कुलुसी 2:14 - गढवली नयो नियम

¹⁴ यु इन छो जन पिता परमेश्वर ल हमारा पापों का दोषपत्र तैं मिटै येले, ज्यांमा हमारा खिलाफ भंगार लिख्यां छा, जब मसीह सूली पर चढ़ै गै तब वेल वे दोषपत्र तैं पूरो हटै दींनि।

Garhwali

¹⁴ अर जु लेख नियम का मुताबिक हमरा खिलाप मा लिख्यां छा, ऊंतैं यीशु न रद्‍द कैरी दिनी अर क्रूस पर किलों का द्‍वारा छिदै के वेन हम पर लग्यां इळजामो तैं हटै दिनी।

कुलुसी 2:14 ပူးပေါင်းရင်းမြစ်များ

लूका 1:6

अर उ द्वी परमेश्वर का संमणी धर्मी छा अर प्रभु कि सभि आज्ञा अर विधियों पर निर्दोष चलदा छा। अर ऊंकी कुई सन्तान नि छै

खास चेलों 3:19

इलै अपड़ा मन फिरावा अर परमेश्वर की तरपां वापिस लौटि के ऐ जावा कि तुमारा पाप मिटये जौनु जन कै प्रभु कि तरपां बट्टी शान्ति अर चैन का दिन औंणु,

कुलुसी 2:20

किलैकि तुम्हरो पापमय स्वभाव मसीह का दगड़ा मोरि गै, इलै अब तुम तैं ईं दुनिया का ज्ञान अर बेकार की बातों तैं मनणै की जरूरत नि च। त फिर तुम किलै अभि भि यूं शिक्षाओं कु पालन करदा, जन कि अभि भि दुनिया तुम तैं नियंत्रित कनी हो?

2 थिस्सलुनीकी 2:7

वे दुष्ट शैतान की अधर्म का भेद की सामर्थ अभि भि ईं दुनिया मा गुप्त ढंग से काम कनी च, जु कुई वे तैं रोकि सकद; अर उ लगातार वे तैं रोकि के रखलो जब तक की वे तैं रस्ता बट्टी नि हटै द्यो।

इब्रानी 7:18

इन ही कै, पैली मूसा की व्यवस्था उन ही कैरी साकी जु कन चयणु छो; अर यांकि कुई कीमत नि छै इलै या बदली द्ये गै।

इब्रानी 8:13

पिता परमेश्वर ल यु तैं एक नई प्रतिज्ञा बोलि, इलै वेल पैली वाचा तैं पुरणों कैरी; अर जु कुछ भि पुरणों छो अर घिसयूँ-पिटयूँ छो उ लुप्त हूंणु कु तैयार च।

1 पतरस 2:24

जब मसीह मोरि, त हमारा पापों का कारण सूली पर वेकी देह तैं दण्ड़ित कैरी। वेल इन इलै कैरी की हम पाप कन बंद कैरा अर धार्मिकता ल जीवन जींण शुरू कैरी द्या, अर ऊं घावों का कारण जु मसीह ल सैनी, हम खूब हवे ग्यां