कुलुसी 1:12 - गढवली नयो नियम

¹² अर पिता परमेश्वर कु धन्यवाद करदी रावा, जैल हम तैं ये लैख बणै कि हम उज्यला का राज्य मा पवित्र लुखुं का दगड़ी हकदार बणयां।

Garhwali

¹² अर पिता परमेस्वर को धन्यवाद कना रा, किलैकि वेन तुमतै उज्याळा का राज मा अपणा पवित्र लोगु का दगड़ा मा रौण अर वारिस होण का लैख बणै।

कुलुसी 1:12 ပူးပေါင်းရင်းမြစ်များ

मत्ती 25:34

तब राजा अपड़ी दैंणि तरपां वलो बट्टी बुललो, “हे मेरा बुबा का धन्य लुखुं आवा वे राज्य का अधिकारी हवे जा जु दुनिया का पैली बट्टी तुम कु तैयार करयूं च।”

यूहन्ना 14:6

यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।

यूहन्ना 20:17

यीशु ल वीं कु बोलि, मेरा खुट्टों मा लिपटै कै मि तैं नि रोक किलैकि मि अब तक बुबा मा मथि नि गौं पर विश्वासी भयों मा बोलि दे कि मि अपड़ा बुबा अर तुमारा बुबा अर अपड़ा परमेश्वर अर तुमारा परमेश्वर मा मथि जांणु छौं।

यूहन्ना 4:23

पर उ बगत औणु च अर अभि भि च जै मा सच्चा भक्त परमेश्वर पिता कि आराधना आत्मा अर सचै से करला किलैकि परमेश्वर पिता अफ कु इन ही आराधना कन वलो तैं खुज्योंद।

खास चेलों 20:32

अर अब मि तुम तैं परमेश्वर अर वेकी कृपा का वचन तैं सौंपी दींदो; जु तुम तैं विश्वास मा मजबूत कैरी सकद, अर परमेश्वर तुम तैं उ विरासत दयालो जै तैं दींणो को वादा वेल ऊं सभि लुखुं बट्टी करयूं च जु वेका द्वारा पवित्र किये गैनी।

खास चेलों 26:18

कि तू ऊंकी आंखा खोल, कि उ अंधेरा बट्टी उज्यला का तरपां, अर शैतान का अधिकार बट्टी पिता परमेश्वर की तरपां फिर; त पिता परमेश्वर ऊंका पापों तैं माफ करलो, अर ऊं लुखुं दगड़ी विरासत मिलो, जु मि पर विश्वास कन से पवित्र किये गैनी’

रोमियों 11:17

इस्राएल का लोग एक अच्छा जैतून डाला का फौंका का जन छिनी अर पिता अब्राहम, इसहाक अर याकूब वे डाला का जौड़ा का जन छिनी। अन्यजाति जंगली जैतून का डाला का फौंका जन च अर तुम यहूदियों बट्टी वे जन फैदा प्राप्त करदयां जन की जंगली जैतून का डाला का फौंका अच्छा जैतून का डाला बट्टी फैदा प्राप्त करदींनि।

रोमियों 15:27

ऊंल यु खुशी ल कैरी, अर उ ऊंका कर्जदार भि छिनी, किलैकि अन्यजातियों ल यरूशलेम शहर का रौंण वला विश्वासियों बट्टी शुभ संदेश की आत्मिक आशीष पैनी, इलै ऊं तैं लगदो कि यांका बदला मा उ कम से कम ऊंकी आर्थिक मदद कैरी सकदा छिनी।

रोमियों 8:17

अर जु सन्तान छा, त वारिस भि छा, बल्कि परमेश्वर का वारिस अर मसीह का संगी वारिस छा। जु हम यीशु का जन दुःख सौला, त हम वेकी बड़ै मा भि हकदार हूला।

रोमियों 9:23

वेल इन इलै कैरी, किलैकि उ दिखण चांदु छो, कि उ कथग महान च जब वेल ऊं लुखुं पर दया कैरी जौं तैं वेल अपड़ी महिमा मा भागिदार हूंणु कु पैली चुणि।

