खास चेलों 9:40 - गढवली नयो नियम

⁴⁰ तब पतरस ल सभियूं तैं भैर भेज दींनि अर वेका बाद घुंडा टेकी के पिता परमेश्वर बट्टी प्रार्थना कैरी, अर लांश की तरपां देखि के बोलि, “तबिता, उठ!” अर व आँखा खोलि पतरस तैं दिखण लगि गै अर बैठी गै।

Garhwali

⁴⁰ तब पतरस न सब लोगु तैं उख बटि भैर भेजि, अर घुंडा टेकी के प्रार्थना कैरी। अर लांश जनै देखि के बोलि, “तबीता उठ जा,” तब वींन अपणा आंखा खुलीनि अर पतरस तैं देखि के वा उठी अर बैठि गै।

खास चेलों 9:40 ပူးပေါင်းရင်းမြစ်များ

मत्ती 6:6

पर जब तु पिता परमेश्वर बट्टी प्रार्थना कैर त अपड़ी कोठरी मा जा अर द्वार बन्द कैर के अपड़ा परमेश्वर पिता बट्टी जु गुप्त म च जै तैं आज तक कैल नि देखि परमेश्वर बट्टी प्रार्थना कर और तब तेरु परमेश्वर पिता जु गुप्त मा बट्टी दिखद, त्वे तैं प्रतिफल दयालो।

मत्ती 9:25

पर जब भीड़ छंटे गै त वेल भितर जै के नौंनि को हथ पकड़ी अर व ज्यूंदी हवे गै।

मरकुस 9:25

जब यीशु ल देखि कि लोग दौड़ि कै भीड़ मा जुड़णा छिन त वेल वीं दुष्टात्मा तैं इन बोलि के घुड़कि, हे अशुद्ध आत्मा जु यु लड़का तैं गुंगु अर बहरो बनांणी छै मि त्वे तैं आज्ञा दींणु छौं वे तैं छोड़ी के निकली जा अर फिर कभि यु मा नि समै।

लूका 22:41

अर यीशु ऊं बट्टी अलग एक थोड़ी दूरी पर गै, अर घुंडा टेकि कै परमेश्वर बट्टी प्रार्थना कन लगि गै।

लूका 8:54

पर वेल वीं को हथ पकड़ी अर पुकारी के बोलि, “हे नौंनि उठ”

खास चेलों 20:36

इन बोलि के वेल ल अपड़ा घुंडा टेकी के अर ऊं सभियूं का दगड़ी पिता परमेश्वर बट्टी प्रार्थना कैरी।

खास चेलों 21:5

सात दिन का बाद जब उख बट्टी हमारो जांणो को बगत ऐ, जब हम उख बट्टी जांण छा। तब उ सभि जनन अर बच्चों समेत हम दगड़ी शहर बट्टी भैर गैनी, अर हम ल छाला पर घुंडा टेकी के पिता परमेश्वर बट्टी प्रार्थना कैरी।

खास चेलों 28:8

अब इन हवे कि पुबलियुस को बुबा जौर ल अर करासी ल बिमार पुड़यूँ छो। पौलुस ल कमरा का भितर जै के पिता परमेश्वर बट्टी प्रार्थना कैरी अर वे पर अपड़ा हथ रखि के उ खूब कैरी दींनि।

खास चेलों 7:60

फिर घुंडा टेकि कै ऊंची आवाज मा बोलि, “हे प्रभु यूं तैं यु पाप को भंगारी नि ठैरो।” अर इन बोलि उ मोरि गै।