही उ भि हम मा हो, इलै की यु दुनिया ल लुखुं को विश्वास कैरी, की तिल मि तैं भेजि।

खास चेलों 4:32

विश्वास कन वलो कि मण्डलि एक मनसा कि छै इख तक कि कुई भि अपड़ी धन सम्पति कु अपड़ी नि बुल्दो छो पर सब सम्पत्ति साझा की छै।

रोमियों 11:17

इस्राएल का लोग एक अच्छा जैतून डाला का फौंका का जन छिनी अर पिता अब्राहम, इसहाक अर याकूब वे डाला का जौड़ा का जन छिनी। अन्यजाति जंगली जैतून का डाला का फौंका जन च अर तुम यहूदियों बट्टी वे जन फैदा प्राप्त करदयां जन की जंगली जैतून का डाला का फौंका अच्छा जैतून का डाला बट्टी फैदा प्राप्त करदींनि।

1 कुरिन्थि 1:10

हे मेरा विश्वासी भयों, मि तुम बट्टी हमारा प्रभु यीशु मसीह का नौं बट्टी बिनती कनु छौं, कि तुम सब तैं एक दुसरा दगड़ी सहमत हूंण चयणु च, कि तुम मा फूट नि हो, पर एक ही मन हवे के एक दुसरा दगड़ी मेल-मिलाप कैरी के रा।

1 कुरिन्थि 11:3

पर मि चांदु, कि तुम यु जणिल्यो, कि हर आदिम कु मुंड मसीह च, अर एक जनन कु मुंड वेको आदिम च, अर मसीह कु मुंड पिता परमेश्वर च।

1 कुरिन्थि 3:6

मि तुम तैं पिता परमेश्वर कु वचन बतांण वलो पैली आदिम छों, इलै मि एक इन आदिम जन छों जैल बीज लगै; वेका बाद, अपुल्लोस ल तुम तैं तुम्हरा विश्वास मा मजबूत बनण मा मदद कैरी, ठिक उन ही जन कि कुई दुसरो आदिम ऊं पौधों तैं पांणी डल्द जु अब बढण लगि गैनी। पर पिता परमेश्वर ल तुम तैं नयो जीवन दींनि अर इन कै तुम आत्मिकता मा बढ़णा छा, जन पिता परमेश्वर पौधों तैं बढांद।

इफिसुस 1:22

अर पिता परमेश्वर ल सभि चीजों तैं मसीह का अधिकार का अधीन कैरी दये, अर उ वीं च, जै तैं परमेश्वर सभि विश्वास कन वलो की मण्डलि पर अगुवा का रूप मा नियुक्त करद

इफिसुस 1:23

हम विश्वासी मसीह का देह का अंगों का जन छा, मण्डलि मसीह का द्वारा भुरीं च, जु सभि जगह हरेक चीज तैं अपड़ी उपस्थिति बट्टी भोरि दींद।

इफिसुस 2:21

मसीह ही उ च जु पूरी इमारत तैं एक दगड़ी जोड़ि रखणों कु कारण च। उ परमेश्वर कु एक पवित्र मंदिर बनांणु कु अपड़ा सभि लुखुं तैं एक दगड़ी जुड़दो।

इफिसुस 4:3

यु काम मा अपड़ा सभियूं कु अच्छो कनै की कोशिश कैरा, कि तुम हमेशा मेल मिलाप मा बंणयां रावा, किलैकि तुम परमेश्वर कि आत्मा का द्वारा एक किये ग्यां छा।

इफिसुस 5:29

किलैकि कै ल भि अपड़ा देह बट्टी बैर नि रखि बल्कि वांको पालन पोषण करदु, जन मसीह मण्डलि कि देखभाल करदो, उन ही एक मनिख भि खुद कि भि देखभाल करदु।

फिलिप्पी 1:27

भस इथग कैरा कि तुमारो चाल-चलन यीशु मसीह का शुभ सन्देश का लैख हो तब चै मि तुम तैं ऐ के देखु, या फिर नि भि औं, पर तुमारा बारा मा इन ही सूंणु कि तुम एक ही मन छा, अर एक ही मनसा रखि के शुभ संदेश का विश्वास कु सदनी मेहनत करदां।

कुलुसी 1:10

हम यु प्रार्थना करदा कि तुम उन ही के जीवन जिया जन प्रभु चांदो च अर प्रभु सभि बातों मा तुम बट्टी खुश हो, अर तुमारा जीवन मा हरेक किस्मै का भला कामों का फल लगुनु अर तुम परमेश्वर की पछयांण मा बढ़दी जावा,

कुलुसी 1:18

उ ही देह यानि मण्डलि को मुंड च उ ही शुरुवात बट्टी च अर उ ही मुर्दों मा बट्टी ज्यून्दा हूंण वलो मा बट्टी पैलो च कि उ सभि बातों मा पैलो ठैरु।

कुलुसी 2:2

मि इन इलै करदु कि मि ऊं तैं तुम्हरा विश्वास मा मजबूत कन चांणु छों, अर एक दुसरा का प्रति तुम्हरो प्रेम तुम तैं कठ्ठा करलो, मि चांदु छों कि ऊं तैं पूरी हिम्मत हो किलैकि ऊं तैं पिता परमेश्वर की गुप्त योजना की पूरी समझ च, जु खुद मसीह ही च।

1 थिस्सलुनीकी 3:12

हम यु भि प्रार्थना करदां कि प्रभु इन कैरो कि, जन हम तुम बट्टी प्रेम करदा, उन ही तुम भि एक दुसरों बट्टी प्रेम कैरा अर सभि लुखुं का दगड़ा मा भौत बढ़दी जावा।

1 थिस्सलुनीकी 4:10

अर तुम सैरा मकिदुनिया प्रान्त मा रौंण वलो का सब विश्वासी भयों दगड़ी इन ही बरतौ करदां भि छा, पर हे भयों, हम तुम बट्टी बिनती कना छा, कि प्रेम का दगड़ी और भि बढ़दी जावा

2 थिस्सलुनीकी 1:3

हे विश्वासी भयों, तुमारा बारा मा हम तैं हमेशा पिता परमेश्वर कु धन्यवाद कन चयणु च, अर इन कन हम कु ठिक भि च इलै की तुम प्रभु यीशु मसीह मा लगातार जादा से जादा विश्वास करदां अर तुम सभियूं कु प्रेम आपस मा भौत ही बढ़दी जांद।

1 पतरस 3:8

अंत मा, मि तुम बट्टी बुल्णु छो, कि तुम विश्वासी बंणि के आपस मा एकजुट रवा, अर एक-दुसरा की चिन्ता किया कैरा, अर एक ही परिवार का सदस्यों का जन प्रेम कैरा, दूसरों पर दया कैरा, एक दुसरा का दगड़ी नम्र बणा।

2 पतरस 3:18

बल्कि इन कै जीवन बिता कि तुम हमारा उद्धारकर्ता यीशु मसीह का प्रति और जादा से जादा कृपा का रूप मा काम कैरी अर यु कि तुम वे तैं और जादा बढ़िया ढंग से जांण साका। पिता परमेश्वर की महिमा अब अर हमेशा तक हूंदी रौ। आमीन।