1 कुरिन्थि 9:23

अर मि सब कुछ मसीह का बारा मा शुभ सन्देश तैं प्रचार कनु कु ही करदु, कि मि दुसरों का दगड़ी शुभ सन्देश कु प्रचार कनु कु पिता परमेश्वर द्वारा मिलण वला ईनाम मा शामिल हवे जौं।

2 कुरिन्थि 11:14

अर यु कुछ चौंकणै की बात नि च किलैकि शैतान आप भि पिता परमेश्वर की महिमा कु एक स्वर्गदूत हूंणो कु दिखावा करद।

2 कुरिन्थि 5:5

अर जैल हमारा नई देहों तैं तैयार कैरी उ पिता परमेश्वर च, जैल हम तैं बयना मा पवित्र आत्मा भि द्ये जु यु पक्को करदा की पिता परमेश्वर वे तैं जरूर पूरो करलो।

इफिसुस 1:11

परमेश्वर ल हम यहूदियों तैं भि मसीह का दगड़ी जोड़ि कै अपड़ा लोग हूंणो कु चुणयेली किलैकि शुरू बट्टी ऊंकी या ही योजना छै, उ सब कुछ अपड़ी योजना का अनुसार करदु च।

इफिसुस 1:18

मि यु भि प्रार्थना करदु छों, कि उ सचै तैं समझण मा हमारी मदद करलो, कि तुम जणिल्या कि उ आस जैको वेल तुम तैं बुल्युं च उ क्य च, अर तुम जांणि सका कि उ आशीष कथग महान अर महिमामय च ज्यांको वादा परमेश्वर ल अपड़ा पवित्र लुखुं बट्टी करयुं च।

इफिसुस 2:18

मसीह ल हम कु जु कैरी वेका कारण अब हम सब उ एक पवित्र आत्मा का द्वारा पिता परमेश्वर का नजदीक ऐ सकदां छा।

इफिसुस 3:6

यु परमेश्वर कि योजना च कि यीशु मसीह का शुभ सन्देश का दगड़ी हमारो जुड़णों कु कारण अन्यजाति, यहूदियों का जन उ ही आशीषों तैं पाला, अर उ अब एक देह मा कठ्ठा मण्डलि च, कि पिता परमेश्वर का करयां वादा मा हकदार हो।

इफिसुस 4:6

अर एक ही पिता परमेश्वर च जु सभि लुखुं कु बुबा च, उ हम सब पर राज्य करद, उ हम सभियूं का द्वारा काम करद, अर उ हम सभियूं मा रांदो।

इफिसुस 5:11

इलै तुम यूं पापमय कामों तैं कन मा ऊंका दगड़िया नि बंणि, बल्कि लुखुं तैं दिखा कि यु काम बुरा छिनी।

इफिसुस 5:20

अर जु कुछ हमारा प्रभु यीशु मसीह ल करयूं च, वेका कारण सदनी हमारा पिता परमेश्वर कि सभि बातों कु धन्यवाद कैरा।

इफिसुस 5:4

अर न बेशर्म हवे के बात कन, न मूर्खता कि बातचित कन, अर न ऊं बातों पर हैंसण जौं पर बेजती महसूस हूंदी, किलैकि यु बात शोभा नि दींदिनि, पर तुम तैं परमेश्वर तैं धन्यवाद ही दींण चयणु च।

इफिसुस 5:8

किलैकि तुम खुद अंधेरा मा रौंदयां, पर जब बट्टी तुम प्रभु का लोग बंणया, तुम उज्यला छा। इलै तुम तैं ऊं लुखुं का जन जींण चयणु च जु उज्यला मा बट्टी जुड़यां छिनी।

कुलुसी 2:2

मि इन इलै करदु कि मि ऊं तैं तुम्हरा विश्वास मा मजबूत कन चांणु छों, अर एक दुसरा का प्रति तुम्हरो प्रेम तुम तैं कठ्ठा करलो, मि चांदु छों कि ऊं तैं पूरी हिम्मत हो किलैकि ऊं तैं पिता परमेश्वर की गुप्त योजना की पूरी समझ च, जु खुद मसीह ही च।

