खास चेलों 7:38 - गढवली नयो नियम

³⁸ यु ही मूसा हमारा पूर्वजों का दगड़ी एक अगुवा का रूप मा छों जब उ एकांत जंगल मा एक जगह ही कठ्ठा छा। अर सीनै डांडा पर एक स्वर्गदूत ल वे दगड़ी बात कैरी अर वे तैं जीवन दींण वलो वचन मिली अर ऊंल हम तक वे तैं पौंछै दींनि।

Garhwali

³⁸ अर यू उई मूसा छौ जु की निर्जन जगा मा इस्राएली लोगु का दगड़ा मा छौ, अर जैन बिचलु को काम कैरी छौ। अर सीनै पाड़ पर उ वे स्वर्गदूत का दगड़ा मा छौ जैन वेका दगड़ा मा बात कैरी छै, अर उ हमरा पितरों का दगड़ा मा छौ। अर वेन ही यू वचन हमतै देणु खुणि ज्यून्दा पिता परमेस्वर बटि पै।

खास चेलों 7:38 ပူးပေါင်းရင်းမြစ်များ

यूहन्ना 1:17

मूसा का द्वारा लिखीं परमेश्वर की व्यवस्था दिये गै, पर परमेश्वर ल यीशु मसीह का द्वारा दया अर सचै दिखै।

यूहन्ना 6:63

परमेश्वर की आत्मा जु जीवन दींण वली च देह बट्टी कुछ फैदा नीच जु बात मिल तुम बट्टी बुलीं छिनी उ आत्मा च, अर जीवन भि दींद।

खास चेलों 7:30

मिद्यान देश का सीनै डांडा मा मूसा का चालिस बरस बितणा का बाद, वेल एकांत जंगल मा जगदी झाड़ी मा एक स्वर्गदूत तैं देखि।

खास चेलों 7:35

यु उ ही मूसा च जै तैं इस्राएलियों ल अस्वीकार कैरी छो, अर जौनु बोलि छो, “कि त्वे तैं हमारो न्यायी अर निसाब कन वलो कैल बंणै?” वे मूसा तैं पिता परमेश्वर ल न्यायी अर निसाब कन वलो बणै के स्वर्गदूत का द्वारा भेजि जैल वे तैं झाड़ी मा दर्शन दे छो।

खास चेलों 7:53

तुम ल स्वर्गदूतों का द्वारा ठहराई व्यवस्था त पै, पर वे तैं मांणी नि च।”

रोमियों 3:2

एक यहूदी हूंणो कु भौत फैदा च। सबसे खास यु कि परमेश्वर कु वचन ऊं तैं सौंप्ये गै।

रोमियों 9:4

उ इस्राएली ही छिनी, ऊं तैं पिता परमेश्वर ल गोद लियुं च अर ऊं तैं सन्तानोंं का रूप मा चुणै गै अर महिमा, वाचा, मूसा द्वारा लिखीं परमेश्वर की व्यवस्था, उ सचै बट्टी पिता परमेश्वर कि आराधना करदींनि, अर प्रतिज्ञा ऊंकी ही छिनी।

गलातियों 3:19

त फिर पिता परमेश्वर ल कै उद्देश्य बट्टी इस्राएल का लुखुं तैं मूसा की व्यवस्था द्ये? पिता परमेश्वर ल मूसा की व्यवस्था इलै द्ये, कि लोग जांण साका की पाप क्य च? मूसा की व्यवस्था अब्राहम का वे वंश तक बणयूं रौंण छो, जैका बारा मा पिता परमेश्वर ल करार कैरी छै। परमेश्वर ल व्यवस्था मूसा तैं स्वर्गदूतों का द्वारा द्ये, जु पिता परमेश्वर अर लुखुं का बीच जुड़ण वलो छों।

इब्रानी 2:2

उ व्यवस्था जैका बारा मा पिता परमेश्वर ल स्वर्गदूतों का द्वारा बोलि वे तैं सच दिखै गै, अर जु कुई भि वे तैं नि मंणदु, वे तैं पिता परमेश्वर दण्ड दयालो।

इब्रानी 4:12

किलैकि पिता परमेश्वर कु वचन जीवन, सशक्त अर कै भि द्वी धार वली तलवार बट्टी भि जादा तेज च। व प्राण अर आत्मा तैं, मतलब की ग्रंथियों अर मज्जा का विच्छेद तक पहुचद अर हमारा मन का विचारों तैं परखद।

इब्रानी 5:12

तुम इथग लम्बा बगत बट्टी विश्वासी छा कि अब तुम तैं दूसरों तैं सिखांण चयणु च; यांका बजाय, तुम तैं कैकी जरूरत च जु तुम तैं पिता परमेश्वर का वचन की बुनियादी बात दुबरा बट्टी सिखौ; तुम ऊं बच्चों का जन छा जौं तैं दूध की जरूरत च अर उ कठोर खांणु नि खै सकदींनि।

1 पतरस 4:11

उदाहरण कु, जु तुम मा प्रचार कनु को वरदान च, त तुम तैं पिता परमेश्वर का संदेशों तैं प्रचार कन चयणु च, जु तुम मा दुसरा लुखुं की मदद कनु को वरदान च, त यु वे सामर्थ का दगड़ी कैरा जु पिता परमेश्वर तुम तैं दींद। त फिर जु कुछ भि तुम करला उ यीशु मसीह का द्वारा पिता परमेश्वर तैं महिमा दयालो। सैरी महिमा अर सामर्थ हमेशा-हमेशा कु पिता परमेश्वर की ही हो! आमीन।