खास चेलों 7:30 - गढवली नयो नियम

³⁰ मिद्यान देश का सीनै डांडा मा मूसा का चालिस बरस बितणा का बाद, वेल एकांत जंगल मा जगदी झाड़ी मा एक स्वर्गदूत तैं देखि।

Garhwali

³⁰ “अर जब मूसा तैं मिधान देस मा चालीस साल ह्‍वे गैनी, त एक दिन सीनै पाड़ की एक निर्जन जगा पर एक स्वर्गदूत न मूसा तैं जगदी झाड़ि की लपटो मा दरसन दिनी।

खास चेलों 7:30 ပူးပေါင်းရင်းမြစ်များ

मरकुस 12:26

मुर्दों का ज्यूंदा हूंण का बारा मा तुम ल मूसा कि व्यवस्था मा जलती झाड़ी की मिसाल नि पैढ़ी कि परमेश्वर ल वेकु बोलि, “मि अब्राहम कु परमेश्वर, इसहाक कु परमेश्वर, याकूब कु परमेश्वर छौं।”

लूका 20:37

पर यु बात सच्ची च, कि मुरयां भि ज्यूँदो हवे जंदींनि, मूसा ल भि झाड़ि वलि मिसाल मा प्रगट कैरी कि वेल प्रभु कु अब्राहम कु परमेश्वर, इसहाक कु परमेश्वर, याकूब कु परमेश्वर बोलि।

खास चेलों 7:17

पर जब वीं करार को पूरो हूंणो बगत संमणी ऐ, ज्वा पिता परमेश्वर ल अब्राहम दगड़ी कैरी छै, त मिस्र देश मा हमारा पूर्वज बढ़ण लगि गैनी; अर भौत जादा हवे गैनी।

खास चेलों 7:31

जब मूसा ल देखि झाड़ी जगणी च, त वे तैं आश्चर्य हवे। जब उ दिखणु कु संमणी गै त वेल स्वर्गदूत का द्वारा बुलै जांण वली प्रभु की आवाज तैं सूंणि।

खास चेलों 7:32

पिता परमेश्वर ल बोलि, “मि तेरु पुरखों, अब्राहम कु परमेश्वर, इसहाक कु परमेश्वर, याकूब कु परमेश्वर छौं” तब मूसा डौर ल कांपी गै, इख तक कि वे तैं दिखणु को कुई हिम्मत भि नि रै।

खास चेलों 7:35

यु उ ही मूसा च जै तैं इस्राएलियों ल अस्वीकार कैरी छो, अर जौनु बोलि छो, “कि त्वे तैं हमारो न्यायी अर निसाब कन वलो कैल बंणै?” वे मूसा तैं पिता परमेश्वर ल न्यायी अर निसाब कन वलो बणै के स्वर्गदूत का द्वारा भेजि जैल वे तैं झाड़ी मा दर्शन दे छो।

गलातियों 4:25

आज भि यरूशलेम शहर का लोग पिता परमेश्वर का दगड़ी सै ठैरयां जांण कु यहूदी व्यवस्था कु पालन कना का कारण दास छिनी। उ हाजिरा का जन दास छिनी जु अरब देश का सीनै डांडा पर बंधि करार तैं बतौंदींनि।