कुलुसी 3:15

उ शान्ति जु मसीह दींद तुमारा मनों मा राज्य कैर, किलैकि तुम सभि एक ही देह का अंग छा अर इलै तुम तैं एक दुसरा का दगड़ा शान्ति अर हमेशा पिता परमेश्वर कु धन्यवाद करदी रावा ज्यांकु तुम बुलयां ग्यां छा।

कुलुसी 3:17

जु कुछ भि तुम बुल्दा या काम करदां, उ सब प्रभु यीशु मसीह का नौं से कैरा अर वेका द्वारा पिता परमेश्वर कु धन्यवाद कैरा।

तीतुस 2:14

यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।

इब्रानी 12:23

तुम पिता परमेश्वर का पैला नौनों की सभा अर मण्डलि मा अयां छा, जु का नौं स्वर्ग मा लिख्यां छिनी; तुम अफी पिता परमेश्वर मा अयां छा, जु सभि चीजों पर न्याय कन वलो च, उ स्वर्ग मा धर्मी लुखुं की आत्मा छिनी जौं तैं अब सिद्ध बणये गै।

इब्रानी 3:1

इलै हे विश्वासी भयों, जु पिता परमेश्वर बट्टी जुड़यांं प्रेरित छा, तुम जु स्वर्ग मा पिता परमेश्वर का दगड़ी कठ्ठा हूंणु कु बुलै ग्यां, मसीह यीशु पर ध्यान द्या, जु हम कु पिता परमेश्वर कु शुभ संदेश कु दूत अर महायाजक च।

इब्रानी 3:14

जु हम अपड़ा पैला विश्वास तैं आखिर तक सम्भालि कै रखा, त हम मसीह का दगड़ी बणयां रौन्दियां।

याकूब 3:9

ईं जीभ ल ही हम प्रभु अर पिता परमेश्वर की स्तुति करदां। अर यां बट्टी ही मनिख्युं तैं जु पिता परमेश्वर का समानता मा बणयां छिनी ऊं तैं श्राप दींदयां।

1 पतरस 5:1

कुछ इन बात छिनी जु मि उख का पुरणा अगुवों बट्टी कन चांणु छो किलैकि मि भि तुम जन एक पुरणों अगुवा छो। मिल अफ भि ऊं दुखों तैं देख जु भौत बगत पैली मसीह ल सैनी। जब उ फिर वापिस आलो, त मि भि वेकी महिमा मा शामिल होलो अब मि तुम बट्टी बिनती कनु छो

1 यूहन्ना 1:3

हम ल यीशु मसीह का बारा मा जु कुछ भि देखि अर सूंणि, वेकी गव्है हम तुम तैं भि प्रचार करद्यां इलै कि हम दगड़ी तुम्हरी भि संगति हो, अर हमारी या दगड़ी बुबा का दगड़ा, अर वेका नौंना यीशु मसीह का दगड़ी च।

दिब्य दरस 21:23

उख न त सूरज अर न ही चन्द्रमा की चमक की जरूरत च, किलैकि उ शहर पिता परमेश्वर का महिमा बट्टी वेमा उज्यलो हूंणु छो अर चिनखो वे दिवड़ै की चमक च।

दिब्य दरस 22:14

धन्य छिनी उ, जौनु चिनखा का बलिदान बट्टी अपड़ा आप तैं पिता परमेश्वर की नजरों मा शुद्ध बणै दींनि, किलैकि ऊं तैं वे शहर का फाटकों बट्टी प्रवेश कनु कु अधिकार दिये जालो। अर ऊं तैं वे डाला का फल खांणु कु भि अधिकार दिये जालो जु जीवन दींद।

दिब्य दरस 22:5

अर फिर कभी रात नि होली, अर जु लोग उख रौन्दींनि, ऊं तैं अपड़ा रस्ता मा उज्यलो कनु कु दिवड़ै की कुई जरूरत नि च। न ही ऊं तैं उज्यलो दींण कु सूरज की जरूरत च। किलैकि पिता परमेश्वर ही च जु लुखुं तैं उज्यलो दींद। अर यु लोग जु उख रौदींनि उ हमेशा कु राज्य करदींनि।